‘రామాయణం’ చిత్రంలో శ్రీరాముడిగా రణబీర్ కపూర్ నటించగా, సీతగా సాయి పల్లవి కనిపించింది. 14 ఏళ్ల అరణ్యవాసానికి వెళ్లిన రామ, సీతల జీవితంలో జరిగే సంఘటనలే ఈ సినిమా కథలో ప్రధాన భాగం. లంకాధిపతి రావణుడిగా యష్ అద్భుతంగా నటించాడు. సీతను రావణుడు అపహరించిన తర్వాత ధర్మం, అధర్మం మధ్య జరిగే మహా సంగ్రామం వైపు కథ మలుపు తిరుగుతుంది. భారతీయ ఇతిహాసం రామాయణంలోని ముఖ్యమైన ఘట్టాల ఆధారంగా ఈ సినిమా రూపొందింది.
ఈ చిత్రంలో రవి దూబే, ఆదినాథ్ కొఠారే, ఇందిరా కృష్ణన్, రకుల్ ప్రీత్ సింగ్, అరుణ్ గోవిల్, వివేక్ ఒబెరాయ్, షీబా చద్దా, లారా దత్తా, కునాల్ కపూర్ తదితరులు నటించారు.
రెండో భాగం విడుదల ఎప్పుడు?
ప్రైమ్ ఫోకస్ స్టూడియోస్, ఎనిమిది ఆస్కార్ అవార్డులు గెలుచుకున్న ప్రొడక్షన్ అండ్ విజువల్ ఎఫెక్ట్స్ కంపెనీ DNEG సంయుక్తంగా ఈ చిత్రాన్ని నిర్మిస్తున్నాయి. యష్ కు చెందిన మాన్ స్టర్ మైండ్ సంస్థ కూడా నిర్మాణంలో భాగస్వామిగా ఉంది. ‘రామాయణం’ను రెండు భాగాల ఇతిహాసంగా తెరకెక్కిస్తున్నారు. ఈ సినిమా రెండో భాగం 2028 దీపావళి పండుగ సందర్భంగా ప్రపంచవ్యాప్తంగా థియేటర్లలో విడుదల కానుంది.