మనోజ్ కి రాఖీ కట్టిన మంచు లక్ష్మి.. మంచు విష్ణు ఎక్కడ, విభేదాలపై మరోసారి హాట్ రూమర్స్ ?

గతంలో మంచు మనోజ్ రెండో పెళ్లి సందర్భంలో ఆ ఫ్యామిలీపై పలు రూమర్స్ వైరల్ అయ్యాయి. మంచు ఫ్యామిలీ లో ఏదో జరుగుతోంది అంటూ ప్రచారం జరిగింది. దానికి తోడుగా మంచు మనోజ్ పెళ్లి భాద్యత మొత్తాన్ని అక్క మంచు లక్ష్మినే చూసుకుంది. మోహన్ బాబు, మంచు విష్ణు అంటీ ముట్టనట్లుగా వ్యవహరించారనేది అభిమానుల్లో జరుగుతున్న చర్చ. 

ఆ తర్వాత మంచు మనోజ్ మనిషిపై మంచు విష్ణు దాడి కి సంబందించిన వీడియో వైరల్ కావడంతో రచ్చ బాగా ముదిరింది అని అంతా అనుకున్నారు. సాధారణంగా ప్రతి కుటుంబంలో ఉండే చిన్న చిన్న వివాదాలే అని కవర్ చేసే ప్రయత్నం చేసినా జరగాల్సిన డ్యామేజ్ జరిగిపోయింది. 

మంచు లక్ష్మి మంచు మనోజ్ కి బాగా దగ్గరగా ఉంటోంది. ఇక మోహన్ బాబు మాత్రం మంచు విష్ణుతోనే ఎక్కువగా కనిపిస్తున్నారు. విష్ణుకి మోహన్ బాబు సపోర్ట్ ఎక్కువగా ఉంది. దీనితో మంచు ఫ్యామిలిలో సంథింగ్ ఏదో జరుగుతోంది అని నెటిజన్లు చర్చించుకుంటున్నారు. తాజాగా రాఖీ పండగ సందర్భంగా మంచు ఫ్యామిలిలో విభేదాలు బయటపడ్డాయని రూమర్స్ మొదలయ్యాయి. ఆ రూమర్స్ కి కారణం లేకపోలేదు. 

మంచు లక్ష్మి రాఖీ సందర్భంగా మనోజ్ కి రాఖీ కట్టింది. ఈ దృశ్యాలని సోషల్ మీడియాలో పోస్ట్ చేసింది. అంతేకాదు ఆ తర్వాత మంచు లక్ష్మి.. మనోజ్, అతడి భార్య భూమా మౌనిక, బావమరిది జగత్ విఖ్యాత్ రెడ్డితో కలసి డిన్నర్ చేశారు. కానీ ఎక్కడా మంచు విష్ణు ప్రస్తావన లేదు. మంచు విష్ణుకి రాఖీ కట్టిన ఫొటోస్ ని కూడా మంచు లక్ష్మి షేర్ చేయలేదు. 

Manchu Vishnu

దీనితో మంచు లక్ష్మి.. విష్ణుకి రాఖీ కట్టలేదు అని నెటిజన్లు భావిస్తున్నారు. బ్రదర్ సిస్టర్ మధ్య గ్యాప్ మొదలైనట్లు బలంగా రూమర్స్ మొదలయ్యాయి. మంచు ఫ్యామిలీ రెండుగా విడిపోయినట్లు నెటిజన్లు చర్చించుకుంటున్నారు. 

అయితే విష్ణు అందుబాటులో ఉన్నాడా లేదా అనే చర్చ కూడా జరుగుతోంది. ఇటీవల విష్ణు అత్యంత ప్రతిష్టాత్మకంగా కన్నప్ప అనే చిత్రాన్ని ప్రారంభించిన సంగతి తెలిసిందే. ఈ చిత్రం కోసం విష్ణు విదేశాలకు వెళ్లాడని కూడా వార్తలు వస్తున్నాయి. ఏం జరిగినా రాఖీ రోజున మంచు లక్ష్మి.. విష్ణు ప్రస్తావన తీసుకురాకపోవడం చర్చనీయాంశంగా మారింది.