అల్లు అర్జున్ డాన్స్ చూసి డబ్బులు ఇచ్చిన దర్శకుడు, ఆఫీస్ లో ఆయన ఫోటో, ఎవరో తెలుసా?

కెరీర్లో పలువురు దర్శకులతో అల్లు అర్జున్ పని చేశారు. అయితే ఒక దర్శకుడు చాలా స్పెషల్ అట. సుకుమార్, త్రివిక్రమ్ కాకుండా మరో దర్శకుడు ఫోటో ఆయన ఆఫీస్ లో ఉందట.   

అల్లు అర్జున్ నటించిన పుష్ప 2 విడుదలకు సిద్ధం అవుతుంది. డిసెంబర్ 5న ఈ మూవీ థియేటర్స్ లోకి రానుంది. పుష్ప 2 ప్రమోషన్స్ లో భాగంగా అల్లు అర్జున్ మోస్ట్ పాపులర్ టాక్ షో అన్ స్టాపబుల్ కి హాజరయ్యారు. హోస్ట్ బాలకృష్ణ అడిగిన పలు ప్రశ్నలకు సమాధానం చెప్పారు. 

Allu Arjun

త్రివిక్రమ్, సుకుమార్ లలో మీకు ఇష్టమైన దర్శకుడు ఎవరని అడగ్గా.. నేను ఇప్పుడు ఎవరితో పని చేస్తుంటే వారే నా ఫేవరేట్. సుకుమార్ ప్రస్తుతం నేను వర్క్ చేస్తున్న దర్శకుడు. త్రివిక్రమ్ చేయబోయే దర్శకుడు. సుకుమార్ నాకు ఫేవరేట్ అన్నారు. 

Allu Arjun

అలాగే రష్మిక మందాన, పూజా హెగ్డేలలో ఇష్టమైన హీరోయిన్ ఎవరని బాలకృష్ణ అడిగారు. అందుకు సమాధానంగా అల్లు అర్జున్... ప్రస్తుతం నేను రష్మిక మందానతో పని చేస్తున్నాను కాబట్టి, రష్మిక మందాన నా ఫేవరేట్ అన్నారు. అలాగే ఈ తరం హీరోల్లో సిద్దు జొన్నలగడ్డ తనకు ఇష్టమైన హీరో అన్నాడు. అర్జున్ రెడ్డి మూవీలో విజయ్ దేవరకొండ నటన అంటే ఇష్టం అన్నారు. జాతిరత్నాలు మూవీలో నవీన్ పోలిశెట్టి కామెడీని బాగా ఎంజాయ్ చేశానని చెప్పారు. 

Allu Arjun

కాగా దర్శకుడు కే రాఘవేంద్రరావు తనకు చాలా ప్రత్యేకం అట. ఆయన ఫోటో కూడా తన ఆఫీస్ లో ఉంటుందట. బాల్యంలో నేను డాన్స్ చేస్తుంటే చూసి దర్శకుడు కే రాఘవేంద్రరావు రూ. 100 ఇచ్చారు. నాకు ఫస్ట్ అడ్వాన్స్ ఇచ్చిన దర్శకుడు ఆయన. రాఘవేంద్రరావు 100వ చిత్రంలో నేను హీరోగా నటించాను. ఆయనంటే చాలా అభిమానం. రాఘవేంద్రరావు ఫోటో నా ఆఫీస్ లో ఉంటుంది, అన్నారు. 

Allu Arjun

దిల్ రాజు, సుకుమార్ నాకు మంచి ఫౌండేషన్ వేశారు. ఆర్యతో నాకు సూపర్ హిట్ ఇచ్చారు. గుణశేఖర్ నాతో వరుడు మూవీ చేశారు. ఆ చిత్రం కోసం ఆయన చాలా కష్టపడ్డారు. ఆయన తెరకెక్కించిన లేడీ ఓరియెంటెడ్ మూవీ రుద్రమదేవి లో గెస్ట్ రోల్ చేయడానికి ఏ హీరో ముందుకు రాలేదు. నేను చేశాను. శాకుంతలం మూవీలో మా అమ్మాయి ఓ పాత్ర చేసింది. 

Pushpa 2 Movie

ఇక త్రివిక్రమ్ నాకు మూడు హ్యాట్రిక్ విజయాలు ఇచ్చాడు. నేను కెరీర్లో ఎదగడానికి వీరందరి సహకారం ఉందని, అల్లు అర్జున్ అన్నాడు. పుష్ప 3 చేసే ఆలోచన ఉందా అని అడగ్గా.. అమ్మో అని భయపడ్డారు అల్లు అర్జున్. రాబోయే రెండేళ్లలో కనీసం మూడు సినిమాలు చేసే ఆలోచనలో ఉన్నానని అన్నాడు. 

ఇక పుష్ప 2 వేల థియేటర్స్ లో ప్రపంచవ్యాప్తంగా రికార్డు స్థాయిలో విడుదల చేస్తున్నారు. దాదాపు రూ. 500 కోట్ల బడ్జెట్ తో నిర్మించినట్లు సమాచారం. సినిమాకు ఉన్న డిమాండ్ రీత్యా పెద్ద మొత్తంలో ప్రీ రిలీజ్ బిజినెస్ జరిగింది. పుష్ప 2తో అల్లు అర్జున్ రూ. 1000 కోట్ల వసూళ్ల క్లబ్ లో చేరతాడని ట్రేడ్ వర్గాలు అంచనా వేస్తున్నాయి.