Nagadurga: తెలంగాణ ఫోక్ సాంగ్స్తో గుర్తింపు తెచ్చుకున్న నాగదుర్గ ఇప్పుడు వెండితెరపై హీరోయిన్గా కొత్త ప్రయాణాన్ని ప్రారంభిస్తోంది. ఇప్పటికే తమిళంలో ఓ సినిమాతో ప్రేక్షకుల ముందుకు రానుండగా, తెలుగులో 'ఇడుపు కాయితం' సినిమాతో అలరించేందుకు సిద్ధమవుతోంది.
నాగదుర్గకు ఎలాంటి పాటలు సెట్ అవుతాయో నాకు బాగా తెలుసు
ఈ నేపథ్యంలో నాగదుర్గతో ఎక్కువ పాటలకు కొరియోగ్రఫీ చేసిన శేఖర్ వైరస్ ఇటీవల ఇచ్చిన ఇంటర్వ్యూలో ఆమె వ్యక్తిత్వం, పని తీరు గురించి ఆసక్తికర విషయాలు వెల్లడించారు. నాగదుర్గతో తాను చాలా కాలంగా కలిసి పనిచేస్తున్నానని శేఖర్ వైరస్ చెప్పారు. ఆమె కోసం వచ్చిన పాటల్లో ఎక్కువ భాగాన్ని తానే ఎంపిక చేసినట్లు వెల్లడించారు. ఏ పాట ఆమెకు బాగా సరిపోతుంది, ఏ కాన్సెప్ట్లో ఆమె ప్రేక్షకులను ఆకట్టుకోగలదో తనకు స్పష్టమైన అవగాహన ఉండేదని తెలిపారు. అందుకే ఇద్దరి కాంబినేషన్లో వచ్చిన అనేక ఫోక్ సాంగ్స్ మంచి ఆదరణ పొందాయని చెప్పారు.
25
'నాగదుర్గ ఒక సైకో' కానీ..
ఇప్పటివరకు నాగదుర్గ చేసిన చాలా ఫోక్ సాంగ్స్లో ఆమె పక్కన మెయిల్ ఆర్టిస్ట్ కనిపించకపోవడంపై యాంకర్ ప్రశ్నించగా శేఖర్ వైరస్ ఆసక్తికర సమాధానం ఇచ్చారు. "నాగదుర్గ ఒక సైకో" అంటూ నవ్వుతూ వ్యాఖ్యానించిన ఆయన.. అది నెగెటివ్ అర్థంలో కాదని, తన ఆలోచనల్లో చాలా స్పష్టత ఉన్న వ్యక్తి అనే ఉద్దేశంతో ఆ మాట అన్నానని వివరించారు. తాను ఎక్కువగా సింగిల్గా కనిపించే పాటలే చేస్తానని నాగదుర్గ ముందే నిర్ణయించుకునేదని చెప్పారు. ఇలాంటి ఆలోచనతో పనిచేసే ఆర్టిస్టులు చాలా అరుదుగా ఉంటారని పేర్కొన్నారు.
35
ఎన్నో మంచి అవకాశాలు వదులుకుంది
నాగదుర్గకు ఎన్నో మంచి అవకాశాలు వచ్చినప్పటికీ, అమ్మాయి వెర్షన్ పాటలకే ప్రాధాన్యం ఇచ్చేదని శేఖర్ వెల్లడించారు. పురుష ఆర్టిస్ట్తో కలిసి చేసే పాటలు వస్తే వాటిని కూడా తిరస్కరించేదని చెప్పారు. అలా కాకుండా అన్ని రకాల పాటలు చేసి ఉంటే ఆమె ఖాతాలో ఇంకా ఎన్నో సూపర్ హిట్ పాటలు చేరేవని అన్నారు. అయితే తనకు నచ్చిన విధానంలోనే ముందుకు వెళ్లాలని నాగదుర్గ ఎప్పుడూ భావించేదని చెప్పారు.
కొన్ని సందర్భాల్లో హిట్ అవకాశాలు కోల్పోయినా, సింగిల్ పెర్ఫార్మెన్స్కే ప్రాధాన్యం ఇవ్వాలనే తన నిర్ణయాన్ని నాగదుర్గ ఎప్పుడూ మార్చుకోలేదని శేఖర్ వైరస్ తెలిపారు. పాటలకు సంబంధించిన కాస్ట్యూమ్స్ను కూడా నాగదుర్గ స్వయంగా ఎంపిక చేసుకునేదని చెప్పారు. తన పాత్ర, పాటకు తగ్గట్టుగా ప్రతి అంశంపై ప్రత్యేక శ్రద్ధ తీసుకుంటుందని వెల్లడించారు.
55
ఫోక్ డ్యాన్సర్ నుంచి హీరోయిన్ వరకు.. ఎంతో మందికి ఆదర్శం
సెట్స్లో నాగదుర్గ చాలా సరదాగా, అందరితో కలిసిపోయే స్వభావంతో ఉంటుందని శేఖర్ వైరస్ చెప్పారు. ఫ్రెండ్లీ నేచర్తో అందరినీ ఆకట్టుకుంటుందని పేర్కొన్నారు. ఇప్పుడు ఆమె సినిమాల్లో హీరోయిన్గా అవకాశాలు అందుకోవడం చాలా ఆనందంగా ఉందని చెప్పారు. ఒక ఫోక్ డ్యాన్సర్ కూడా కష్టపడి హీరోయిన్ స్థాయికి ఎదగొచ్చని నాగదుర్గ నిరూపించిందని కొనియాడారు. ఆమె ప్రయాణం ప్రస్తుతం ఫోక్ రంగంలో ఉన్న ఎంతో మంది యువతులకు స్ఫూర్తిగా నిలుస్తోందని శేఖర్ వైరస్ అభిప్రాయపడ్డారు.
