నిహారిక కొణిదెల నిర్మించిన కమిటీ కుర్రోళ్ళు చిత్రం అద్భుతం చేసింది. 2 జాతీయ అవార్డులు గెలుచుకుంది. ఈ సందర్భంగా నిహారిక చేసిన వ్యాఖ్యలు వైరల్ అవుతున్నాయి.
నిహారిక కొణిదెల ప్రస్తుతం టాలీవుడ్ లో టాక్ ఆఫ్ ది టౌన్ గా మారింది. నిహారిక నిర్మించిన కమిటీ కుర్రోళ్ళు చిత్రం 72వ జాతీయ చలనచిత్ర అవార్డుల్లో 2 అవార్డులు గెలుచుకుంది. రెండు విభాగాల్లో కమిటీ కుర్రోళ్ళు చిత్రానికి జాతీయ అవార్డులు దక్కాయి. ఉత్తమ ప్రాంతీయ భాషా చిత్రంగా ఒక అవార్డు, ఉత్తమ మేకప్ విభాగంలో మరో అవార్డు ఈ చిత్రానికి దక్కాయి.
25
అప్పట్లో రుద్రవీణ సంచలనం
ఈ చిత్రంలో కొత్త కుర్రాళ్ళు నటించారు. వినోదం, సందేశం, రూటెడ్ ఎమోషన్స్ ఉండే ఈ చిత్రం ప్రేక్షకులని ఫిదా చేసింది. నేషనల్ అవార్డులు గెలుచుకోవడంలో నిహారిక వారసత్వాన్ని పుణికిపుచ్చుకున్నట్లు ఉంది. దాదాపు 38 ఏళ్ళ క్రితం నిహారిక తండ్రి నాగబాబు నిర్మించిన రుద్రవీణ చిత్రం ఏకంగా మూడు విభాగాల్లో జాతీయ అవార్డులు గెలుచుకుంది. బెస్ట్ ఫీచర్ ఫిలిం నేషనల్ ఇంటిగ్రిటీ, బెస్ట్ మ్యూజిక్, బెస్ట్ ప్లే బ్యాక్ సింగర్ ఇలా మూడు విభాగాల్లో రుద్రవీణ చిత్రం జాతీయ అవార్డులు కొల్లగొట్టింది.
35
నాగబాబు తర్వాత నిహారిక
రుద్రవీణ చిత్రంలో మెగాస్టార్ చిరంజీవి హీరోగా నటించారు. ఇప్పుడు నాగబాబు కుమార్తె నిహారిక నిర్మాతగా మారి కమిటీ కుర్రోళ్ళు చిత్రంతో జాతీయ అవార్డు గెలుచుకుంది. అయితే నాగబాబుకు, నిహారికకి ఓ తేడా ఉంది.రుద్రవీణ చిత్రం కమర్షియల్ గా సక్సెస్ కాలేదు. కమిటీ కుర్రోళ్ళు మూవీ బ్లాక్ బస్టర్ హిట్ అయింది. యదువంశీ ఈ చిత్రానికి దర్శకుడు.
జాతీయ అవార్డు గెలుచుకున్న తర్వాత నిహారిక మీడియాతో మాట్లాడుతూ తన సంతోషాన్ని వ్యక్తం చేశారు. ఆమె చేసిన వ్యాఖ్యలు వైరల్ అవుతున్నాయి. ఈ మూవీకి నేషనల్ అవార్డు వచ్చింది అని తెలియగానే చిరంజీవి, సురేఖ గారు చాలా హ్యాపీగా ఫీల్ అయ్యారు. అప్పుడు రుద్రవీణకి మీ నాన్న నేషనల్ అవార్డు అందుకున్నాడు. ఇప్పుడు నువ్వు నేషనల్ అవార్డు అందుకోబోతున్నావు. మన ఫ్యామిలీకి నువ్వు సాధించిన ఘనత గర్వకారణం అని చిరంజీవి గారు అన్నారు.
55
ఆయనే అన్నారంటే నేను తోపునే
చిరంజీవి గారు ఇండస్ట్రీకి తోపు లాంటి వ్యక్తి. ఆయన నన్ను తోపు అంటుంటే నేను నిజంగానే తోపు అని ఫీల్ అవుతున్నట్లు నిహారిక పేర్కొంది. నిహారిక గతంలో నటిగా కొన్ని సినిమాల్లో నటించింది. కానీ ఇప్పుడు నిర్మాతగా సరికొత్త ప్రయత్నాలు చేస్తోంది.
