బాబాయ్ కోసం అబ్బాయ్ హీరోయిన్, అఖండ 2లో ఛాన్స్.. 5 చిత్రాల్లో 4 హిట్లు కొట్టిన క్రేజీ బ్యూటీ

నందమూరి బాలకృష్ణ నటిస్తున్న లేటెస్ట్ మూవీ అఖండ 2. బోయపాటి, బాలయ్య కాంబినేషన్ అంటే 100 శాతం హిట్ అని ఫ్యాన్స్ ఫిక్స్ అయిపోతారు. ఇప్పటి వరకు వీళ్లిద్దరి కాంబోలో వచ్చిన సింహా, లెజెండ్, అఖండ చిత్రాలు సూపర్ హిట్ అయ్యాయి. ఇటీవలే అఖండ 2 కూడా మొదలైంది. బాలయ్య కెరీర్ లోనే అత్యధిక బడ్జెట్ లో ఈ చిత్రాన్ని నిర్మిస్తున్నారు. 

ఈ చిత్రంలో నటించే హీరోయిన్ గురించి క్రేజీ న్యూస్ బయటకి వచ్చింది. ఆల్రెడీ ఈ చిత్రంలో ప్రగ్యా జైస్వాల్ మెయిన్ హీరోయిన్ గా నటిస్తోంది. అయితే మరో హీరోయిన్ కి కూడా ఆస్కారం ఉందట. దీనితో లక్కీ హీరోయిన్ గా గుర్తింపు పొందిన సంయుక్త మీనన్ ని మరో హీరోయిన్ గా ఎంపిక చేశారట. అయితే సంయుక్త ఈ చిత్రంలో హీరోయిన్ గా నటిస్తుందా లేక కీలక పాత్రలో కనిపిస్తుందా అనేది చూడాలి. 

సంయుక్త మీనన్ భీమ్లా నాయక్ చిత్రంతో టాలీవుడ్ లోకి ఎంట్రీ ఇచ్చింది. ఆ చిత్రం హిట్ అయింది. ఆ తర్వాత కళ్యాణ్ రామ్ బింబిసారలో నటించింది. అది కూడా సూపర్ హిట్. ధనుష్ కి జోడిగా నటించిన సార్, సాయిధరమ్ తేజ్ తో నటించిన విరూపాక్ష చిత్రాలు సూపర్ హిట్స్ గా నిలిచాయి. కళ్యాణ్ రామ్ తో మరోసారి నటించిన డెవిల్ మాత్రం నిరాశ పరిచింది. మొత్తంగా అబ్బాయితో నటించిన సంయుక్త మీనన్ బాబాయ్ తో నటించేందుకు రెడీ అవుతోంది.