9 సార్లు రీమేక్‌ అయిన త్రిష మూవీ ఏంటో తెలుసా? తెలుగులో అది బిగ్గెస్ట్ బ్లాక్‌ బస్టర్‌

బాలీవుడ్‌లో సౌత్, సౌత్‌లో బాలీవుడ్ సినిమాల రీమేక్‌ల హవా చాలా పాతదే. కానీ, బాలీవుడ్ బ్లాక్‌బస్టర్ సినిమా నుంచి ప్రేరణ పొంది సౌత్‌లో ఓ సినిమా తీశారని, అది బ్లాక్‌బస్టర్ అవ్వడమే కాదు, ఏకంగా 9 సార్లు రీమేక్ అయ్యిందని మీకు తెలుసా?. మరి ఆ సినిమా ఏంటి? ఏ ఏ భాషలో రీమేక్‌ అయ్యిందో తెలుసుకుందాం. 

నువ్వొస్తానంటే నేనొద్దంటానా సినిమా

సినిమాలు రీమేక్‌ కావడం చాలా సర్వసాధారణమే. ఒకప్పుడు చాలా సినిమాలు రీమేక్‌ అయ్యేవి. రీమేక్‌లతోనే స్టార్‌ అయిన హీరోలున్నారు. సూపర్‌ స్టార్లుగా రాణిస్తున్న వారు కూడా ఉన్నారు. అయితే ఒక సినిమా రీమేక్‌ కావడం ఇప్పుడు సంచలనంగా మారింది. ఆ చిత్రం ఏకంగా తొమ్మిది సార్లు రీమేక్‌ అయ్యిందట.

ఆ మూవీ ఏంటో కాదు 2005లో విడుదలైన తెలుగు మూవీ `నువ్వొస్తానంటే నేనొద్దంటానా`. ప్రభుదేవా దర్శకత్వం వహించిన ఈ చిత్రంలో సిద్ధార్థ్, త్రిష కృష్ణన్ జంటగా నటించారు. ప్రకాష్ రాజ్ కీలక పాత్ర పోషించారు. ప్రభుదేవా కూడా అతిథి పాత్రలో కనిపించారు.

మైనే ప్యార్ కియా ప్రేరణ

ఏ బాలీవుడ్ సినిమా నుంచి ప్రేరణ?

`నువ్వొస్తానంటే నేనొద్దంటానా` నేరుగా కాపీ కాదు, కానీ సల్మాన్ ఖాన్, భాగ్యశ్రీ నటించిన, సూరజ్ బర్జాత్యా దర్శకత్వం వహించిన 1989 బ్లాక్‌బస్టర్ 'మైనే ప్యార్ కియా' నుంచి ప్రేరణ పొందింది అంటారు.

2006లో రెండు రీమేక్‌లు

2006లో రెండు రీమేక్‌లు

2006లో కన్నడలో నీనెల్లో నానల్లె, తమిళంలో ఉనక్కుమ్ ఎనక్కుమ్ పేర్లతో రెండు రీమేక్‌లు వచ్చాయి. కన్నడ చిత్రానికి దినేష్ లాల్ దర్శకత్వం వహించగా, తమిళ చిత్రానికి ఎం. రాజా దర్శకత్వం వహించారు. రెండూ జూలై 28, 2006న విడుదలై హిట్ అయ్యాయి.

2007లో రెండు రీమేక్‌లు

2007లో రెండు రీమేక్‌లు

2007లో బెంగాలీలో 'ఐ లవ్ యూ', మణిపురిలో నింగోల్ థజబా పేర్లతో ఈ మూవీకి సంబంధించిన రెండు రీమేక్‌లు వచ్చాయి. రెండూ హిట్ అయ్యాయని చెబుతారు.

2009లో రెండు రీమేక్‌లు

2009లో రెండు రీమేక్‌లు

2009లో ఒడియాలో సున చలియి మో రూప చలియి, పంజాబీలో `తేరా మేరా కీ రిష్తా` పేర్లతో రెండు రీమేక్‌లు వచ్చాయి. ఇవి కూడా బాక్సాఫీస్ వద్ద హిట్ అయ్యాయట.

2010లో రెండు రీమేక్‌లు

2010లో రెండు రీమేక్‌లు

2010లో బంగ్లాదేశ్‌లో నిస్సాష్ అమర్ తుమి, నేపాల్‌లో ది ఫ్లాష్ బ్యాక్: ఫర్కెరా హెర్దా పేర్లతో రెండు రీమేక్‌లు వచ్చాయి. ఇవి కూడా బాక్సాఫీస్ వద్ద విజయవంతమయ్యాయట.

2013లో హిందీ రీమేక్

2013లో హిందీ రీమేక్

2013లో ప్రభుదేవా దర్శకత్వంలో `రమయ్యా వస్తావయ్యా` పేరుతో హిందీ రీమేక్ వచ్చింది. అయితే, ఇది బాక్సాఫీస్ వద్ద ఫ్లాప్ అయ్యింది.