`ఎస్‌` చెప్పిన మలైకా.. అర్జున్‌ కపూర్‌తో పెళ్లికి సిద్ధమేనా?.. ఇంటర్నెట్‌లో రచ్చ షురూ !

బాలీవుడ్‌ బ్యూటీ, మోడల్‌ మలైకా అరోరా, హీరో అర్జున్‌ కపూర్‌ గత కొన్ని ఏళ్లుగా ప్రేమలో మునిగి తేలుతున్నారు. తాజాగా వీరిద్దరు పెళ్లికి సిద్ధమైనట్టు తెలుస్తుంది. మలైక పంచుకున్న పోస్ట్ వైరల్‌ అవుతుంది.   

బాలీవుడ్ లో నటిగా, డాన్సర్ గా, మోడల్‌గా, యోగా ట్రైనర్‌గా రాణిస్తుంది మలైకా అరోరా(Malaika Arora). హాట్‌ అందాలకు కేరాఫ్‌గా నిలిచే ఈ సెక్సీ బాంబ్‌.. యంగ్ హీరో అర్జున్‌ కపూర్‌(Arjun Kapoor)తో గత కొంత కాలంగా డేటింగ్‌ చేస్తున్న విషయం తెలిసిందే. బాలీవుడ్‌ అత్యంత క్రేజీ లవ్‌ బర్డ్స్ గా రాణిస్తున్నారు. ఎక్కడికి వెళ్లినా ఓపెన్‌గానే కలిసి వెళ్తున్నారు. ఆల్మోస్ట్ బహిరంగంగానే ప్రేమించుకుంటున్నారు. 

2016 నుంచి ఈ ఇద్దరు ప్రేమలో మునిగి తేలుతున్న విషయం తెలిసిందే. బాలీవుడ్‌లో చాలా మంది జంటలు పెళ్లిళ్లు చేసుకుంటున్నారు. కానీ వీళ్లెప్పుడు పెళ్లి చేసుకుంటారనేది హాట్‌ హాట్‌ గా చర్చ జరుగుతున్న నేపథ్యంలో ఎట్టకేలకు పెళ్లికి సిద్ధమైనట్టు తెలుస్తుంది. తాజాగా మలైకా అరోరా ఈ విసయాన్ని స్పష్టం చేసిందనే కామెంట్లు వినిపిస్తున్నాయి. అందుకు కారణం ఆమె పెట్టిన పోస్టే అని చెప్పొచ్చు. 

ఇన్‌స్టాగ్రామ్‌లో మలైకా `ఐ సెడ్‌ ఎస్‌`(నేను ఎస్‌ చెప్పాను) అని పేర్కొంది. లవ్‌ ఎమోజీలను పంచుకుంది. రింగులతో కూడిన ఎమోజీలను ఆమె షేర్‌ చేసింది. దీంతో అర్జున్‌ కపూర్‌ని పెళ్లి చేసుకునేందుకు మలైకా ఎస్‌ చెప్పిందనే అభిప్రాయాలు వ్యక్తమవుతున్నాయి. దీనికితోడు బాలీవుడ్‌ సెలబ్రిటీలు మలైకా పోస్ట్ కి స్పందిస్తూ అభినందనలు తెలియజేస్తున్నారు. వారు కూడా లవ్‌ ఎమోజీలను షేర్‌ చేయడం విశేషం. దీంతో మలైకా, అర్జున్‌ బంధం ఇక అధికారికం కాబోతుందని తెలుస్తుంది. త్వరలో వీరిద్దరు పెళ్లి చేసుకోబోతున్నారనే అభిప్రాయం వ్యక్తమవుతుంది. 

త్వరలోనే ఈ జంట ఏడడుగులు వేయబోతుందని, బాలీవుడ్‌ జంటలు వరుసగా పెళ్లిళ్లు చేసుకుంటున్న నేపథ్యంలో ఈ జంట కూడా వివాహ బంధంతో అధికారికంగా ఒక్కటి కాబోతున్నారనే తెలుస్తుంది. దీంతో ఇప్పుడు బాలీవుడ్‌ మీడియాలో హాట్‌ టాపిక్‌ అవుతుంది. సోషల్‌ మీడియాలో వైరల్‌ అవుతుంది. 

ఇదిలా ఉంటే దీనిపై మరో వెర్షన్‌ కూడా వినిపిస్తుంది. ఇది కేవలం ఏదైనా బ్రాండ్‌ ప్రమోషన్‌ కోసం చేసిన స్టంట్‌ ఏమో అంటున్నారు. ఇటీవల సెలబ్రిటీలు తమ బ్రాండ్ల కోసం, సినిమాలు, కొత్త ప్రాజెక్ట్ ల విషయంలో ప్రమోషన్‌ కోసం డిఫరెంట్‌ గా చేస్తున్నారు. మలైకా కూడా అలానే చేసిందా? లేక నిజంగానే మ్యారేజ్‌ చేసుకోబోతున్నారా? అనేది ఆసక్తికరంగా మారింది. మరి ఇందులో నిజానిజాలేంటనేది మరి కొన్ని రోజుల్లోనే తేలనుంది. 

ఇదిలా ఉంటే ఇటీవల `కాఫీ విత్‌ కరణ్‌` షోలో పాల్గొన్న అర్జున్‌ కపూర్‌ తన మ్యారేజ్‌ పై స్పందించాడు. తాను ఇప్పుడే పెళ్లి చేసుకునే ఆలోచనలో లేనని తెలిపాడు. కరోనా వల్ల సినిమాలు చేయలేకపోయానని, టైమ్‌ వేస్త్ అయ్యిందని, ఇప్పుడు కెరీర్‌ మీది పూర్తిగా ఫోకస్‌ పెట్టానని తెలిపాడు. తనకు వర్క్ సంతోషాన్నిస్తుందని, తాను సంతోషంగా ఉంటేనే జీవిత భాగస్వామిని సంతోష పెట్టగలను అని తెలిపారు. దీంతో మలైకా ప్రకటనపై అనుమానాలు వ్యక్తమవుతున్నాయి. ప్రస్తుతం `కుట్టీ`, `ది లేడీ కిల్లర్‌`, `మేరి పత్ని కా రీమేక్‌` చిత్రాల్లో అర్జున్‌ నటిస్తూ బిజీగా ఉన్నాడు.