నాన్న ఛాలెంజ్ చేస్తే ఆ సినిమా సూపర్ హిట్ గ్యారెంటీ అంటూ నాగ చైతన్య ఆసక్తికర వ్యాఖ్యలు చేశారు. నాగార్జున ఛాలెంజ్ చేసి మరీ హిట్ కొట్టిన సినిమాల గురించి చైతు మాట్లాడారు.
అక్కినేని అఖిల్ లెనిన్ మూవీతో ఎట్టకేలకు బ్లాక్ బస్టర్ హిట్ అందుకున్నాడు. అఖిల్ ఇండస్ట్రీకి వచ్చి పదేళ్లు పైనే అయింది. కానీ తొలి సక్సెస్ మాత్రం లెనిన్ తోనే దక్కింది. ఇటీవల నాగ చైతన్య మాట్లాడుతూ లెనిన్ మూవీపై ఆసక్తికర వ్యాఖ్యలు చేశారు. లెనిన్ స్టోరీ నేను ముందుగా విన్నాను. చాలా కాంప్లెక్స్ లవ్ స్టోరీ లాగా అనిపించింది.
25
నాగ చైతన్య కామెంట్స్
లెనిన్ కథలో అసాధారణమైన అంశాలు చాలా ఉన్నాయి. ఇలాంటి టైంలో ఈ కథ అఖిల్ కి సరైందేనా అని నాన్నని అడిగాను. నన్ను ఒక ఛాలెంజ్ లాగా తీసుకున్నారు. కింగ్ లోని ఫైర్ నాకు, అఖిల్ కి మాత్రమే తెలుసు. నాన్న ఏదైనా ఛాలెంజ్ లాగా తీసుకుంటే ఎట్టిపరిస్థితుల్లో దానిని సక్సెస్ చేసి చూపిస్తారు. లెనిన్ సక్సెస్ కి నాన్న ఛాలెంజ్ లా తీసుకోవడం కూడా ఓ కారణం అని చైతు అన్నారు.
35
నాన్న ఛాలెంజ్ చేస్తే అంతే..
మనం సినిమా టైంలో కూడా చాలా అనుమానాలు ఉండేవి. దానిని గ్రాండ్ సక్సెస్ చేశారు. అలాగే బంగార్రాజు సినిమాని కేవలం 5 నెలల్లో పూర్తి చేసి సంక్రాంతికి రిలీజ్ చేసి హిట్ కొట్టారు. ఇవన్నీ నాన్న ఛాలెంజ్ లాగా తీసుకున్న సినిమాలే. అదే విధంగా శివ, అన్నమయ్య, నిన్నే పెళ్లాడతా లాంటి వైవిధ్యమైన సినిమాలు చేయాలన్నా కూడా నాన్నకు మాత్రమే సాధ్యం.
నాన్నకు ఉన్న ధైర్యమే మాకు ఇన్సిపిరేషన్ అని చైతు తెలిపారు. లెనిన్ చిత్రానికి నాగార్జున స్వయంగా నిర్మాత. చిత్తూరు నేపథ్యంలో తెరకెక్కిన ఈ కథలో అఖిల్ అక్కినేని అద్భుతంగా నటించారు అంటూ ప్రశంసలు దక్కాయి. ఇక నాగార్జున ప్రస్తుతం తన 100వ సినిమా పనిలో బిజీగా ఉన్నారు.
55
వృషకర్మతో చైతు బిజీ
నాగ చైతన్య విషయానికి వస్తే ప్రస్తుతం మిస్టీరియస్ థ్రిల్లర్ వృష కర్మ అనే చిత్రంలో నటిస్తున్నాడు. విరూపాక్ష దర్శకుడు కార్తీక్ దండు దర్శకత్వంలో ఈ చిత్రం తెరకెక్కుతోంది. ఈ మూవీపై ఆల్రెడీ పాజిటివ్ బజ్ నెలకొంది. తండేల్ మూవీతో హిట్ కొట్టిన చైతు ఇప్పుడు వృష కర్మ మూవీతో మరో హిట్ పై కన్నేశారు.
