ప్రస్తుతం తెలుగు సినిమాల గురించి హాలీవుడ్ వాళ్ళు కూడా మాట్లాడుకుంటున్నారు. రాజమౌళి తెరకెక్కించిన ఆర్ఆర్ఆర్ చిత్రం ప్రపంచ వ్యాప్తంగా సంచలనం సృష్టించింది. రాజమౌళి భవిష్యత్తులో హాలీవుడ్ సినిమా చేసే ఛాన్స్ ఉందా లేదా అనేది ఈ కథనంలో తెలుసుకుందాం.
దర్శకధీరుడు రాజమౌళి కి బాహుబలి, ఆర్ఆర్ఆర్ చిత్రాలతో ప్రపంచ స్థాయి గుర్తింపు దక్కింది. ఆర్ఆర్ఆర్ అయితే ఏకంగా ఆస్కార్ స్టేజీపై జయకేతనం ఏగరవేసింది. రాజమౌళి జేమ్స్ కామెరూన్, క్రిస్టఫర్ నోలెన్, స్టీవెన్ స్పీల్ బర్గ్ లాంటి లెజెండ్రీ దర్శకుల నుంచి ప్రశంసలు దక్కించుకున్నారు. ప్రస్తుతం రాజమౌళి మహేష్ బాబుతో వారణాసి అనే ప్రపంచ స్థాయి చిత్రం తెరకెక్కిస్తున్నారు.
25
రాజమౌళి హాలీవుడ్ మూవీ
ఈ మూవీలో హాలీవుడ్ మార్కెట్ లోకి సైతం వెళ్ళాలి అనేది జక్కన్న ఆలోచన. చాలా ఏళ్ళ క్రితమే రాజమౌళి కి హాలీవుడ్ సినిమాల గురించి ప్రశ్న ఎదురైంది. ఆ ప్రశ్నలకు జక్కన్న అదిరిపోయే సమాధానాలు ఇచ్చారు. మీరు భవిష్యత్తులో హాలీవుడ్ మూవీ చేస్తే హీరోగా ఎవరిని తీసుకుంటారు అని ఓ స్టూడెంట్ ప్రశ్నించారు.
35
హాలీవుడ్ కంటే చాలా వెనుకబడి ఉన్నాం
దీనికి రాజమౌళి సమాధానం ఇస్తూ ఇటీవల మనం హాలీవుడ్ తో పోల్చుకోవడం చాలా కామన్ అయిపోయింది. ఏదైనా సినిమా మేకింగ్ స్టాండర్డ్స్ బావుంటే హాలీవుడ్ మూవీలా ఉంది అని అనేస్తున్నారు. కానీ వాస్తవం గమనిస్తే హాలీవుడ్ తో పోల్చుకుంటే మనం చాలా వెనుకబడి ఉన్నాం అని జక్కన్న తెలిపారు. హాలీవుడ్ స్థాయిలో కొన్ని సీన్లు మాత్రమే తీయగలుగుతున్నాం తప్ప.. ఇంకా మనం ఆ రేంజ్ కి చేరుకోలేదు అని తెలిపారు.
ఒక వేళ హాలీవుడ్ మూవీ తీసే అవకాశం వస్తే మాత్రం నేను హీరో గురించి పెద్దగా ఆలోచించను. గతంలో 'క్రౌచింగ్ టైగర్, హిడెన్ డ్రాగన్' చైనీస్ మూవీ వచ్చింది. అమెరికాలో పెద్ద విజయం సాధించింది. కానీ వాళ్ళు దానిని ఇంగ్లీష్ లో రిలీజ్ చేయలేదు. చైనా భాషలోనే ఇంగ్లీష్ సబ్ టైటిల్స్ తో రిలీజ్ చేశారు. అయినా అఖండ విజయం సాధించింది.
55
మైథాలజీ కథలు
హాలీవుడ్ స్థాయి సినిమా చేసే ఛాన్స్ వస్తే నేను మన మైథాలజీ కథలని మన ఎమోషన్స్ తోనే తీస్తాను అని జక్కన్న తెలిపారు. ప్రస్తుతం రాజమౌళి, మహేష్ కాంబినేషన్ లో వస్తున్న వారణాసి మూవీలో రామాయణం సన్నివేశాలు కూడా ఉన్నాయి.
