ధురంధర్ సినిమా రిలీజ్ అయ్యాక, అందులో రెహమాన్ డకాయిట్ పాత్రలో అక్షయ్ ఖన్నా నటనకు దేశం మొత్తం ఫిదా అయిపోయింది. ఆ పాత్రలో ఆయన నటన ఒక బెంచ్మార్క్గా నిలిచింది. ఈ పాత్ర ముందుగా నాగార్జునకు వచ్చిందా? క్లారిటీ ఇచ్చిన కింగ్.
రీసెంట్ గా రిలీజ్ అయిన ధురంధర్ సినిమా.. ఇండియన్ బాక్సాఫీస్ ను ఒక ఊపు ఊపేసింది. ఈ సినిమాలో హమ్జా పాత్రలో అద్భుతంగా నటించిన రణ్వీర్ సింగ్ను కూడా అక్షయ్ ఖన్నా తన నటనతో డామినేట్ చేశాడని కొందరు అభిప్రాయపడ్డారు.
27
ధురంధర్ పై నాగార్జున కామెంట్స్
అక్షయ్ ఖన్నా కంటే ముందు రెహమాన్ డకాయిట్ పాత్రను నాగార్జునకే ఆఫర్ చేశారని ఇటీవల పుకార్లు వచ్చాయి. కొన్ని కారణాల వల్ల స్టార్ హీరో ఈ సినిమాను తిరస్కరించారని అన్నారు. అయితే, ఒక ఇంటర్వ్యూలో నాగార్జున అసలు విషయం బయటపెట్టారు. తనకు ఆ పాత్రను ఆఫర్ చేశారా లేదా అనే దానిపై క్లారిటీ ఇచ్చారు. అలాగే 'ధురంధర్' సినిమాపై తన అభిప్రాయాన్ని పంచుకున్నారు.
37
క్లారిటీ ఇచ్చిన నాగార్జున..
రీసెంట్ గా బాలీవుడ్ హంగామాతో మాట్లాడుతూ, 'ధురంధర్'లో అక్షయ్ ఖన్నా చేసిన రెహమాన్ డకాయిట్ పాత్ర తనకు ఎప్పుడూ ఆఫర్ చేయలేదని నాగార్జున స్పష్టం చేశారు. ‘’అస్సలు లేదు. నాకు ఆ పాత్రను ఆఫర్ చేయలేదు, కానీ చేసి ఉంటే బాగుండేదనిపించింది. 'ధురంధర్' ఒక అద్భుతమైన సినిమా. ఆదిత్య ధర్ దర్శకత్వం నిజంగా అమోఘం' అని నాగార్జున అన్నారు.
నాగార్జున ఇంకా మాట్లాడుతూ, 'నాకు ఆదిత్య ధర్ తీసిన గత చిత్రం 'ఉరి' కూడా చాలా ఇష్టం! ఈ సినిమాలో నటీనటులందరి నటన అద్భుతంగా ఉంది, ముఖ్యంగా అక్షయ్ ఖన్నా అయితే అదరగొట్టేశారు. సీక్వెల్ కోసం ఆసక్తిగా ఎదురుచూస్తున్నాను! వారికి మరో బ్లాక్బస్టర్ రావాలని కోరుకుంటున్నాను' అని అన్నారు.
57
100వ సినిమా షూటింగ్లో
ప్రస్తుతం తన 100వ సినిమా షూటింగ్లో ఉన్న నాగార్జున, 'మేము దేనికీ తొందరపడటం లేదు. సినిమాను పూర్తి చేయాలనే హడావిడి లేదు. దీన్ని చాలా ప్రత్యేకంగా తీర్చిదిద్దాలనుకుంటున్నాం. 'ధురంధర్' తర్వాత, ప్రేక్షకులు అంతర్జాతీయ స్థాయి కథలను ఆశిస్తున్నారని స్పష్టమైంది' అని అన్నారు.
67
అక్షయ్ ఖన్నా సినిమాలు..
అక్షయ్ ఖన్నా 'ధురంధర్' సీక్వెల్ అయిన 'ధురంధర్: ది రివెంజ్'లో రెహమాన్ డకాయిట్ పాత్రలో తిరిగి కనిపించనున్నారు. ఈ సినిమా మార్చి 19న విడుదల కానుంది. 'ధురంధర్ 2' తర్వాత అక్షయ్ చేతిలో 'మహాకాళి', 'ఇక్కా' సినిమాలు ఉన్నాయి.
77
నాగార్జున బాలీవుడ్ మూవీ..
నాగార్జున చివరిగా నటించిన బాలీవుడ్ చిత్రం 'బ్రహ్మాస్త్ర: పార్ట్ వన్ – శివ' (2022). ఇందులో ఆయన రణ్బీర్ కపూర్, అలియా భట్లతో కలిసి నటించారు. నంది అస్త్రాన్ని ఉపయోగించే ఆర్టిస్ట్, ఆర్కియాలజిస్ట్ అయిన అనీష్ శెట్టి పాత్రను ఆయన పోషించారు.
