ప్రభాస్ కొత్త చిత్రానికి ముహూర్తం ఫిక్స్ ?.. క్రేజీ డీటెయిల్స్ వైరల్

కల్కి తర్వాత ప్రభాస్ నటించే చిత్రాల విషయంలో తీవ్ర ఉత్కంఠ నెలకొనివుంది. ఆల్రెడీ రాజా సాబ్ చిత్రం సెట్స్ పై ఉంది. ఆ తర్వాత ప్రభాస్.. హను రాఘవపూడి దర్శకత్వంలో.. అదే విధంగా సందీప్ వంగా దర్శకత్వంలో నటించాల్సి ఉంది. మరోవైపు ప్రశాంత్ నీల్ కూడా సలార్ 2 కోసం ఎదురుచూస్తున్నారు. 

ఈ చిత్రాలలో హను రాఘవపూడి చిత్రం త్వరలో ప్రారంభం కానున్నట్లు తెలుస్తోంది. మైత్రి మూవీ మేకర్స్ నిర్మిస్తున్న ఈ చిత్రానికి ముహూర్తం కూడా ఫిక్స్ అయినట్లు తెలుస్తోంది. 

ఆగష్టు 22న గ్రాండ్ గా ఈ చిత్రాన్ని లాంచ్ చేస్తున్నారట. హను రాఘవపూడి స్వాతంత్య్రానికి ముందు బ్రిటిష్ నేపథ్యంలో అద్భుతమైన యాక్షన్ కథని సిద్ధం చేసినట్లు తెలుస్తోంది. 

ఈ చిత్రానికి ఫౌజి అనే టైటిల్ కూడా ఆల్మోస్ట్ ఫిక్స్ అయిందట. ప్రభాస్ ఈ చిత్రంలో సైనికుడిగా కనిపిస్తాడు కాబట్టి ఫౌజి అనే టైటిల్ యాప్ట్ అని అంటున్నారు. పాకిస్తానీ నటిని హీరోయిన్ గా ఎంపిక చేసినట్లు కూడా రూమర్స్ వస్తున్నాయి. ఆమె పేరు సాజల్ అలీ. మరిన్ని విశేషాలు లాంచింగ్ రోజున చెబుతారట.