చుడీదార్ లో కట్టిపడేస్తున్న ప్రియా ప్రకాశ్ వారియర్.. మత్తు కళ్లతో కలవరపెడుతున్న యంగ్ బ్యూటీ!

ఓవర్ నైట్ లో స్టార్ డమ్ దక్కించుకున్న మలయాళీ బ్యూటీ ప్రియా ప్రకాశ్ వారియర్ (Priaya Prakash Varrier) ట్రెడిషనల్ అందాలతో మతులు పోగొడుతోంది. తాజాగా వింకీ బ్యూటీ పంచుకున్న ఫొటోలు స్టన్నింగ్ గా ఉన్నాయి.  

హీరోయిన్ గా క్రేజ్ దక్కించుకోవడం ఒక ఎత్తైతే... ఆ క్రేజ్ ను కాపాడుకోవడం మరో ఎత్తు. వెండితెరపై నిత్యం రాణించాలంటే సినిమా అవకాశాలతో పాటు హిట్లు కూడా కావాల్సి ఉంటుంది. ప్రస్తుతం ప్రియా ప్రకాశ్ వారియర్ పరిస్థితి కూడా అలానే ఉంది. స్టార్ డమ్ వచ్చినా సరైన హిట్టు పడటం లేదు.

మలయాళ చిత్రం ‘ఓరు అదార్ లవ్’తో  ప్రియా ప్రకాశ్ వారియర్ రాత్రికిరాత్రే స్టార్ డమ్ ను సొంతం చేసుకున్న విషయం తెలిసిందే. ముఖ్యంగా చిత్రంలోని ప్రియా కన్ను గీటే వీడియో నెట్టింట ఎంతటి  సెన్సేషన్ క్రియేట్ చేసిందో ప్రత్యేకంగా చెప్పనక్కర్లేదు. ఆ ఒక్క సీన్ తో ఈ బ్యూటీ రేంజ్ మారిపోయింది.

మలయాళంతో పాటు, తెలుగు, తమిళం, హిందీ చిత్రాల్లో వరుస అవకాశాలను అందుకుంటోంది. ఇప్పటికీ ఈ బ్యూటీ చేతిలో ఏడెనిమిది చిత్రాలు ఉన్నాయి. ప్రస్తుతం ఒక్కో సినిమాను పూర్తి చేసుకుంటూ వస్తోంది. అయితే ప్రియా ప్రకాశ్ కు బ్యాక్ టు బ్యాక్ ఆఫర్లు వస్తున్నా స్టార్ హీరోయిన్ రేంజ్ రావాలంటే సాలిడ్ హిట్ అవసరం.

గతేడాది ప్రియా వరుస తెలుగు సినిమాలైన ‘చెక్’,‘ఇష్క్ : నాట్ ఏ లవ్ స్టోరీ’తో అలరించిన విషయం తెలిసిందే. కానీ ఈ రెండు సినిమాలతో తెలుగు ఆడియెన్స్ ను పెద్దగా ఆకట్టకోలేకపోయింది. ఆ చిత్రాలు పెద్దగా ఆడకపోవడంతో ప్రియా హిట్ కు దూరమైంది. ఇక ఇతర భాషల్లో తెరకెక్కుతున్న సినిమాలపైనే ఈ బ్యూటీ ఆశలు పెట్టుకుంది. 

మరోవైపు స్టార్ హీరోయిన్ గా వెండితెరపై అలరించాలంటే అందం, అభినయంతో పాటు ఫ్యాన్ ఫాలోయింగ్ కూడా కావాల్సిందే. ఇప్పటికే యూత్ లో క్రేజ్ దక్కించుకున్న ఈ బ్యూటీ.. నెట్టింట ఫ్యాన్ పాలోయింగ్ ను సొంతం చేసుకునేందుకు బ్యాక్ టు బ్యాక్ ఫొటోషూట్లతో రచ్చ చేస్తోంది. 

తాజాగా ప్రియా ప్రకాశ్ వారియర్ పంచుకున్న ఫొటోలు ఆకర్షణీయంగా ఉన్నాయి. ట్రెడిషనల్ లుక్ లో మంత్రముగ్ధులను చేస్తోంది. చుడీదార్ ధరించిన యంగ్ బ్యూటీ ఫ్లోర్ పై సిట్టింగ్ పోజిషనల్ లో ఫొటోలకు పోజులిచ్చింది. మత్తు కళ్లతో కుర్రాళ్లను అట్రాక్ట్ చేసింది. లేటెస్ట్ లుక్స్ కు నెటిజన్లు సైతం ఫిదా అవుతున్నారు. లైక్స్, కామెంట్లతో ఫొటోలను వైరల్ చేస్తున్నారు.