హీరోలని డామినేట్ చేసే హీరోయిన్, ఆమెతో నటించాలంటే భయం..చైతు కామెంట్స్, సమంత మాత్రం కాదు

అక్కినేని నాగ చైతన్య రెండో పెళ్లి చేసుకుని కొత్త జీవితాన్ని ప్రారంభించాడు. శోభిత ధూళిపాలని చైతు రీసెంట్ గా వివాహం చేసుకున్న సంగతి తెలిసిందే. నాగ చైతన్య, రానా దగ్గుబాటి ఇద్దరూ కజిన్స్ అనే సంగతి తెలిసిందే. ఇద్దరూ రామానాయుడు గారి మనవళ్లే. రానా కొడుకు బిడ్డ అయితే.. నాగ చైతన్య కూతురి బిడ్డ. చిన్నప్పటి నుంచి చైతు, రానా కలిసి పెరిగారు. 

రీసెంట్ గా నాగ చైతన్య.. రానా హోస్ట్ గా చేస్తున్న ది రానా దగ్గుబాటి షోలో పాల్గొన్నాడు. చైతుతో పాటు రానా భార్య మిహీక, సుమంత్ , కొందరు అక్కినేని కుటుంబ సభ్యులు కూడా పాల్గొన్నారు. ఈ షోలో వీరంతా సరదాగా మనసు విప్పి మాట్లాడుకున్నారు. నాగ చైతన్య.. భార్య పిల్లలతో సంతోషంగా ఉండాలని.. కుటుంబ జీవితం విషయంలో తన కలలని బయట పెట్టాడు. 

ఎంతటి స్టార్ హీరోకి అయినా కొందరు హీరోయిన్లతో నటించాలంటే ఛాలెంజింగ్ గా అనిపిస్తుంది. హీరోలని సైతం డామినేట్ చేస్తూ పెర్ఫామెన్స్ ఇచ్చే హీరోయిన్లు ప్రతి జనరేషన్ లో వస్తుంటారు. అప్పట్లో మహానటి సావిత్రి.. ఎన్టీఆర్, ఏఎన్నార్ లకు ధీటుగా నటించారు. ఆ తర్వాత చూసుకుంటే వాణిశ్రీ, విజయశాంతి లాంటి హీరోయిన్లు హీరోలని డామినేట్ చేసేలా అద్భుతంగా నటించారు. 

ప్రస్తుతం అలాంటి హీరోయిన్లలో సాయి పల్లవి గురించి ముందుగా చెప్పుకోవచ్చు. సాయి పల్లవి డ్యాన్స్, నటన విషయంలో తిరుగులేదు. ఆమె స్క్రీన్ ప్రజెన్స్ హీరోలని కూడా పూర్తిగా డామినేట్ చేసేలా ఉంటుంది అనే టాక్ ఉంది. నాగ చైతన్య తాజాగా రానా షోలో సాయి పల్లవి గురించి ఆసక్తికర కామెంట్స్ చేశారు. 

రానాకి చెబుతూ.. ఆమ్మో సాయి పల్లవితో నటించాలన్నా, డ్యాన్స్ చేయాలన్నా నాకు టెన్షన్ వచ్చేస్తుంది బావా అని నాగ చైతన్య కామెంట్స్ చేశాడు. ఆమె చాలా ట్యాలెంటెడ్, గ్రేట్ కోస్టార్ అంటూ నాగ చైతన్య ప్రశంసలు కురిపించాడు. నువ్వు మాత్రం ఆమెతో డ్యాన్స్ చేయకుండా విరాటపర్వం చిత్రంలో నటించి తప్పించుకున్నావ్ అంటూ రానాపై చైతు సెటైర్లు వేశాడు. చైతన్య, సాయి పల్లవి ఆల్రెడీ లవ్ స్టోరీ చిత్రంలో నటించారు. ప్రస్తుతం తండేల్ మూవీలో నటిస్తున్నారు. సమంత కూడా హీరోలని డామినేట్ చేసే పెర్ఫామెన్స్ ఇస్తుంది. కానీ చైతు ఆమె పేరు చెప్పలేదు. చైతు, సమంత ఆన్ స్క్రీన్ కెమిస్ట్రీ అద్భుతంగా వర్కౌట్ అయింది. రియల్ లైఫ్ లో మాత్రం ఈ జంట కలసి ఉండలేకపోయారు.