స్టార్ లేడీ రష్మిక మందాన లేటెస్ట్ కామెంట్స్ ఆసక్తి రేపుతున్నాయి. తన కంటే అందం, ప్రతిభ ఉన్న అమ్మాయిలు చాలా మంది ఉన్నారట. అయితే తాను స్టార్ కావడానికి ఓ రీజన్ ఉందట..
కన్నడ భామ రష్మిక మందాన నేషనల్ వైడ్ ఫేమ్ తెచ్చుకుంది. కిరిక్ పార్టీ ఆమె మొదటి చిత్రం. ఛలో చిత్రంతో టాలీవుడ్ ఎంట్రీ ఇచ్చింది. గీత గోవిందం, సరిలేరు నీకెవ్వరు, పుష్ప వంటి బ్లాక్ బస్టర్స్ తో స్టార్ హీరోయిన్ హోదా తెచ్చుకుంది.
అటు బాలీవుడ్ లో కూడా పాగా వేస్తుంది. గత ఏడాది విడుదలైన యానిమల్ బ్లాక్ బస్టర్ కొట్టింది. దర్శకుడు సందీప్ రెడ్డి వంగ తెరకెక్కించిన యానిమల్ రూ. 900 కోట్లకు పైగా వసూళ్లు రాబట్టింది. ఈ చిత్రంలో రష్మీ లిప్ లాక్ సన్నివేశాల్లో నటించడం విశేషం. రన్బీర్ కపూర్ తో ఆమె కెమిస్ట్రీ అదిరింది.
యానిమల్ తో హిందీలో ఫస్ట్ హిట్ నమోదు చేసింది. నెక్స్ట్ ఆమె పుష్ప 2 చిత్రంలో కనిపించనుంది. పుష్ప 2 పై భారీ అంచనాలు ఉన్నాయి . సుకుమార్ దర్శకత్వంలో అల్లు అర్జున్ నటిస్తున్న ఈ పాన్ ఇండియా మూవీ ఆగస్టు 15న విడుదల కానుంది. ఇటీవల విడుదలైన టీజర్ ఆకట్టుకుంది.
రష్మిక మందాన బర్త్ డే కానుకగా ఆమె ఫస్ట్ లుక్ విడుదల చేశారు. పార్ట్ 1 లో డీగ్లామర్ గా కనిపించిన రష్మిక... పార్ట్ 2లో పట్టు చీర నగలు ధరించి కనిపించింది. పుష్ప 2తో పాటు రైన్ బో, గర్ల్ ఫ్రెండ్ టైటిల్స్ తో రెండు లేడీ ఓరియెంటెడ్ చిత్రాలు చేస్తుంది.
కాగా తాను స్టార్ గా ఎదగడం పై రష్మిక మందాన ఆసక్తికర కామెంట్స్ చేసింది. తాజా ఇంటర్వ్యూలో మాట్లాడుతూ... నా కంటే అందమైన, ప్రతిభ కలిగిన అమ్మాయిలు చాలా మంది ఉన్నారని నాకు తెలుసు. కేవలం నాకు మంచి అవకాశాలు రావడం వలన ఈ స్థాయికి వచ్చాను. అందుకు నేను కృతజ్ఞతలు తెలుపుతున్నాను.
జీవితంలో మనం పొందిన సంతోషాన్ని, విజయాన్ని తేలికగా తీసుకోకూడదు. ఈ మధ్య కాలంలో నేను నేర్చుకుంది ఇదే... అని అన్నారు. రష్మిక కామెంట్స్ వైరల్ అవుతున్నాయి. మధ్యతరగతి కుటుంబంలో పుట్టిన రష్మిక స్వయంకృషితో స్టార్ గా ఎదిగింది...