Krishna Mukunda Murari: కొడుకు కోడలికి హనీమూన్ ప్లాన్ చేసిన రేవతి.. అష్టదిగ్బంధనం చేసే ప్రయత్నంలో ముకుంద?

Krishna Mukunda Murari : స్టార్ మా లో ప్రసారమవుతున్న కృష్ణ ముకుందా మురారి సీరియల్ మంచి కంటెంట్తో ప్రేక్షకుల హృదయాల్లో స్థానం సంపాదించుకుంటుంది. ఒక జంటని కలపాలని అత్త అదే జంటని విడదీయాలని కోడలు ఎత్తుకు పై ఎత్తులు వేస్తున్న కథ ఈ సీరియల్. ఇక ఈరోజు జూన్ 22 ఎపిసోడ్ లో ఏం జరిగిందో చూద్దాం.  

ఎపిసోడ్ లో ప్రారంభంలో గీతిక ముకుంద దగ్గరికి వెళ్తుంటే కృష్ణ ఆపి నిన్ను ఒక ప్రశ్న అడగాలి  అని నీకు మురారి ఎప్పటినుంచి తెలుసు? అని అడుగుతుంది. ముకుంద కి ఆదర్శ్ కి పెళ్లి అయినప్పటి నుంచే తెలుసు అని గీతిక అబద్ధం చెప్తుంది. మీరందరూ అబద్ధాలు ఆడుతున్నారు అని నాకు తెలుస్తుంది. 

అందరూ నా దగ్గర ఏదో విషయాన్ని దాస్తున్నారు ఎలాగైనా కనుక్కుంటాను అని అనుకుంటుంది కృష్ణ. తర్వాత గీతిక ముకుంద దగ్గరికి వెళ్లి ఎందుకు పిలిచిందో కనుక్కుంటుంది. అప్పుడు ముకుంద, మీ నాన్నగారు పొలిటీషియన్  కదా నాకు చిన్న సహాయం చేయాలి అని ప్లాన్ అంతా చెప్తుంది.  సరే నాకు చేతనైనది చేస్తాను అని చెప్పి అలాగే కృష్ణతో జరిగిన సంభాషణని కూడా ముకుందకి చెప్తుంది. మంచి అవకాశం వదులుకున్నాము జరిగినదంతా చెప్పేయాల్సింది నా ప్రేమ విషయం తెలిస్తే కృష్ణ ముఖం ఎలా ఉంటుందో చూడాలనుకున్నాను. 

వీలైతే ఎప్పుడైనా నిజం తనకే చెప్పేయ్ అని చెప్పి గీతికని పంపించేస్తుంది ముకుంద. ఆ తర్వాత సీన్లో కృష్ణ, మురారి వాళ్ల గదిలో ఉండగా అత్తయ్యకి ఏమైంది ఈ మధ్య వింతగా ప్రవర్తిస్తున్నారు? కొత్త కొత్త కట్టుబాట్లు అన్ని చెప్తున్నారు అని అడుగుతుంది కృష్ణ.  అమ్మ ఏం చెప్పాలనుకుంటున్నావో నాకు అర్థమైంది నీకే అర్థం కావడం లేదు అని అంటాడు మురారి. ఇంతలో రేవతి అక్కడికి వస్తుంది. నేను ఎందుకు అలా ఉన్నాననే కదా మీరు అనుకుంటున్నారు నాకు మీరిద్దరూ కలిసి ఉండడం కావాలి.ఒక వారసుడు కావాలి.

మీ మెయిల్స్ ఓపెన్ చేయండి అని అంటుంది రేవతి. ఇంతలో మధుకర్, అలేఖ్య అటువైపు వెళ్తూ వీళ్ళ మాటలు వింటారు. మెయిల్స్ ఓపెన్ చేసిన కృష్ణ, మురారి ఆశ్చర్యపోతారు ఎప్పుడు సెలవు ఇవ్వని మాకు వారం రోజులు లీవ్ ఇచ్చారు ఏం అడిగేవమ్మా అని అడుగుతాడు మురారి. ఏదైతే ఏముంది మీరు వారం రోజులు పాటు మన గెస్ట్ హౌస్ కి వెళ్ళాలి అక్కడ హాయిగా గడిపిరండి రేపే బయలుదేరండి అని చెప్పి అక్కడ నుంచి వెళ్ళిపోతుంది రేవతి. కృష్ణ, మురారి ఒకరి ముఖాలు ఒకరు చూసుకుంటారు. ఆ తర్వాత సీన్లో గీతిక వాళ్ల నాన్నకు ఫోన్ చేస్తుంది.

ముకుందకి ఒక చిన్న సహాయం కావాలి నాన్న అని అడుగుతుంది. నేను ఇప్పుడు కాన్ఫరెన్స్ కి వెళ్ళాలి. అట్నుంచి వచ్చిన తర్వాత మీకేం కావాలన్నా చేస్తాను అని చెప్పి ఫోన్ పెట్టేస్తారు వాళ్ళ నాన్న. ఇప్పుడు కొంచెం ప్రశాంతంగా ఉండు మా నాన్న చేస్తారన్నారు కదా ధైర్యం తెచ్చుకో అని అంటుంది గీతిక. ఆ తర్వాత సీన్లో మధుకర్, అలేఖ్యలు కృష్ణ వాళ్ళు గెస్ట్ హౌస్ కి వెళ్లడం గురించి మాట్లాడుకుంటారు. ఈ మాటలు అన్నీ ముకుంద విని అత్తయ్య నా నుంచి వాళ్లని వేరు చేయడానికి చాలా ప్రయత్నాలు చేస్తుంది. ఇప్పుడు వరకు చేసిన ప్రయత్నాలు చాలు ఇప్పుడు నేను అష్టదిగ్బంధనం చేయబోతున్నాను. 

అడిగే ప్రతి ప్రశ్నకి జవాబు దొరకాలి. అత్తయ్య మీరో నేనో తేల్చుకుందాము అని అనుకుంటుంది ముకుంద.గదిలో కృష్ణ, మురారి నిద్ర పట్టక తలడిల్లుతూ ఉంటారు. నేను మిమ్మల్ని హిప్నాటిజం చేస్తాను మీకు నిద్ర వస్తుంది తర్వాత మీరు నన్ను హిప్నోటైజ్ చేయండి అని అంటుంది కృష్ణ. మురారి దగ్గరికి వెళ్లి ఇప్పటివరకు నేను చెప్పినవి, అత్తయ్య చెప్పినవి మీరు అన్ని మర్చిపోతున్నారు అని అంటాది. 

అమ్మ చెప్పింది మర్చిపోతాను కాని నీ మాటలు ఎందుకు మర్చిపోతాను అని అంటాడు మురారి. మీరు నన్ను ఇష్టపడుతున్నారా?. లేక నా తింగరితనాన్ని ఇష్టపడుతున్నారా? అని మనసులో అనుకుంటుంది కృష్ణ. తరువాయి భాగంలో కృష్ణ మురారి వాళ్ల ఫామ్ హౌస్ కి వెళ్తారు. దూరం నుంచి ముకుంద ఈరోజు నా ప్లాన్ వర్క్ అవుట్ అవుతుంది అనుకుంటూ వాళ్లకి ఫోటోలు తీస్తుంది.