Nithya Menen: నిత్యామీనన్ టాప్ 5 సూపర్ హిట్ మూవీస్.. ఆ రెండూ లేకపోతే క్రేజీ హీరో కెరీర్ క్లోజ్

నిత్యామీనన్ టాలీవుడ్ లో ఎన్నో అద్భుతమైన చిత్రాల్లో నటించింది. నటనతో మెప్పించింది. ఆమె నటించిన చిత్రాల్లో టాప్ 5 సూపర్ హిట్ మూవీస్ ఏంటో ఈ కథనంలో తెలుసుకుందాం. 

Nithya Menen

కేరళ నుంచి వచ్చి టాలీవుడ్ లో సూపర్ క్రేజ్ సొంతం చేసుకున్న హీరోయిన్లలో నిత్యామీనన్ ఒకరు. నిత్యామీనన్ తర్వాత ఆమె చాలా మంది మలయాళీ నటీమణులు టాలీవుడ్ కి క్యూ కట్టారు. నిత్యామీనన్ నటనలో తిరుగులేని ఇంపాక్ట్ క్రియేట్ చేసింది. ఎలాంటి పాత్రలో అయినా నిత్యామీనన్ ఒదిగిపోయి నటించగలదు. కళ్ళతోనే హావభావాలు పలికించగల అరుదైన నటీమణుల్లో నిత్యామీనన్ ఒకరు. నిత్యామీనన్ టాలీవుడ్ లో నటించిన టాప్ 5 సూపర్ హిట్ మూవీస్ గురించి ఇప్పుడు తెలుసుకుందాం.

అలా మొదలైంది

నిత్యామీనన్ టాలీవుడ్ లోకి ఎంట్రీ ఇచ్చింది ఈ మూవీతోనే. నందిని రెడ్డి దర్శకత్వంలో తెరకెక్కిన ఈ చిత్రంలో నాని, నిత్యామీనన్ జంటగా నటించారు. ఈ మూవీలో నిత్యామీనన్ తన నటనతో అందరినీ మెస్మరైజ్ చేసింది. అలా మొదలైంది చిత్రం సూపర్ హిట్ అయింది.

ఇష్క్

ఇది యువతని ఆకట్టుకున్న ప్రేమ కథా చిత్రం. నితిన్, నిత్యామీనన్ జంటగా నటించారు. ఒక రకంగా చెప్పాలి అంటే ఈ మూవీ హీరోగా నితిన్ కి పునర్జన్మ అనే చెప్పాలి. ఈ చిత్రం ముందు వరకు పదేళ్ల పాటు నితిన్ కి అన్నీ ఫ్లాపులే. ఇష్క్ మూవీ హిట్ కాకపోయి ఉంటే అక్కడితో నితిన్ కెరీర్ క్లోజ్ అయ్యేది.

గుండెజారి గల్లంతయ్యిందే

మరోసారి నిత్యామీనన్, నితిన్ జంటగా నటించిన చిత్రం గుండెజారి గల్లంతయ్యిందే. ఈ చిత్రం సంచలన విజయం సాధించి కెరీర్ బిగినింగ్ లో నితిన్ కి ఉన్న వైభవాన్ని తిరిగి తీసుకువచ్చింది. ఈ మూవీలో నిత్యామీనన్ తన నటనతో అందరినీ డామినేట్ చేసింది అని చెప్పొచ్చు. అంత అద్భుతంగా నటించింది. ఇష్క్ మూవీ నితిన్ కి పునర్జన్మ లాంటిది అయితే.. గుండెజారి గల్లంతయ్యిందే తన గత వైభవాన్ని తెచ్చిన చిత్రం. ఈ రెండు చిత్రాలు నితిన్ కెరీర్ కి కీలకంగా నిలిచాయి.

జనతా గ్యారేజ్

కొరటాల శివ, యంగ్ టైగర్ ఎన్టీఆర్ కాంబినేషన్ లో తెరకెక్కిన జనతా గ్యారేజ్ మూవీలో సమంత, నిత్యామీనన్ హీరోయిన్లుగా నటించారు. ఈ చిత్రం కూడా ఘనవిజయం సాధించింది.

భీమ్లా నాయక్

తెలుగులో నిత్యామీనన్ నటించిన చివరి మూవీ ఇదే. పవన్ కళ్యాణ్ భార్యగా ప్రాధాన్యం ఉన్న పాత్రలో నటించింది. ఈ మూవీలో నిత్యామీనన్ చెప్పే డైలాగులు ఆడియన్స్ ని ఆకట్టుకున్నాయి. మూవీ కూడా మంచి విజయం సాధించింది.