Nagababu: కూతురు పరువుపై కూడా నాగబాబు సెటైర్లు... దారుణం అంటున్న జనాలు! 

నిహారిక ఇంస్టాగ్రామ్ అకౌంట్ డిలీట్ చేయడంపై పలు కథనాలు చక్కర్లు కొట్టాయి. నిహారిక మామగారైన ప్రభాకర్ రావు ఒత్తిడితోనే ఆమె సోషల్ మీడియాకు దూరమయ్యారన్న వాదనలు గట్టిగా వినిపించాయి. కాగా ఇంత సున్నితమైన విషయంపై నాగబాబు స్పందించిన తీరు విమర్శలకు పాలవుతుంది.

Niharika

మెగా బ్రదర్స్ లో ఒకడైన నాగబాబు(Nagababu) ప్రత్యర్థులను ఉద్దేశిస్తూ తనదైన సెటైర్లు వేస్తూ ఉంటారు. తనకు నచ్చని వాళ్లని విమర్శిస్తూ వరుస ఎపిసోడ్స్ చేయడం ఈయనకు మహా సరదా. 2019 ఎన్నికలకు ముందు హీరో బాలయ్యను ఓ రేంజ్ లో తగులుకున్నాడు. జనసేన టీడీపీ దోస్తుగా ఉన్నంత కాలం గమ్మునున్న నాగబాబు, ఎన్నికలకు ముందు కటీఫ్ అయ్యాక బాలయ్య ఇమేజ్ డామేజ్ చేయడం కోసం వరుస వీడియోలు చేసి యూట్యూబ్ లో వదిలాడు. తర్వాత కూడా బాలయ్యతో ఆయన శత్రుత్వం కొనసాగింది. మరలా జనసేన టీడీపీతో కూటమి కడితే బాలయ్య పట్ల ఆయన థీరీ మారిపోవచ్చు. 

Niharika

కాగా ఇటీవల నాగబాబు ఇంస్టాగ్రామ్ లో తన అభిమానులతో ఇంటరాక్ట్ అయ్యాడు. ఒక విధంగా చెప్పాలంటే కొందరిపై సెటైర్లు వేయడానికి వేదిక ఏర్పాటు చేసుకున్నాడు. రాజకీయ ప్రత్యర్థి సీఎం జగన్ ఉద్దేశిస్తూ కోడికత్తి, ఖైదీలు సీఎంలు అయ్యారంటూ ఆన్సర్స్ రూపంలో తన ఆవేశం తీర్చుకున్నారు. అలాంటి సమాధానాల కోసమే కొన్ని ప్రశ్నలు తన జనసేన కార్యకర్తలు అడిగేలా ఓ స్క్రిప్ట్ ప్రిపేర్ చేసుకున్నారేమో అన్నట్లు అవి ఉన్నాయి. పనిలో పనిగా మంచు ఫ్యామిలీకి కూడా ఇచ్చి పడేశాడు.

Niharika

సీఎం జగన్, మంచు ఫ్యామిలీ నాగబాబుకు గిట్టనివారు, ప్రత్యర్ధులు కాబట్టి... ఎలాంటి సెటైర్స్ వేసినా అర్థం ఉంది. కానీ కన్న కూతురు గౌరవంపై కూడా ఆయన సెటైర్లు వేయడం విమర్శలపాలవుతుంది. ఈ ఇంస్టాగ్రామ్ ఛాట్ లో ఒకరు... నిహారిక (Niharika Konidela)అక్క ఇంస్టాగ్రామ్ అకౌంట్ ఎందుకు డిలీట్ చేశారు?.. అంటూ చాలా మర్యాదగా సామరస్యంగా అడిగారు. ఆ ప్రశ్నకు సమాధానం లేకపోతే వదిలేస్తే సరి. ఎందుకంటే ఫ్యాన్స్ పదుల సంఖ్యలో అడిగే ప్రశ్నలలో సెలెబ్రిటీలు కొన్నిటికి మాత్రమే సమాధానం చెబుతారు.

Niharika

నాగబాబు మాత్రం ఈ ప్రశ్నకు అత్యుత్సాహం ప్రదర్శించారు. కోడింగ్ నేర్చుకొని నిహారిక అకౌంట్ నేనే డియాక్టివేట్ చేశాను. ఇంకోసారి కోడింగ్ నేర్చుకొని యాక్టివేట్ చేస్తానంటూ సెటైరికల్ సమాధానం చెప్పారు. నిహారిక తన జిమ్ ట్రైనర్ వీపుపై కూర్చొని ఓ వీడియో చేసింది. ఆ వీడియో ఇంస్టాగ్రామ్ లో పోస్ట్ చేసిన కొన్ని రోజులకు ఆమె అకౌంట్ డిలీట్ చేశారు. దీంతో అత్తింటి వారు ఆమె ప్రవర్తన పట్ల మండిపడ్డారని, వ్యవహారం అకౌంట్ డిలీట్ చేసేవరకూ వెళ్లిందన్న కథనాలు వెలువడ్డాయి.

Niharika

నిహారిక వ్యక్తిత్వానికి సంబంధించిన ఇంత సున్నితమైన విషయంపై నాగబాబు స్పందించిన తీరు నిజంగా దారుణం. కామెడీ షోలలో సిల్లీ జోక్స్ వినీ వినీ ఆయనకు సీరియస్ విషయాలకు సిల్లీ విషయాలకు మధ్య తేడా తెలియకుండా పోయిందేమో అంటూ పలువురు అసహనం వ్యక్తం చేస్తున్నారు. గతంలో కూడా నాగబాబు కూతురితో పాటు అడల్ట్ జోక్స్ ఎంజాయ్ చేస్తూ చేసిన కామెడీ షోల పట్ల విమర్శలు తలెత్తాయి.