ప్రభాస్ విషయంలో రాజమౌళికి, మిగిలిన డైరెక్టర్స్ కి తేడా అదే..బంగారు హుండీని చిల్లర వేయడానికి, ఇదిగో ప్రూఫ్

యంగ్ రెబల్ స్టార్ ప్రభాస్ గురించి ప్రస్తుతం ఒక్క మాటలో చెప్పాలంటే.. ఇండియాలో బిగ్గెస్ట్ యాక్షన్ హీరో అని చెప్పొచ్చు. కల్కి చిత్రం బాక్సాఫీస్ వద్ద ఎలాంటి ప్రభంజనం సృష్టిస్తుందో తెలిసిందే. ప్రభాస్ కి బాహుబలి చిత్రం పాలన్ ఇండియా క్రేజ్ తీసుకువచ్చింది. 

ప్రభాస్ లో అసలైన యాక్షన్ హీరోని గుర్తించింది ఎవరో తెలుసా..ఇంకెవరు దర్శకధీరుడు రాజమౌళి. ఛత్రపతి వరకు ప్రభాస్ కి మాస్ యాక్షన్ మూవీ లేదు. అప్పటి ప్రభాస్ నాలుగైదు చిత్రాలు చేశాడు. ప్రభాస్ లాంటి కటౌట్ ని పెట్టుకుని అంతా లవ్ స్టోరీస్ చేసారు. ఒక విధంగా చెప్పాలంటే బంగారు హుండీని చిల్లర వేయడానికి ఉపయోగించారు. 

ఈ విషయాన్ని రాజమౌళి స్వయంగా చెప్పారు. నేను ఛత్రపతి తీసేవరకు ఎవరూ ప్రభాస్ తో కంప్లీట్ యాక్షన్ మూవీ చేయలేదు. అది నాకు కలసి వచ్చింది అని రాజమౌళి అన్నారు. 

ఛత్రపతి చిత్రంలో సెంటిమెంట్ తో పాటు, యాక్షన్ కూడా అదిరిపోయింది. బీచ్ లో కాట్ రాజ్ తో చేసే ఫైట్ అయితే యాక్షన్ లవర్స్ ని విపరీతంగా ఆకట్టుకుంది. ఆ తర్వాత రాజమౌళి ప్రభాస్ తో బాహుబలి తెరకెక్కించి ప్రభాస్ క్రేజ్ ని ఇండియా మొత్తం వ్యాపించేలా చేశాడు. 

Rajamouli

ప్రభాస్ తన కెరీర్ లో వర్షం, డార్లింగ్, మిస్టర్ పర్ఫెక్ట్, పౌర్ణమి లాంటి ప్రేమ కథా చిత్రాలే ఎక్కువగా చేశారు. పూరి జగన్నాధ్ కాస్త కామెడీ టైమింగ్ తో యాక్షన్ మూవీస్ చేసినప్పటికీ అవి వర్కౌట్ కాలేదు. రాజమౌళి తర్వాత ప్రభాస్ ని అంత మాస్ గా చూపించిన డైరెక్టర్ అంటే కొరటాల శివ అనే చెప్పాలి. 

మిర్చి చిత్రంలో ప్రభాస్ ని హ్యాండ్సమ్ గా చూపిస్తూనే విలేజ్ నేపథ్యంలో సాగే మాస్ చిత్రం అందించారు. ఈ మూవీలో ప్రభాస్ లుక్స్ ది బెస్ట్ అనిపించే విధంగా ఉంటాయి.