నోరు మెదపని నాగార్జున, ఆ వీడియో వైరల్.. మనవళ్లకేనా కొడుకుకి లేదా బాధ్యత ?

వీరసింహారెడ్డి విజయోత్సవ వేడుకలో బాలయ్య ఎస్వీ రంగారావు గారిని, ఏఎన్నార్ గారిని అగౌరవ పరిచేలా కామెంట్స్ చేసిన సంగతి తెలిసిందే.

నందమూరి బాలకృష్ణ ఉన్నది మాట్లాడతారు.. అనిపించింది చేస్తారు.. బాలయ్య రియల్ అంటూ ఇప్పటి వరకు నందమూరి అభిమానులు, టీడీపీ పార్టీ శ్రేణులు చెప్పుకుంటూ వచ్చాయి. కానీ ఇప్పుడు అది చెల్లడం లేదు. అందుకు ఉదాహరణ ఇటీవల వీరసింహారెడ్డి విజయోత్సవ వేడుక లో అక్కినేనిపై బాలయ్య చేసిన వ్యాఖ్యలు. గతంలో కూడా బాలయ్య ఇలాంటి వ్యాఖ్యలు చేశారు. కానీ అప్పుడు బాలయ్యకి ఇంత డ్యామేజ్ జరగలేదు. 

ఏదో పొరపాటున అనేశాడు అని ఊరుకోవడం లేదు. వీరసింహారెడ్డి విజయోత్సవ వేడుకలో బాలయ్య ఎస్వీ రంగారావు గారిని, ఏఎన్నార్ గారిని అగౌరవ పరిచేలా కామెంట్స్ చేసిన సంగతి తెలిసిందే. ఆ రంగారావు ఈ రంగారావు.. అక్కినేని తొక్కినేని అంటూ నోరు జారారు. ఇది పెద్ద వివాదం కావడంతో అక్కినేని ఫ్యామిలీ నుంచి ఆయన మనవళ్లు గా నాగ చైతన్య, అఖిల్ స్పందించిన సంగతి తెలిసిందే. వీరిద్దరూ ప్రెస్ నోట్, సోషల్ మీడియా పోస్ట్ లద్వారా బాలయ్య వ్యాఖ్యలని తీవ్రంగా ఖండించారు. 

అయితే ఇంతవరకు నాగార్జున ఈ వివాదంలో ఇన్వాల్వ్ కాలేదు. అక్కినేని ఫ్యాన్స్ నాగ్ విషయంలో కాస్త అసంతృప్తిగానే ఉన్నారు. మనవళ్ల కంటే కొడుకుగా నాగార్జునకే ఎక్కువ బాధ్యత ఉంటుంది. అఖిల్, చైతు కంటే ముందే నాగార్జున స్పందించాల్సింది. అలాంటిది ఇంతవరకు నాగ్ నోరు మెదపకపోవడం విచారకరం అని అంటున్నారు. తండ్రి గౌరవాన్ని నిలబెట్టాల్సిన బాధ్యత కొడుకుదే కదా అని అంటున్నారు. 

ఆల్రెడీ నాగార్జున, బాలయ్య మధ్య విభేదాలు ఉన్నట్లు తెలుస్తోంది. అక్కినేని గురించి నోరు జారిన బాలయ్య సంస్కారాన్ని ఆయన విజ్ఞతకే వదిలేసేలా నాగ్ మౌనం పాటిస్తున్నారు అని మరికొందరు అంటున్నారు. 

బాలయ్యకి, నాగార్జునకి తేడా ఇది అంటూ అక్కినేని ఫ్యాన్స్ ఓ వీడియో వైరల్ చేస్తున్నారు. బంగార్రాజు సక్సెస్ ఈవెంట్ లో నాగార్జున ఎన్టీఆర్ వర్ధంతి సందర్భంగా ఆయన్ని గుర్తు చేసుకున్నారు. 'చిత్ర పరిశ్రమకి రెండు కళ్ళు ఎన్టీఆర్, ఏఎన్నార్.. నేడు ఎన్టీఆర్ గారి వర్ధంతి.. చిత్ర పరిశ్రమ ఉన్నంత కాలం ఆయన్ని గుర్తు చేసుకోవాలి. ఎన్టీఆర్ లివ్స్ ఆన్.. ఏఎన్నార్ లిప్స్ ఆన్.. అని నాగార్జున బంగార్రాజు సక్సెస్ మీట్ లో అన్నారు. 

కానీ ఏఎన్నార్ వర్ధంతి రోజున బాలయ్య మాత్రం ఆయన్ని కించపరిచేలా వ్యవహరించారు. ఇదీ బాలయ్యకి, నాగార్జునకి తేడా అంటూ అక్కినేని ఫ్యాన్స్ వీడియో వైరల్ చేస్తున్నారు. ఈ వివాదంపై బాలయ్య స్పందించాల్సి ఉంది.