బిగ్బాస్ 5 సీజన్ ఆద్యంతం రసవత్తరంగా సాగుతుంది. హౌజ్లోకి వచ్చింది చాలా కొత్త ఫేసులే అయినా తమదైన ఆట తీరుతో త్వరగానే ఆకట్టుకుంటున్నారు. అయితే కొంత మేర శృతి మించినా ఇప్పుడు ఫర్వాలేదనిపించుకుంటున్నారు. ఇప్పటికే నాలుగు వారాలు ముగిసాయి. సరయు, ఉమాదేవి, లహరి, ఇప్పుడు నటరాజ్ మాస్టర్ ఎలిమినేట్ అయ్యారు. అంతా ఊహించినట్టే జరిగింది. నటరాజ్ మాస్టర్ ఎలిమినేట్ అవుతారని గత రెండు మూడు రోజులుగా వినిపిస్తున్న విషయం తెలిసిందే.
ఈ సందర్భంగా ఇంటి సభ్యులు నటరాజ్ మాస్టర్ ఎలిమినేషన్తో భావోద్వేగానికి గురయ్యారు. తనకు సపోర్ట్ గా ఉండేవారి ఆనీ మాస్టర్ కన్నీళ్లు పెట్టుకున్నారు. ప్రియాంక సైతం హగ్ చేసుకుని కన్నీరుమున్నీరయ్యింది. అలాగే లోబో ఎక్కి ఎక్కి ఏడ్చారు. ఆయనతో సన్నివేశాలను గుర్తు చేసుకుని ఎమోషనల్ అయ్యారు. ఇలా ప్రతి ఒక్కరు తమ బాధని వ్యక్తం చేశారు. స్టేజ్పైకి వచ్చిన నటరాజ్ మాస్టర్ సైతం తన జర్నీని చూసుకుని కన్నీళ్లు పెట్టుకున్నారు.
ఏదో సాధిస్తానని హౌజ్లోకి వచ్చానని తెలిపాడు. కానీ అర్థాంతరంగా వెళ్తున్నానని తెలిపారు. తన జర్నీ ఏంటో అర్థం కావడం లేదన్నారు. కానీ హౌజ్లోకి రావడమే నువ్వు సాధించినట్టు లెక్క అని తెలిపారు నాగార్జున. నీ అవసరం తనభార్యకి ఉందేమో, అందుకే దేవుడు పంపిస్తున్నాడేమో అని చెబుతూ ఓదార్చాడు.
ఈ సందర్భంగా హౌజ్లో ఉన్న ఇక మిస్టరీకి ఫుల్ స్టాప్ పెట్టాడు నటరాజ్ మాస్టర్. నామినేషన్లో ఓ గుంట నక్క మేక రూపంలో వచ్చింది. అందరిని చెడగొడుతుందన్నారు. అయితే అది ఎవరనే విషయాన్ని ఇప్పటి వరకు దాస్తూ వచ్చిన నటరాజ్ మాస్టర్ అది ఎవరో చెప్పేశాడు. యాంకర్ రవి అని తెలిపారు. దీనికి రవి స్పందిస్తూ ఆ విషయం తనకు ముందే తెలుసన్నారు.
మరోవైపు ఎనిమిది మంది సభ్యులను జంతువులతో పోల్చారు నటరాజ్ మాస్టర్. బిగ్బాస్ చెప్పిన దాని ప్రకారం జంతువులతో పోల్చాలన్నప్పుడు సిరిని పాముతో పోల్చాడు. లోబోని ఎలుకతో, విశ్వని ఊసరవెళ్లితో పోల్చాడు. అలాగే శ్రీరామ్ ముసలి అని, ప్రియాంక చిలుకా అని, గాడిద మానస్ అన్నారు. అయితే సింహం ఎవరు అని చెప్పాల్సి వచ్చినప్పుడు తనే సింహం అన్నాడు నటరాజ్.
అయితే నటరాజ్ మాస్టర్ ఎలిమినేసన్కి కారణాలేంటనేది ఆసక్తిగా మారింది. ఆయన అతి ప్రవర్తనే కారణమానే కామెంట్లు సోషల్ మీడియాలో వినిపిస్తున్నాయి. సినిమాల్లో మాదిరిగా హౌజ్లోనూ ప్రవర్తించడం, తనకు తానేగొప్ప అనే ఫీలింగ్లో ఉండటం ఆయనకు తక్కువ మార్కులు పడేందుకు కారణమని అంటున్నారు. అంతేకాదు ఇతర ఇంటి సభ్యులతో అంతగా యాక్టీవ్గా మూవ్ అయినట్టుగా ఉండరని, ఒంటరిగా ఉండేందుకు ఇష్టపడతారని కామెంట్లు చేస్తున్నారు.