Brahmamudi: భర్త మాటని నిర్లక్ష్యం చేస్తున్న కనకం.. కావ్య ఇంటికి వెళ్లిన మీనాక్షి మరో ముప్పు తేనుందా?

Brahmamudi: స్టార్ మా లో ప్రసారమవుతున్న బ్రహ్మముడి సీరియల్ మంచి కథ కథనాలతో ప్రేక్షకుల హృదయాలని గెలుచుకుంటుంది. తనని అపార్థం చేసుకుంటున్న భర్తకి నిజం నిరూపించడం కోసం ప్రయత్నిస్తున్న ఒక భార్య కథ ఈ సీరియల్. ఇక ఈరోజు మే 6 ఎపిసోడ్ ఏం జరిగిందో చూద్దాం.  

ఎపిసోడ్ ప్రారంభంలో పూజ పూర్తయిన తర్వాత బ్రహ్మముడిని విప్పుతుంది చిట్టి. ఇంక వెళ్ళొచ్చా అంటాడు రాజ్. అప్పుడేనా ఇంకో తంతుంది అంటాడు కళ్యాణ్. ఇంకొకటా అంటూ కంగారు పడతాడు రాజ్. అవును టిఫిన్ తినే తంతు అంటూ రాజ్ ని ఆట పట్టిస్తూ  అక్కడ నుంచి వెళ్ళిపోతాడు కళ్యాణ్. మరోవైపు పక్కింటావిడ వచ్చే తన కూతురు 16 రోజుల పండగకి రమ్మని కనకాన్ని పిలుస్తుంది.

తప్పకుండా వస్తానని చెప్తుంది కనకం. వెళ్ళిపోయిన తర్వాత ముభావంగా ఉన్న తల్లిని చూసి ఏం జరిగింది అని అడుగుతుంది అప్పు. అన్ని బాగుంటే మనం కూడా కావ్యకి 16 రోజుల పండుగ జరిపించే వాళ్ళని కానీ మనం ఒకటి తలుచుకుంటే దేవుడు మరొకటి తలిచాడు అంటుంది కనకం. ఏం మొహం పెట్టుకొని అక్కడికి వెళ్తాము స్వప్నక్క వల్ల మన ఇజ్జత్ అంతా పోయింది.

పైగా అక్కడికి వెళ్తే కావ్య అక్కని కూడా బాధ పెట్టిన వాళ్ళం అవుతాము అంటుంది అప్పు. కొన్ని బాధ అనిపించినా భరించక తప్పదు ఇప్పుడు అలాంటివేమీ పెట్టుకోవద్దు కృష్ణమూర్తి. నాన్న చెప్పిన మాట విను ఆ విషయాన్ని గురించి వదిలేయ్ అని నచ్చ చెప్తుంది అప్పు. మరోవైపు బాత్రూం నుంచి వచ్చి డాన్స్ చేస్తూ ఉండగా కావ్య కాఫీ తీసుకొని వస్తుంది. వచ్చేటప్పుడు పిలిచి రావాలని తెలియదా అయినా నువ్వు ఎందుకు తెచ్చావ్ అంటూ కేకలు వేస్తాడు  రాజ్.

ఇది మీ గదిమాత్రమే కాదు రాత్రి నుంచి నాగది కూడా అంటుంది కావ్య. అలా ఎప్పటికీ జరగదు అంటాడు రాజ్. తాతయ్య అంటూ కేక వేస్తుంది కావ్య. ఏంటి ఇప్పుడు పంచాయతీ పెడతావా అంటాడు  రాజ్. ఎక్కువ మాట్లాడితే రాత్రి ఏం జరిగిందో చెప్తాను అంటుంది కావ్య. సిగ్గు లేదా అంటూ కోప్పడతాడు  రాజ్. రాత్రి పెట్టిన గురక గురించి చెప్తుంది కావ్య. ఏంటి సాక్ష్యం అంటాడు రాజ్.

