భారీ కాన్వాయ్ లో కర్నూలు బయలుదేరిన కొత్త జంట మనోజ్, మౌనిక.. రాయలసీమ జోడీనా మజాకా

పెళ్లి తర్వాత వధూవరులు అత్తారింటికి వెళ్లడం సాంప్రదాయం. రాయలసీమలో అయితే ఈ సంప్రదాయం చాలా గ్రాండ్ గా ఉంటుంది. అల్లుడికి అతిథి మర్యాదలు ఒక రేంజ్ లో ఉంటాయి. అత్తగారింటిలో ఆతిథ్యం స్వీకరించేందుకు మంచు మనోజ్ తన భార్య మౌనికతో కలసి కర్నూలు బయలుదేరారు. 

మంచు మనోజ్, భూమా మౌనిక వివాహ వేడుక శుక్రవారం రాత్రి ఘనంగా జరిగింది.   కొంత కాలంగా ప్రేమలో ఉన్న మంచు మనోజ్, మౌనిక వివాహ బంధంతో ఒక్కటి కావాలని డిసైడ్ అయ్యారు.  మంచు లక్ష్మి నివాసంలో జరిగిన పెళ్ళిలో మూడుముళ్ల బంధంతో ఒక్కటయ్యారు. కొత్త జీవితాన్ని ప్రారంభించారు. కొద్ది మంది బంధువుల సమక్షంలో జరిగినప్పటికీ మంచు మనోజ్ పెళ్లి వేడుక వైభవంగా జరిగింది. 

పెళ్లి తర్వాత వధూవరులు అత్తారింటికి వెళ్లడం సాంప్రదాయం. రాయలసీమలో అయితే ఈ సంప్రదాయం చాలా గ్రాండ్ గా ఉంటుంది. అల్లుడికి అతిథి మర్యాదలు ఒక రేంజ్ లో ఉంటాయి. అత్తగారింటిలో ఆతిథ్యం స్వీకరించేందుకు మంచు మనోజ్ తన భార్య మౌనికతో కలసి కర్నూలు బయలుదేరారు. పెళ్లి తర్వాత తొలిసారి ఈ కొత్త జంట కనిపించి కనువిందు చేశారు. 

ఇద్దరూ వైట్ అండ్ వైట్ డ్రెస్ లో మెరిసిపోతున్నారు. యమా స్టైల్ గా ఇంటి నుంచి బయటకి వస్తున్న మనోజ్, మౌనిక ఫోటోలు సోషల్ మీడియాలో వైరల్ అయ్యాయి. నవ దంపతులు చాలా అందంగా కనిపిస్తున్నారు. ఇక్కడ మరో ఆసక్తికర అంశం ఏంటంటే.. మనోజ్ మౌనిక దంపతులు మాములుగా కర్నూలు బయలుదేరలేదు. భారీ కాన్వాయ్ లో వెళ్లారు. ఇంతటి భారీ కాన్వాయ్ బలమైన పొలిటికల్ లీడర్స్ కి మాత్రమే చూస్తుంటాం. 

రహదారిపై మంచు మనోజ్, మౌనిక కాన్వాయ్ దూసుకుపోతున్న దృశ్యాలు సోషల్ మీడియాలో వైరల్ గా మారాయి. మౌనిక, మనోజ్ ప్రత్యేకంగా అలంకరించిన కారులో కూర్చున్నారు. ఈ కారుని స్వయంగా మనోజ్ డ్రైవ్ చేస్తున్నాడు. 

మనోజ్ అత్తమామలు భూమా నాగిరెడ్డి, శోభా నాగిరెడ్డి ఇద్దరూ లేరు. కాబట్టి కొత్త జంట అభిలప్రియ ఇంట్లో ఆతిథ్యం పొందే అవకాశాలు ఉన్నాయి. ఈ ఫోటోలు చూస్తూ నెటిజన్లు కామెంట్స్ పెడుతున్నారు. కొత్త జంట చాలా బావున్నారు. చూడడానికి రెండు కళ్ళు సరిపోవడం లేదు అని కామెంట్స్ చేస్తున్నారు. 

మరికొందరు మనోజ్ ని ఇంత స్టైలిష్ గా, సంతోషంగా చాలా రోజుల తర్వాత చూస్తున్నాం అని కామెంట్ చేస్తున్నారు. మోహన్ బాబు వారసత్వంతో మనోజ్ హీరోగా రాణిస్తున్నారు. ఇక మౌనిక తల్లిదండ్రుల వారసత్వంతో రాజకీల్లోకి అడుగుపెట్టాలని భావిస్తున్నట్లు వార్తలు వస్తున్నాయి. ఇప్పటికే ఆమె సోదరి అఖిల ప్రియ రాజకీయాల్లో ఉన్నారు.