HBD RamCharan: రాంచరణ్ ఆసక్తి వాటిపైనే, బాబాయ్ కే చెమటలు పట్టించాడట.. చిరుత ఎండ్ లో రాజమౌళి కలిసి..

మెగా పవర్ స్టార్ రాంచరణ్ ప్రస్తుతం ఇండియన్ బాక్సాఫీస్ సింహాసనంపై గర్జిస్తున్న హీరో. యంగ్ టైగర్ ఎన్టీఆర్, రాంచరణ్ కలసి నటించిన ఆర్ఆర్ఆర్ చిత్రం బాక్సాఫీస్ వద్ద విధ్వంసం సృష్టిస్తోంది. 

Ram Charan

మెగా పవర్ స్టార్ రాంచరణ్ ప్రస్తుతం ఇండియన్ బాక్సాఫీస్ సింహాసనంపై గర్జిస్తున్న హీరో. యంగ్ టైగర్ ఎన్టీఆర్, రాంచరణ్ కలసి నటించిన ఆర్ఆర్ఆర్ చిత్రం బాక్సాఫీస్ వద్ద విధ్వంసం సృష్టిస్తోంది. ఆర్ఆర్ఆర్ హంగామాకి రాంచరణ్ పుట్టిన రోజు కూడా తోడైంది. దీనితో రాంచరణ్ కి అభిమానుల నుంచి సోషల్ మీడియాలో శుభాకాంక్షలు వెల్లువెత్తుతున్నాయి. రాంచరణ్ కెరీర్ విశేషాలని అభిమానులు ఆసక్తిగా చర్చించుకుంటున్నారు. 

Ram Charan

ఓ సందర్భంలో రాంచరణ్ తన సినీ రంగ ప్రవేశం గురించి ఆసక్తికర వ్యాఖ్యలు చేశారు. నాకు 16 ఏళ్ల వయసు వరకు కూడా నటనపై ఆసక్తి లేదు. కార్లు అంటే బాగా ఇంట్రెస్ట్ ఉండేది. దీనితో ఆటో మొబైల్ ఇంజినీరింగ్ పై ఆసక్తి పెరిగింది. ఇదే విషయాన్ని నాన్నగారికి కూడా చెప్పాను. ఉన్నత చదువుల కోసం ఫారెన్ వెళతానని అన్నాను. నాన్నగారు నో చెప్పలేదు.. నీ ఇష్టం అని అన్నారు. 

Ram Charan

నేను యంగ్ ఏజ్ కి వచ్చాక మా ఇంటికి వచ్చే సినీ ప్రముఖులు రాఘవేంద్ర రావు లాంటి వారు.. మనిద్దరం ఎప్పుడు సినిమా చేద్దాం అంటూ సరదాగా మాట్లాడేవారు. అలా నాన్నగారు కూడా నా వద్దకు కొందరు సినీ ప్రముఖుల్ని పంపేవారు. దీంతో నాకు తెలియకుండానే సినిమాల గురించి ఆలోచన మొదలైంది. 

Ram Charan

మన డోర్ దగ్గర ఉన్న అవకాశం వదిలేసి నేను ఇంకేదో వెతుక్కుంటున్నాన అనే ఆలోచన మొదలైంది. ఒక రోజు నిర్ణయించుకుని యాక్టింగ్ స్కూల్ లో చేరతానని చెప్పాను. నాన్న వెంటనే ఒకే అన్నారు. ఆ తర్వాత 8 నెలలకి చిరుత మూవీ ఖరారయింది. అలా తానూ హీరోగా మారానని రాంచరణ్ తెలిపారు. చిరంజీవి గారి కొడుకుగా అవకాశం సులభంగా వచ్చింది. దానిని నిలబెట్టుకోవడం నా చేతుల్లోనే ఉంది అని చరణ్ తెలిపారు. 

Ram Charan

ఇక తన సినిమాలకు, నటనకు నాన్నగారు, బాబాయ్ నాగబాబు గారు పెద్ద క్రిటిక్స్ అని రాంచరణ్ తెలిపాడు. చిరుత ఫస్ట్ ప్రీమియర్ షో ప్రసాద్ ల్యాబ్స్ లో వేసారు. మా ఫ్యామిలీ మొత్తం చూసింది. నాగబాబు బాబాయ్ అయితే నేను ఎలా చేశానో అని టెన్షన్ పడుతూ సినిమా చూశారు. ఆయనకు చెమటలు పట్టేశాయి. సినిమా అయిపోయాక సంతోషంతో చాలా బాగా చేసావురా అని అభినందించారు. 

Ram Charan

ఇక చిరుత చివరి దశకు చేరుకున్న సమయంలో రాజమౌళి గారితో మగధీర ప్రిపరేషన్స్ మొదలయ్యాయి. ఆ టైం లో రాజమౌళి గారు నన్ను కలసి నీ ఆసక్తి ఎక్కువగా దీనిపై.. నీకు ఏమి వచ్చు అని అడిగారు. నాకు గుర్రాలు అంటే చాలా ఇష్టం, హార్స్ రైడింగ్ చేస్తాను అని చెప్పాను. ఒకే.. ఒక నెల తర్వాత నిన్ను మళ్ళీ కలుస్తాను అని చెప్పి వెళ్లారు. నేను చెప్పిన ఆ మాట కోసమే మగధీర సినిమాలో హార్స్ రైడింగ్ సీన్స్ పెట్టారు రాజమౌళి గారు అని చరణ్ తెలిపాడు.