నేను పడిన నరకమే సాక్ష్యం అయినా మీకు అన్నిటికీ సాక్ష్యం కావాలి కదా త్వరలో దానికి కూడా సాక్ష్యం చూపిస్తాను అంటుంది కావ్య. మరోవైపు నా కూతురికి ఎలాగైనా 16 రోజుల పండగ జరిపించాలి. అలా చేయాలంటే నాకు ఎవరి సాయమైనా కావాలి ఎవరు సాయం చేస్తారు అని ఆలోచిస్తూ ఉండగా వాళ్ల అక్క గుర్తుకొచ్చి అక్కడికి వెళ్తుంది కనకం. నా కూతురికి నీ చేతితో 16 రోజుల పండుగ చేయిద్దామని వచ్చాను అంటుంది కనకం.

నువ్వు మొదలు పెట్టేటప్పుడు అది శుభకార్యమే కానీ ముగిసేటప్పటికీ నా మెడకి చుట్టుకుని పిండ ప్రధానం వరకు వస్తుంది అని చిరాకు పడుతుంది మీనాక్షి. నాకు నువ్వు తప్ప ఎవరున్నారు అంటూ కాళ్ళ, వేళ్ళ  పడి ఆమెని బ్రతిమాలి మొత్తానికి కావ్య వాళ్ళ ఇంటికి వెళ్లడానికి ఒప్పిస్తుంది కనకం. మరోవైపు నిజం నిరూపించడం కోసం ఏం చేయాలా అని ఆలోచిస్తూ అప్పుకి ఫోన్ చేస్తుంది కావ్య.

ఈ సమయంలో నాకు నువ్వు తప్పితే వేరే హోప్ లేదు అక్క మీద ఓ కన్నేసి ఉంచు అంటుంది. నువ్వేమీ కంగారు పడకు నేను ఆ పనిలోనే ఉన్నాను అంటూ ధైర్యం చెబుతుంది అప్పు. మరోవైపు అందరికీ కాఫీ ఇస్తూ ఉంటుంది కావ్య. అక్కడే కూర్చున్న రాహుల్ తో నేను ఒక కొత్త కథ రాస్తున్నాను పెళ్లికూతుర్ని లేపికపోయినా అబ్బాయి బుద్ధిలేని అమ్మాయి అని టైటిల్ పెట్టాను ఎలా ఉంది అంటాడు కళ్యాణ్. వీడేంటి ఈమధ్య నన్ను టార్గెట్ చేసాడు అనుకుంటాడు  రాహుల్.

మరోవైపు ఇంట్లో ఎలా నిపురాజేయాలి అని ఆలోచిస్తూ ఉంటుంది రుద్రాణి. అంతలోనే అక్కడికి వచ్చిన మీనాక్షి వాళ్లని చూసి అగ్నికి ఆజ్యం పోయాలి అనుకొని ఆనందంతో  కిందికి వస్తుంది. అంతలోనే ఇంట్లోకి వచ్చిన మీనాక్షి వాళ్లని చూసి ఎందుకు వచ్చారు రాకపోకలు ఉండకూడదు అని చెప్పాను కదా అంటుంది అపర్ణ. చూసావా నీకోసం ఎన్ని మాటలు పడాల్సి వస్తుందో అంటూ కావ్య తో చెప్తుంది మీనాక్షి.

ఇలా జరుగుతుందని తెలుసు కదా ఎందుకు వచ్చావు అంటూ కసురుకుంటుంది కావ్య. తరువాయి భాగంలో చీరాసారే తీసుకొని వస్తుంది  అపర్ణ. ఆశ్చర్యంతో మీరు తీసుకొచ్చారు ఏంటి అని అడుగుతుంది కావ్య. ఎలాగూ నీదే తప్పని తెలిస్తే నువ్వు ఇంట్లోంచి వెళ్ళిపోతావు కదా అప్పటివరకు కోడలు హోదా వెలగబెట్టు అంటుంది అపర్ణ. తప్పు నాది కాదని తెలిస్తే శాశ్వతంగా ఇక్కడే ఉండిపోతాను కదా అంటుంది కావ్య.