SPY Review: నిఖిల్ 'స్పై' ప్రీమియర్ షో టాక్.. నేతాజీ మిస్టరీ చుట్టూ అల్లిన కథ, సినిమా హిట్టా ఫట్టా ?

ప్రస్తుతం నిఖిల్ వరుస పాన్ ఇండియా చిత్రాలతో బిజీ హీరోగా మారిపోయాడు. నిఖిల్ నుంచి వస్తున్న లేటెస్ట్ మూవీ స్పై.  గ్యారీ బీహెచ్ ఈ చిత్రానికి దర్శకత్వం వహిస్తున్నారు. స్పై మూవీ జూన్ 29న అంటే నేడు గ్రాండ్ రిలీజ్ కి రెడీ అవుతోంది. ఈ చిత్రంలో నిఖిల్ సరసన తమిళ బ్యూటీ ఐశ్వర్య మీనన్ నటిస్తున్న సంగతి తెలిసిందే. పాన్ ఇండియా రిలీజ్ అయినప్పటికీ ఎక్కువగా ప్రమోషన్స్ కూడా కనిపించలేదు. 

ఇటీవల విడుదలైన ట్రైలర్ కి అదిరిపోయే రెస్పాన్స్ వచ్చింది. స్పై మూవీ ఒక గూఢచారి కథ మాత్రమే కాదు ఇందులో నేతాజీ సుభాష్ చంద్రబోస్ డేట్ మిస్టరీ గురించి కూడా ఆసక్తికర అంశాలు చర్చిస్తుండడంతో అందరిలో ఆసక్తి పెరిగింది. కాగా ఆల్రెడీ యుఎస్ లో స్పై మూవీ ప్రీమియర్ షోలు మొదలయ్యాయి. దీనితో స్పై చిత్రానికి సంబందించిన రిపోర్ట్ వస్తోంది. 

స్పై మూవీ 'రా' ఏజెన్సీకి సంబంధించిన కార్యకలాపాలతో మొదలవుతుంది. ఒక్కక్క ఏజెంట్ పాత్రని పరిచయం చేస్తూ వారి టార్గెట్స్ ని ఫిక్స్ చేస్తుంటారు. ఆరంభంలోనే ప్రతి ఏజెంట్ కి వాళ్ళు దేనికోసం పనిచేయబోతున్నారో అర్థం అవుతుంది. అలాగే కొన్ని యాక్షన్ సీన్స్ కూడా మొదలవుతాయి. ఆరంభంలో ఈ చిత్రం గ్రాండ్ గా మొదలైనప్పటికీ ఆ తర్వాత రొటీన్ స్పై అంశాలతో డల్ గా మారుతుంది. 

కథలో నేతాజీ సుభాష్ చంద్రబోస్ అదృశ్యం గురించిన అంశాలని ఇంట్రెస్టింగ్ గా చూపించారు. అసలేం జరిగింది అనే ఆసక్తిని పెంచగలిగారు. కథలో ప్రధానంగా ఆసక్తిని కలిగించే అంశం ఇదొక్కటే. మిగిలిన కథ జరిగేటప్పుడు రొటీన్ గా చూసే స్పై చిత్రాల్లో సీన్స్ లాగే కాస్త నిరాశ కలిగిస్తుంది. ఇంటర్వెల్ బ్యాంగ్ ని తిరిగి ఆసక్తిగా మలచగలిగారు. ఫస్ట్ హాఫ్ లో చెప్పుకోదగ్గ గొప్ప మూమెంట్స్ అంటూ లేవు.. నేతాజీ కి సంబంధించిన సీన్స్ తప్ప. 

నిఖిల్ మాత్రం రా ఏజెంట్ గా అదిరిపోయే పెర్ఫామెన్స్ ఇచ్చాడు. రెగ్యులర్ స్పై టెంప్లేట్ లోనే దర్శకుడు గ్యారీ బి హెచ్ ఈ చిత్రాన్ని డీల్ చేశారు. ఆసక్తికరమైన కొర్ పాయింట్ ఉన్నప్పటికీ మంచి హై ఇచ్చే సన్నివేశాలు ఎక్కడా కనిపించవు. స్పై మూవీలో అవి లోపించాయి. 

ఇక సెకండ్ హాఫ్ విషయానికి వస్తే.. సెకండ్ హాఫ్ లో కూడా దాదాపు పరిస్థితి అంతే. సుభాష్ చంద్రబోస్ మిస్టరీ ఇన్వెస్టిగేషన్ సీన్స్ కొన్ని చాలా బాగా వచ్చాయి. అలాగే మరికొన్ని ఎంగేజింగ్ మూమెంట్స్ ఉన్నాయి. మిగిలిన సమయం మొత్తం ఆడియన్స్ కి బోర్ కొట్టించే విధంగా తెరకెక్కించారు. సినిమా గ్రాఫ్ ఫ్లాట్ గా ఉంటుంది. 

మంచి ప్రొడక్షన్ వాల్యూస్,  డీసెంట్ గా అనిపించే బిజియం.. స్పై గా నిఖిల్ అందించిన పెర్ఫామెన్స్ ఈ చిత్రంలో ప్రధాన హైలైట్ అని చెప్పొచ్చు. దర్శకుడి వైపు నుంచి బలమైన ఎఫోర్ట్ కనిపించకపోవడంతో స్పై మూవీ రెగ్యులర్ గూఢచారి కథగా యావరేజ్ గా అనిపిస్తుంది. సుభాష్ చంద్రబోస్ అంశంపై ఉన్న ఆసక్తిని ఉపయోగించుకుని బలమైన చిత్రంగా తీర్చిదిద్ది ఉంటే సినిమా రేంజ్ మరోలా ఉండేది. మరి ఈ యావరేజ్ ట్రీట్మెంట్ తో బాక్సాఫీస్ వద్ద స్పై ఎలాంటి ప్రభావం చూపుతాడో చూడాలి.