నిర్మాత దిల్‌ రాజుకి యాట్యిట్యూడ్‌తో ఉంటాడు. ప్రభాస్‌ కూడా అలానే అనిపించింది. ప్రభాస్‌ చెప్పిన షాకింగ్‌ విషయాన్ని పంచుకున్నారు స్టార్ ప్రొడ్యూసర్‌ దిల్‌ రాజు.
నిర్మాత దిల్‌ రాజు బయటకు చాలా యాటిట్యూడ్‌ ఉన్నట్టుగా కనిపిస్తాడు. ప్రెస్‌మీట్‌లలోనూ ఆయన హడావుడి అదే స్థాయిలో ఉంటుంది. బాడీలాంగ్వేజ్‌గానీ, మాట్లాడే విధానంలోగానీ కొంత డిఫరెంట్స్ ఉంటుంది. అయితే తాజాగా ఆ విషయాన్ని బయటపెట్టాడు నిర్మాత దిల్‌ రాజు. తనకు ఈ విషయాన్ని ప్రభాస్‌ చెప్పినట్టు తెలిపాడు. అంతేకాదు పెద్ద సెటైర్లు కూడా వేశాడట.
దిల్‌ రాజు ప్రస్తుతం `ఫ్యామిలీ స్టార్` అనే చిత్రాన్ని నిర్మించారు. విజయ్‌ దేవరకొండ, మృణాల్‌ ఠాకూర్‌ జంటగా నటించారు. పరశురామ్‌ దర్శకత్వం వహించిన ఈ మూవీ ఏప్రిల్‌ 5న విడుదల కాబోతుంది. ఈ సందర్బంగా సోమవారం మీడియాతో ఇంటరాక్షన్‌ పెట్టారు. ఇందులో తన యాటిట్యూడ్‌ గురించి ఓపెన్ అయ్యారు దిల్‌ రాజు. తన యాటిట్యూడ్‌ గురించి ప్రభాస్‌ చెబితేగానీ తనకు తెలియదన్నారు.
దిల్‌ రాజు చెబుతూ, మొదట్లో తనని కూడా చాలా మంది యాటిట్యూడ్‌ ఉందని అనుకున్నారు. ఆ విషయం తనకు ప్రభాస్‌ చెబితే తెలిసింది. ఆయనతో సినిమా చేసే సమయంలో `వీడేంట్రా ఇంత యాటిట్యూడ్‌తో ఉన్నాడు అనుకున్నాను భయ్యా అని చెప్పాడు. నాతో క్లోజ్‌గా ఉండేంత వరకు ఆయన నాపై అలాంటి ఫీలింగ్‌తో ఉన్నాడు ప్రభాస్‌. `ఆర్య` సినిమా అయిపోయి `మున్నా` సినిమా టైమ్‌లోగానీ ఆయనకు నేను అర్థం కాలేదు. అలా ప్రతి మనిషిని చూసే విధానంలో తేడా ఉంటుంది. నేను ఆ సమయంలో ఏదో ఆలోచిస్తూ, ఏదో మైండ్‌ సెట్‌తో ఉంటాను, ఎలా ఉంటానో నాక్కూడా తెలియదు. దాని గురించి నేను ఆలోచించను, కానీ బయట నుంచి చూసే వాళ్లకి అది కనిపిస్తుంది.
అలా విజయ్‌ దేవరకొండతో జర్నీ ఆల్మోస్ట్ ఐదేళ్లుగా ఉంది. అలా విజయ్‌ కి యాటిట్యూడ్‌ ఉంటే నేనెప్పుడు ఆయన వద్దకు వెళ్లాలి. నేను వెళ్లను కాదు, నా జర్నీలో కూడా ఆయనతో మంచి కంఫర్ట్ దొరికింది. ప్రతిదీ లైఫ్‌ నేర్పిస్తుంది. ప్రారంభం నుంచి ఇప్పటి వరకు కెరీర్‌ పరంగా చాలా మారిపోతుంటాం. చిన్నప్పుడు ఒకలా ఉంటాం, చదువుకునే టైమ్‌లో ఒకలా ఉంటారు. పెళ్లికి ముందు ఒకలా, పెళ్లి తర్వాత మరోలా ఉంటారు. ఎప్పుడూ మారుతూనే ఉంటారు.
అయితే అందరు అన్ని రకాలుగా ఉండాలని, లేదు, ఏదో మైనస్‌లుంటాయి. కానీ అవన్నీ పట్టించుకోవద్దు, మనం కరెక్ట్ రూట్‌లో వెళ్తున్నామా? మనం కరెక్ట్ గా ఉన్నామా అనేదే ముఖ్యం అని తెలిపారు దిల్‌ రాజు. విజయ్‌ దేవరకొండ చూడ్డానికి అలా కనిపిస్తాడు, కానీ అతను చాలా స్వీట్‌ మ్యాన్‌ అని, ఆయనతో జర్నీ చేస్తే ఆవిషయం తెలుస్తుందని తెలిపారు స్టార్ ప్రొడ్యూసర్‌.