Puri Jagannadh: ఇప్పటి వరకు ఛార్మి.. ఇకపై పూరి కుమార్తె కూడా.. ఇది నిజమా..?

డాషింగ్ డైరెక్టర్ పూరి జగన్నాధ్ కు టాలీవుడ్ లో ప్రత్యేకమైన క్రేజ్ ఉంది. నిర్మాతల ఫ్రెండ్లీ డైరెక్టర్ పూరి జగన్నాధ్. బడ్జెట్ హద్దులు దాటకుండా తక్కువ టైంలో మంచి అవుట్ పుట్ తో పూరి సినిమాలు చేస్తుంటారు. భారీ కథలపై ఎక్కువగా ఆధారపడకుండా పూరి జగన్నాధ్ తన టేకింగ్ నే నమ్ముకుంటారు.  

యువతకి నచ్చే అంశాలని పూరి జగన్నాధ్ తన చిత్రాల్లో పక్కాగా ఉండేలా చూసుకుంటారు. అందుకే పూరి చిత్రాలకి కొంచెం టాక్ అటు ఇటూగా ఉన్నా నిర్మాతలకు పెద్దగా నష్టం ఉండదు. ఇటీవల పూరి జగన్నాధ్ తన సొంత ప్రొడక్షన్ లోనే సినిమాలు చేస్తున్నారు.వైష్ణో అకాడమీ, పూరి కనెక్ట్స్ అనే నిర్మాణ సంస్థల్ని పూరి స్థాపించిన సంగతి తెలిసిందే. 

పూరి కనెక్ట్స్ బ్యానర్ లో ప్రస్తుతం ఈ డాషింగ్ డైరెక్టర్ సినిమాలు చేస్తున్నారు. ఈ బ్యానర్ నిర్మాణ బాధ్యతలని క్రేజీ హీరోయిన్ ఛార్మి చూసుకుంటూ ఉంటుంది. ఛార్మి, పూరికి బాగా దగ్గరైన సంగతి తెలిసిందే. పూరి ప్రతి సినిమాకి ఛార్మినే ప్రొడక్షన్ వర్క్ చూసుకుంటూ ఉంటుంది. 

తాజాగా ఇండస్ట్రీలో వినిపిస్తున్న రూమర్స్ ప్రకారం త్వరలో పూరి కుమార్తె పవిత్ర టాలీవుడ్ లోకి ఎంట్రీ ఇవ్వబోతున్నట్లు తెలుస్తోంది. పవిత్రని నిర్మాత చేయాలనే ఆలోచనలో పూరి జగన్నాధ్ ఉన్నారట. త్వరలోనే పూరి కనెక్ట్స్ బాధ్యతలని పవిత్రకి అప్పగించబోతున్నట్లు తెలుస్తోంది. 

పూరి తనయుడు ఆకాష్ పూరి హీరోగా రాణిస్తున్నాడు. ఆకాష్ ఇంకా స్టార్ గా ఎదగలేదు. ఇప్పటికి యువకుడే. తండ్రి అడుగుజాడల్లో ఆకాష్ తప్పకుండా టాలీవుడ్ లో మంచి హీరో అవుతాడని అంతా భావిస్తున్నారు. ఇక పూరి కుమార్తె కూడా ఇటీవలే ఉన్నత విద్యలు పూర్తి చేసింది. 

సినిమాల పట్ల తన ఆసక్తిని తండ్రికి తెలియజేసిందట. దీనితో నిర్మాణ భాద్యతలు చూసుకోమని.. అనుభవం వచ్చాక సొంతంగా సినిమాలు నిర్మించుకోవచ్చని తెలిపారట. ప్రస్తుతం పూరి జగన్నాధ్ విజయ్ దేవర కొండతో లైగర్ చిత్రాన్ని తెరకెక్కిస్తున్నారు.  ఈ మూవీ తర్వాత జనగణమన ఉండబోతోంది. ఈ మూవీలో పవిత్ర టాలీవుడ్ లోకి ఎంట్రీ ఇచ్చే ఛాన్స్ ఉన్నట్లు ప్రచారం జరుగుతోంది.