JR NTR T-Shirt: బింబిసార ఈవెంట్‌కు ఎన్టీఆర్ వేసుకున్న టీషర్ట్ ఖరీదు ఎంతో తెలిస్తే షాక్ అవ్వాల్సిందే!

టాలీవుడ్ ఇండస్ట్రీకు చెందిన నందమూరి వారసుడు జూనియర్ ఎన్టీఆర్ గురించి ఎంత చెప్పినా తక్కువే. తన నటనతో ఎంతో మంచి గుర్తింపు సొంతం చేసుకొని స్టార్ హీరోగా ఎదిగాడు. ఇక ఈయనకు ఉన్న ఫాలోయింగ్ అంతా ఇంతా కాదనే చెప్పాలి. బాలనటుడుగా ఇండస్ట్రీలోకి అడుగుపెట్టిన తారక్.. మొన్నటి వరకు ఒక స్టార్ హీరో గా మాత్రమే పేరు సంపాదించుకున్నాడు.

కానీ జక్కన్న దర్శకత్వంలో విడుదలైన పాన్ ఇండియా మూవీ ఆర్ఆర్ఆర్ తో పాన్ ఇండియా స్టార్ గా మారాడు. ఈ సినిమాలో కొమురం భీమ్ పాత్రలో నటించి ఎనలేని క్రేజ్ ను సంపాదించుకున్నాడు. అంతేకాకుండా మరో స్టార్ హీరో రామ్ చరణ్ కూడా నటించగా ఆయన కూడా ఈ సినిమాతో పాన్ ఇండియా స్టార్ గా ఎదిగాడు. మొత్తానికి ఈ ఇద్దరు స్టార్ హీరోల జీవితాలు ఆర్ఆర్ఆర్ తో మలుపు తిరిగాయనే చెప్పవచ్చు.

ఎందుకంటే వీరికి కేవలం టాలీవుడ్ నుండి కాకుండా బాలీవుడ్ లో కూడా అవకాశాలు వస్తున్నాయి. ఇప్పటివరకు ఎన్టీఆర్ బాలీవుడ్ లో ఏ సినిమాలో కూడా నటించలేదు. కానీ ఆర్ఆర్ఆర్ తర్వాత ఈయనకు బాలీవుడ్లో అవకాశాలు వస్తున్నాయి. పైగా ఈయన కోసం బాలీవుడ్ దర్శకులు కూడా క్యూ కడుతున్నట్లు తెలిసింది. ఇక ఎన్టీఆర్ ప్రస్తుతం కొరటాల శివ దర్శకత్వంలో ఓ సినిమా చేస్తున్న సంగతి తెలిసిందే.

అంతేకాకుండా ప్రశాంత్ నీల్ దర్శకత్వంలో కూడా మరో సినిమాకు సైన్ చేశాడు ఎన్టీఆర్. ఇక కొరటాల శివ తో రూపొందుతున్న 'ఎన్టీఆర్ 30' వ సినిమా మోషన్ పోస్టర్ వీడియో విడుదల చేయగా ప్రేక్షకులను బాగా ఆకట్టుకుంది. ఇక ఈ సినిమా తర్వాత వెంటనే ప్రశాంత్ నీల్ దర్శకత్వంలో ఎన్టీఆర్ 31 వ గా మరో సినిమా చేయనున్నాడు.

ఇక ఇదంతా పక్కన పెడితే ఈయనకు టాలీవుడ్ ఇండస్ట్రీలో వచ్చిన గుర్తింపు తన సోదరుడు కళ్యాణ్ రామ్ కి రాలేకపోయింది. దీంతో కళ్యాణ్ రామ్ టాలీవుడ్ లో స్టార్ పొజిషన్ కోసం కెరీర్ మొదటి నుంచి ప్రయత్నిస్తున్నాడు. అంతలోనే ఈయనకు బింబిసార సినిమాలో అవకాశం రావడంతో ఆ సినిమాలో నటించాడు. ఇక ఈ సినిమా విడుదలకు సిద్ధంగా ఉండగా తాజాగా ఈ సినిమా ఈవెంట్ ను కూడా నిర్వహించారు.

ఈ వేడుకలో తన సోదరుడికి మరింత సపోర్టుగా నిలిచాడు ఎన్టీఆర్. బింబిసార సినిమా గురించి కూడా చాలా విషయాలు పంచుకున్నాడు. ఆ ఈవెంట్ లో ఎన్టీఆర్ మాట్లాడిన మాటలు కూడా బాగా వైరల్ అవుతున్నాయి. ముఖ్యంగా అందులో ఎన్టీఆర్ వేసుకున్న టీ షర్టు మాత్రం ఆయన అభిమానులను బాగా ఆకట్టుకుంది.  దీంతో అందరూ ఆ టీ షర్టు ధర ఎంత అని తెగ సర్చ్ లు చేయగా.. 20వేల నుంచి 30 వేల మధ్యలో ఉంటుంది అని తెలుస్తుంది. దీంతో ఈ షర్టు ధర ఇన్ని వేలల్లో ఉంటుంది అని తెలియటంతో నెటిజన్లు షాక్ అవుతున్నారు.