కల్కి 2 ఒక్కటే మూడు భారీ చిత్రాలకు సమానం.. నాగ్ అశ్విన్ బిగ్ స్టేట్మెంట్

ఒకప్పుడు ప్రభాస్ అభిమానులు బాహుబలి 2 కోసం ఎంతలా ఎదురుచూశారో అదే స్థాయిలో కల్కి 2పై కూడా క్రేజ్ ఉంది. ప్రభాస్ భైరవ పాత్రని కర్ణుడిగా చూపించి ఫస్ట్ పార్ట్ ని నాగ్ అశ్విన్ ముగించాడు. చివర్లో కమల్ హాసన్ యాస్కిన్ పాత్రలో పూర్తిగా యాక్టివ్ అవుతాడు. ప్రభాస్ కర్ణుడు ఏంటి ? కమల్ హాసన్ యాస్కిన్ గా ఏం చేయబోతున్నాడు ? లాంటి ఉత్కంఠ అంశాలని నాగ్ అశ్విన్ పార్ట్ 2 కోసం దాచేశాడు. 

Kalki 2829 AD

పార్ట్ 2 కనుక వస్తే ఇండియన్ సినిమాలోనే బిగ్గెస్ట్ మూవీ అవుతుంది అని చెప్పడంలో సందేహం లేదు. ఆ మధ్యన కల్కి 2 టైటిల్ మారబోతోంది అనే ప్రచారం కూడా జరిగింది.  కర్ణ 3102 BC అనే టైటిల్ ని నాగ్ అశ్విన్ ఫిక్స్ చేస్తున్నారు రూమర్స్ వచ్చాయి. అయితే నాగ్ అశ్విన్ రీసెంట్ గా శివకార్తికేయన్ నటించిన అమరన్ చిత్ర ప్రీరిలీజ్ ఈవెంట్ లో అతిథిగా పాల్గొన్నారు. 

Kalki 2898 AD

నాగ్ అశ్విన్ స్టేజిపై మాట్లాడితే ఫ్యాన్స్ ఊరుకుంటారా.. పదే పదే కల్కి 2 అని అరవడం ప్రారంభించారు. దీనితో నాగ్ అశ్విన్ కల్కి 2 వస్తుంది కానీ చాలా టైం పడుతుంది అని వాళ్ళని శాంతిపజేశారు. చివర్లో యాంకర్ సుమ కూడా నాగ్ అశ్విన్ నుంచి విశేషాలు రాబట్టే ప్రయత్నం చేసింది. 

కల్కి 2 వచ్చేలోపు ఇంకేదైనా సినిమా ప్లాన్ చేస్తున్నారా అని నాగ్ అశ్విన్ ని సుమ ప్రశ్నించింది. దీనితో నాగ్ అశ్విన్.. లేదు మరో సినిమా చేయను.. ఎందుకంటే కల్కి 2నే మూడు భారీ చిత్రాలకు సమానం... కాబట్టి టైం పడుతుంది. ప్రస్తుతం స్క్రిప్ట్ వర్క్ జరుగుతోంది అని నాగ్ అశ్విన్ ప్రకటించారు. సో నాగ్ అశ్విన్ చెప్పిన దాని ప్రకారం గమనిస్తే ప్రభాస్ ప్రస్తుతం కమిటైన చిత్రాలు పూర్తి చేసే వరకు కల్కి 2 స్క్రిప్ట్, అదే విధంగా ప్రీ ప్రొడక్షన్ జరుగుతూనే ఉంటుంది. ఈ సారి కల్కి 2 చిత్రాన్ని 1000 కోట్ల బడ్జెట్ లో తెరకెక్కించినా ఆశ్చర్యపోనవసరం లేదు. మొత్తంగా నాగ్ అశ్విన్ కల్కి 2 గురించి బిగ్ స్టేట్మెంట్ ఇచ్చారు.