Prince Twitter Review:`ప్రిన్స్` మూవీ ట్విట్టర్ టాక్.. `జాతిరత్నం` మరోసారి రచ్చ చేశాడా?
`జాతిరత్నాలు` చిత్రంతో బ్లాక్ బస్టర్ అందుకున్న అనుదీప్ దర్శకత్వంలో రూపొందిన చిత్రం `ప్రిన్స్`. శివకార్తికేయన్ తెలుగులోకి ఎంట్రీ ఇస్తూ నటించిన ఈ చిత్రం నేడు(శుక్రవారం) అక్టోబర్ 21న విడుదలైంది. విదేశాల్లో ముందుగా ప్రదర్శించబడిన ఈ చిత్రానికి సంబంధించి టాక్ బయటకు వచ్చింది. నెటిజన్లు ట్విట్టర్లో పోస్టుల రూపంలో రివ్యూ చెబుతున్నారు. మరి ఆ ట్విట్టర్ రిపోర్ట్ ఎలా ఉందో తెలుసుకుందాం.
తెలుగులో ఇటీవల వచ్చిన `జాతిరత్నాలు` (Jathi Ratnalu) చిత్రం ఎంత విజయాన్ని సాధించిందో తెలిసిందే. ఫ్యూర్ కామెడీగా రూపొందిన ఈ సినిమా టాలీవుడ్లో ఓ సంచలనంగా నిలిచింది. ఈసినిమాతో ఒక్కసారిగా పాపులర్ అయ్యారు దర్శకుడు అనుదీప్(Anudeep). ఆయన అమాయకత్వపు ప్రవర్తనే `జాతిరత్నం`లో కనిపిస్తుంది. అందుకే సినిమాతోపాటు అనుదీప్ కూడా పాపులర్ అయిపోయారు. ఆ తర్వాత ఆయన దర్శకత్వంలో వస్తోన్న చిత్రం `ప్రిన్స్`(Prince). `రెమో`, `డాక్టర్`, `డాన్` వంటి చిత్రాలతో తెలుగులోమార్కెట్ ఏర్పర్చుకుంటూ వచ్చిన శివ కార్తికేయన్(Shiva Karthikeyan) హీరోగా ఈ `ప్రిన్స్` చిత్రాన్ని బైలింగ్వల్గా రూపొందించారు. ఈ చిత్రం దీపావళి కానుకగా శుక్రవారం(అక్టోబర్ 21)న విడుదలైంది. ఓ వైపు తమిళంలో `సర్దార్`తో, ఇటు తెలుగులో `ఓరిదేవుడా`,`జిన్నా` చిత్రాలతో పోటీ పడుతూ విడుదలవుతుంది. మరి సినిమాకి సంబంధించి ఇతరదేశాల్లో ప్రీమియర్స్ పడ్డాయి. ఆ టాక్ ఎలా ఉందనేది నెటిజన్లు ట్విట్టర్లలో తెలియజేస్తున్నారు. ట్విట్టర్ రిపోర్ట్ ఎలా ఉందో చూద్దాం. (Prince Twitter Review)