మహేష్ బాబు పిల్లల ఆపరేషన్ల కోసం ఎన్ని కోట్లు ఖర్చుపెడుతున్నాడో తెలుసా..?

సూపర్ స్టార్ మహేష్ బాబు... కోట్ల సంపాదనతో పాటు.. సమాజసేవ  కూడా చేస్తూ..తన మంచి మనసును చాటుకుంటున్నాడు. అయితే ఆయన ఏడాదికి ఎన్ని కోట్లు ఖర్చు పెట్టి ఆపరేషన్లు చేయిస్తున్నాడో తెలుసా..? 

సూపర్ స్టార్ కృష్ణ వారసత్వాన్ని తీసుకుని హీరోగా ఎదిగారు మహేష్ బాబు. టాలీవుడ్ సూపర్ స్టార్ గా..లక్షలాది మంది అభిమానులను సొంతం చేసుకున్నాడు మహేష్ బాబు.  ప్లాప్ లు పడ్డప్పుడు భయపడకుండా.. హిట్లు వచ్చినప్పుడు ఎగిరి గంతేయకుండా.. ఎప్పుడూ ఒకేలా ఉంటాడు సూపర్ స్టార్. గెలుపోటములను ఒకేలా తీసుకుంటాడు. 

50 ఏళ్ళకు అడుగు దూరంలో ఉన్న మహేష్ బాబు.. ఇప్పటికీ అదే గ్లామర్ ను మెయింటేన్ చేస్తున్నాడు. కుర్రాళ్ళు కుళ్లుకునేలా ఫిట్ నెస్ ను, గ్లామర్ ను కొనసాగిస్తూ.. అమ్మాయిల మనసుల్లో ప్రిన్స్ లా.. కలల రాకుమారుడిలా మారిపోయాడు మహేష్ బాబు. ఎంత మంది యంగ్స్ స్టార్స్ వచ్చినా.. మహేష్ క్రేజ్.. ఏమాత్రం తగ్గడం లేదు. 

ఇక ఏడాదికి ఒక్క సినిమా మాత్రమే చేసే సూపర్ స్టార్.. సినిమాలతో పాటు.. ఎక్కువగా యాడ్స్ కూడా చేస్తుంటారు. సినిమాకు 50 కోట్లకు పైగానే తీసుకుంటున్న మహేష్.. పెద్ద పెద్ద బ్రాండ్స్ ను ప్రమోట్ చేస్తూ.. యాడ్ కు 10 కోట్ల పైనే వసూలు చేస్తున్నాడట. ఇలా వందల కోట్లు కూడబెట్టుకుంటున్న మహేష్ బాబు.. ఆ డబ్బులో కొంత భాగం చిన్నారులకు ప్రాణం పోయడానికి ఉపయోగిస్తున్నారు.

అవును మహేష్ బాబు హార్ట్ ప్రాబ్లమ్ ఉన్న చిన్నారులకు ఉచితంగా ఆపరేషన్లు చేయిస్తున్నారు. ఇప్పటికే 1000కి పైగా ఆపరేషన్లు చేయించి వారి జీవితాల్లో వెలుగు నింపాడు. ఇక ఆ అపరేషన్ల కోసం మహేష్ బాబు ఏకంగా ఏడాదికి ...20 నుంచి రూ.25 కోట్ల వరకు ఖర్చు చేస్తున్నార‌ట‌. తన వార్షిక ఆదాయంలో 30 శాతం చిన్నారులను బ్రతికించడానికి ఉపయోగిస్తున్నాడట. 

ఇక మహేష్ బాబు రీసెంట్ గా గుంటూరు కారం సినిమాతో హిట్ కొట్టాడు. ప్రస్తుతం రాజమౌళి సినిమా కోసం రెడీ అవుతున్నాడు. ఈసినిమాకోసం మూడేళ్లకు పైగా మహేష్ కేటాయించబోతున్నట్టు తెలుస్తోంది. పాన్ వరల్డ్ మూవీగా తెరకెక్కుతోన్న ఈసినిమా అమెజాన్ అడవుల్లో జరిగే అడ్వెంచర్ మూవీ అని తెలుస్తోంది.