మహేష్‌బాబు.. తాజాగా బాలయ్య హోస్ట్ గా ప్రసారమవుతున్న `అన్‌స్టాపబుల్‌ విత్‌ ఎన్బీకే` షోలో పాల్గొన్నారు. ఇందులో తన కుమారుడు గౌతమ్‌కి సంబంధించిన ఓ సీక్రెట్‌ని బయటపెట్టారు. బాలయ్యనే భావోద్వేగానికి గురి చేశారు.
బాలకృష్ణ(Balakrishna) ఫస్ట్ టైమ్‌ హోస్ట్ గా చేస్తున్న `అన్‌స్టాపబుల్‌ విత్‌ ఎన్బీకే`(Unstoppable) టాక్ షో `ఆహా`లో విజయవంతంగా రన్‌ అవుతుంది. దీనికి విశేష ఆదరణ దక్కింది. పలు రికార్డులు క్రియేట్‌ చేసింది. బాలయ్య ఫస్ట్ టైమ్‌ ఎంట్రీతోనే రికార్డ్ లు క్రియేట్‌ చేశారు. అంతేకాదు తనలోని మరో యాంగిల్‌ని బయటపెట్టారు. ఈషోకి ఇప్పటికే చాలా మంది స్టార్స్ పాల్గొన్నారు. మోహన్‌బాబు, నాని, బన్నీ, విజయ్‌ దేవరకొండ, రవితేజ, రానా, రాజమౌళి వంటి వారు పాల్గొని సందడి చేశారు. అనేక కొత్త విషయాలను పంచుకున్నారు.
ఇదిలా ఉంటే ఈ టాక్ షో చివరి దశకు చేరుకుంది. మహేష్‌బాబు(Maheshbabu)తో ఫినిష్‌ కాబోతుంది.ఫిబ్రవరి 4న మహేష్‌బాబు పాల్గొన్న ఎపిసోడ్‌ ప్రసారం కానుంది. దీంతో ఈ టాక్ షో మొదటి సీజన్‌ పూర్తవుతుంది. తాజాగా ఈ ఎపిసోడ్‌కి సంబంధించిన ప్రోమో యూట్యూబ్‌లో ట్రెండ్‌ అవుతుంది. మహేష్‌ చెప్పిన విషయాలు సోషల్‌ మీడియాలో వైరల్ అవుతున్నాయి. ఇందులో మహేష్‌ పలు ఆసక్తికర, తెలియని కొత్త విషయాలు పంచుకోవడమే అందుకు కారణం.
కృష్ణగారు సెటైర్లు బాగా వేస్తారు.. మీరు సెటైర్లకి బాప్‌ అని విన్నాను అని Balakrishna అనగా, నవ్వులు పూయించారు Mahesh. అంతేకాదు చివరల్లో ఓ పంచ్‌ కూడా వేశాడు. `నేన్‌ కొడితే అబ్బా నొప్పి అంటాడు, ఆ నొప్పి లోనే ఉన్నాడు దేవుడు` అని బాలయ్య చెప్పగా. ఆడియెన్స్ ని చూస్తూ ఎమ్మా దేవుడిని ఎవరన్నా చూస్తారా? అని మహేష్‌ వేసిన పంచ్‌ కి షో మొత్తం దద్దరిల్లింది. దీంతో ఒక్కటి వచ్చింది..తీస్తా అన్నీ బయటకు తీస్తా అంటూ బాలయ్య చెప్పడం నవ్వులు పూయించింది.
ఈ సందర్భంగా మహేష్‌ ఓ సీక్రెట్‌ని బయటపెట్టారు. ప్రోమోలో.. మహేష్‌ వెయ్యికిపైగా చిన్నారులకు హార్ట్ ఆపరేషన్‌ చేయించారు. ఈ విషయాన్ని బాలయ్య చెబుతూ, అన్ని దానాల కంటే అన్నదానం గొప్పదంటారు, అన్నదానం కంటే ప్రాణదానం గొప్పదంటారు. వెయ్యి మందికిపైగా చిన్నారులకు హార్ట్ ఆపరేషన్‌ చేయించి గుండెల్లో నిలిచిపోయాడు మహేష్‌` అని బాలయ్య చెప్పడం ఆకట్టుకుంది. ఈ సందర్భంగా ఓ ఫ్యామిలీ తమ ఇద్దరు చిన్నారులను స్టేజ్‌పైకి తీసుకొచ్చారు బాలయ్య. తమ చిన్నారి ఇక బతకడనే విషయాన్ని చెబుతూ తల్లి కన్నీళ్లు పెట్టుకుంది.
ఈ సందర్భంగా మహేష్‌ దీని గురించి ఓపెన్‌ అయ్యారు. గౌతమ్‌ ఆరు వారాలు ముందే పుట్టాడని, ఆ టైమ్‌లో తన అరచేయి పొడవంతా ఉన్నాడని తెలిపారు. ఇప్పుడు సిక్స్ ఫీట్స్ పెరిగాడని, అయితే `మాకు డబ్బులున్నాయి. మాకు ఓకే. చాలా మంది పరిస్థితి ఏంటని ఏదో ఒకటి చేయాలని ఈ కార్యక్రమాన్ని తీసుకున్నట్టు చెప్పారు మహేష్‌. అప్పటి నుంచి చిన్నారులకు హార్ట్ ఆపరేషన్‌ చేయిస్తున్నట్టు తెలిపారు.
మహేష్‌ చెప్పిన వ్యాఖ్యలకు బాలయ్య కరిగిపోయారు. భావోద్వేగానికి గురయ్యారు. వెరీ గుడ్‌ అంటూ మహేష్‌ని అభినందించారు. ఈ సన్నివేశం షోలో అందరిని కదిలించింది. అందరిని భావోద్వేగానికి గురి చేసింది. ప్రశంసలందుకుంది. ప్రస్తుతం ఈ ప్రోమో నెట్టింట చక్కర్లు కొడుతూ ఆద్యంతం ఆకట్టుకుంది. మహేష్‌ నిజంగానే సూపర్‌ స్టార్ అని, రియల్‌ హీరో అని అభినందిస్తున్నారు నెటిజన్లు, ఆయన అభిమానులు. `ఎంతో మంది చిన్నారులకు పునర్జన్మ ఇచ్చిన మహేష్‌ అన్న నువ్వు నిజంగా దేవుడవు` అని ప్రశంసలు కురిపించడం విశేషం.