చిరు - గరికపాటి వివాదం.. మెగాస్టార్ ని అలా అంటూ మంచు విష్ణు ఆసక్తికర వ్యాఖ్యలు, వైరల్

ఇటీవల హైదరాబాద్ లో జరిగిన అలయ్ బలయ్ కార్యక్రమంలో ఊహించని సంఘటన చోటు చేసుకుంది. ఈ కార్యక్రమానికి అతిథులుగా హాజరైన చిరంజీవి, గరికపాటి నరసింహా రావు మధ్య చోటు చేసుకున్న సంఘటన పెద్ద దుమారమే రేపింది. చిరంజీవిని ఉద్దేశిస్తూ గరికపాటి చేసిన కామెంట్స్ తీవ్రమైన చర్చకు దారి తీశాయి. మెగా అభిమానులు గరికపాటి తీరుని పెద్ద ఎత్తున ట్రోల్ చేశారు. 

చిరంజీవి స్టార్ ఉండడంతో అభిమానులు ఫొటోలు తీసుకునేందుకు ఆసక్తి చూపారు. దీనితో ప్రవచనం చెబుతున్న గరికపాటికి అసహనం కలిగింది. చిరంజీవిగారు వెంటనే ఫోటో సెషన్ ఆపేసి ఇటువైపు రావాలి. లేకుంటే ఇక్కడి నుంచి నేను వెళ్ళిపోతారు. నాకు ఎలాంటి మొహమాటం లేదు. చిరంజీవి ఫోటో షూట్ ఆపేయండి లేదా నాకు సెలవు ఇప్పించండి అంటూ మాట్లాడారు. 

ఈ సంఘటనపై ఎవరి అభిప్రాయం వాళ్లు తెలిపారు. చిరంజీవి సపోర్ట్ గా కొందరు గరికపాటికి మద్దతుగా మరికొందరు మాట్లాడారు. ఇండస్ట్రీలో చాలా మంది గారపాటి తీరుని తప్పుబట్టారు. తాజాగా హీరో, మా ప్రెసిడెంట్ మంచు విష్ణు ఈ వివాదంపై ఆసక్తికరంగా స్పందించారు. 

అక్కడ ఏం జరిగిందో నాకు కరెక్ట్ గా తెలియదు. చిరంజీవి, ఆయన అభిమానులు అదీ ఇదీ అంటూ గరికపాటి ఏదో మాట్లాడినట్లు ఉన్నారు. కానీ ఒకటి మాత్రం వాస్తవం. చిరంజీవి గారు ఒక లెజెండ్. అలంటి వ్యక్తి వచ్చినప్పుడు అభిమానులు ఫోటోలకు ఎగబడడం సహజం. ఈ ఉత్సాహాన్ని ఎవరు మాత్రం కంట్రోల్ చేస్తారు ? పెద్ద స్టార్స్ ఉన్నప్పుడు అది సహజం అని విష్ణు తెలిపారు. 

ప్రస్తుతం మంచు విష్ణు తాను నటిస్తున్న జిన్నా మూవీ ప్రమోషన్స్ లో బిజీగా ఉన్నాడు. ఈ చిత్రంలో విష్ణు సరసన సన్నీలియోన్, పాయల్ రాజ్ పుత్ నటిస్తున్నారు. ఇషాన్ సూర్య దర్శకత్వంలో ఈ చిత్రం తెరకెక్కుతోంది. 

మంచు విష్ణుని ఈ చిత్రం సక్సెస్ ట్రాక్ ఎక్కిస్తుందని అంటున్నారు. ఇప్పటికే విడుదలైన టీజర్స్, సాంగ్స్ కి సూపర్ రెస్పాన్స్ వచ్చింది. విష్ణు గత చిత్రాలు తీవ్రంగా నిరాశపరిచాయి. దీనితో మంచు హీరో ఈ చిత్రంపై బోలెడు ఆశలతో ఉన్నాడు.