ఆ క్రేజీ విలన్ అందుబాటులో లేకపోవడం వల్లే ప్రకాష్ రాజ్ సక్సెస్ అయ్యారా.. మహేష్ మూవీ నుంచి బ్యాన్ ఎందుకంటే

ప్రకాష్ రాజ్ అంతులేని ట్యాలెంట్ ఉన్న విలక్షణ నటుడు అనేది వాస్తవం దాదాపు ఐదు జాతీయ అవార్డులు ప్రకాష్ రాజ్ సొంతం అయ్యాయి. ప్రకాష్ రాజ్ సౌత్ లో అత్యధిక రెమ్యునరేషన్ తీసుకునే క్యారెక్టర్ ఆర్టిస్టులతో ఒకరు. ప్రకాష్ రాజ్ ఈ రేంజ్ లో సక్సెస్ కావడానికి ఆయన ట్యాలెంట్ తో పాటు అదృష్టం కూడా ఏదో ఒక సందర్భంలో కలసి వచ్చి ఉండాలి. 

దీని గురించి ప్రకాష్ రాజ్ ఓపెన్ కామెంట్స్ చేశారు. నేను సక్సెస్ అయ్యానంటే ట్యాలెంట్ మాత్రమే అని చెప్పను. నేను అప్పుడప్పుడే రాణిస్తున్న టైంలో రఘువరన్ లాంటి గ్రేట్ యాక్టర్ ఎక్కువగా అందుబాటులో ఉండేవారు కాదు. దీనితో ఆయన పాత్రలు నాకు చాలా వచ్చాయి. 

రఘువరన్ అందుబాటులో లేరని పూరి జగన్నాధ్, కృష్ణ వంశి. త్రివిక్రమ్ లాంటి డైరెక్టర్లకు నేను ఛాయిస్ గా మారాను. ఆ టైం లో ఈ డైరెక్టర్స్ అంతా మంచి కసిగా ఉన్నారు. అద్భుతమైన చిత్రాలు తీశారు. ఆ చిత్రాలతో నా ఇమేజ్ పెరిగింది అని ప్రకాష్ రాజ్ తెలిపారు. 

Prakash Raj

ఇంత సక్సెస్ ఫుల్ విలన్, నటుడు అయిన మిమ్మల్ని అన్ని సార్లు ఎందుకు బ్యాన్ చేశారు అనే ప్రశ్న ఎదురైంది. చివరికి మహేష్ బాబు ఆగడు చిత్రం రచ్చ తర్వాత కూడా ప్రకాష్ రాజ్ బ్యాన్ కి గురయ్యారు. దీని గురించి కూడా ప్రకాష్ రాజ్ వివరణ ఇచ్చారు. 

ఆ సమయంలో నాకు మేనేజర్లు లేరు. నేను బాగా పాపులర్ అవుతున్న సమయంలో ఒక ప్రొడ్యూసర్ ఒకేసారి నన్ను రెండు మూడు చిత్రాలకు బుక్ చేసుకునేవారు. ముందుగా మీరు ఎప్పుడు డేట్లు ఇచ్చినా పర్వాలేదు అన్నట్లుగా చెబుతారు. ఆయా తర్వాత డేట్లు అడ్జెస్ట్ కాకపోతే గొడవ పెట్టుకుంటారు. గత 25 ఏళ్లలో నన్ను మూడు నాలుగు సార్లు బ్యాన్ చేశారు. కొన్నిసార్లు నా తప్పు, దూకుడు స్వభావం కారణం కావచ్చు. 

కొన్నిసార్లు నా తప్పు లేకున్నా బ్యాన్ చేశారు. మహేష్ బాబు ఆగడు సినిమా వివాదం గురించి ప్రకాష్ రాజ్ స్పందించారు. ఆ చిత్రంలో నేను షూటింగ్ కి హాజరై కొన్ని సన్నివేశాల్లో కూడా నటించాను. కానీ శ్రీనువైట్ల స్పీడు నాకు నచ్చలేదు. ఇది కరెక్ట్ కాదు అని చెప్పా. శ్రీను వైట్ల తో ఉన్న చనువు కారణంగా శ్రీను నువ్వు వచ్చి నన్ను కలవు అని చెప్పా. కట్ చేస్తే మరుసటి రోజు సోనూసూద్ ని తీసుకున్నారు. ఆ తర్వాత ప్రకాష్ బ్యాన్ అంటూ వార్తలు వచ్చాయి అని తెలిపారు.