ఈ ఫోటోలో కనిపిస్తున్న యంగ్ హ్యాండ్సమ్ స్టార్ ను గుర్తు పట్టారా..? ఎలా గుర్తు పడతారు.. ఒకప్పుడు చైల్డ్ ఆర్టిస్ట్ గా చేశాడు కాని.. అప్పటికి ఇప్పటికీ చాలా మార్పు.. ఇంతకీ ఈ యంగ్ హీరో.. ఎసినిమాలో నటించాడు.. ఎవరితను.
ఫిల్మ్ ఇండస్ట్రీలో చాలా మంది చైల్డ్ ఆర్టిస్ట్ లు ఉన్నారు. వారు పెద్దయ్యాక కొంత మంది క్యారెక్టర్ ఆర్టిస్ట్ లుగా మరికొంత మంది మాత్రం హీరోలుగా స్థిరపడుతూ వచ్చారు. రీసెంట్ గా హనుమాన్ సినిమాతో బ్లాక్ బస్టర్ హిట్ కొట్టిన తేజా సజ్జా కూడా చైల్డ్ ఆర్టిస్ట్ గా పేరు తెచ్చుకున్నవారే. అయితే మరికొంత మంది మాత్రం ఇండస్ట్రీలో నిలబడలేక ఇతర రంగాల్లో స్థిరపడుతూ వస్తున్నారు. అయితే ఇప్పుడు మీరు చూస్తున్న ఈ హ్యాండ్సమ్ స్టార్ కూడా ఒకప్పుడు చైల్డ్ ఆర్టిస్ట్ గా నటించినవాడే. అది కూడా సూపర్ స్టార్ మహేష్ బాబు సినిమాలో నటించి మెప్పించాడు.
అయితే ఈ కుర్రాడు ఏ సినిమాలో చైల్డ్ ఆర్టిస్ట్ గా నటించాడు అని మీకు సందేహం రావచ్చు.. మనోడు మహేష్ బాబు హీరోగా నటించిన అతడు సినిమా పదేళ్ల కుర్రాడిగా నటించి మెప్పించాడు. నటించింది రెండు మూడు సీన్లే అయినా.. నవ్వించాడు, మెప్పించాడు. ఇంతకీ ఆ కుర్రాడు ఎవరో కాదు.. బ్రహ్మానందం కొడుకు పాత్ర చేసిన పిల్లాడు. నాన్నా ట్రైన్ తెమ్మాన్నాను తెచ్చావా అని బ్రహ్మీని అడుగుతాడు కదా..? అతనే..
త్రివిక్రమ్ అతడు సినిమా ఎన్ని సార్లు చూసినా బోర్ కొట్టదు. త్రివిక్రమ్ చేసిన మ్యాజిక్ అటువంటిది మరి. ఈసినిమాలో బ్రహ్మానందం కొడుకుగా నటించిన చైల్డ్ ఆర్టిస్ట్ దీపక్ సరోజ్. సినిమాలో హీరో ఆ ఫ్యామిలీకి వచ్చినప్పుడు ఫస్ట్ చూసేది ఇతనే. అతడు సినిమాలో దీపక్ చాలా సీన్స్ లో కనిపిస్తాడు. అప్పుడే చైల్డ్ ఆర్టిస్ట్ గా మంచి పేరు తెచ్చుకొని పలు సినిమాల్లో నటించాడు.
అతడు వచ్చి దాదాపు 20 ఏళ్లు అవుతుంది.. ఇక దీపక్ సరోజ్ పెద్దవాడుఅయ్యాడు.. ఇప్పుడు హీరోగా రాబోతున్నాడు. చాలా హ్యాండ్సమ్ గా తయారయ్యాడు. ఇన్ స్టాలో ఫోటోలతో అమ్మాయిల మనసు దోచేస్తున్నాడు. కొత్త డైరెక్టర్ యశస్వి దర్శకత్వంలో దీపక్ సరోజ్ హీరోగా రాబోతున్న సినిమా సిద్దార్థ్ రాయ్.
రీసెంట్ గా ఈ సినిమా ట్రైలర్ లాంచ్ కూడా చేశారు. ఈ ట్రైలర్ లో రప్ అండ్ రగ్డ్ గా కనిపించాడు హ్యాండ్సమ్ స్టార్. ఈమూవీ తీరు చూస్తుంటే మరో అర్జున్ రెడ్డి అయ్యేలా కనిపిస్తుంది. యూత్ ను ఆకర్షించడానికి పక్కా బోల్డ్, ఎమోషన్ కంటెంట్ తో రాబోతున్నాడు దీపక్. త్వరలోనే సిద్దార్థ్ రాయ్ సినిమాతో ప్రేక్షకుల ముందు రానున్నాడు.
చూడ్డానికి చాలా బాగున్నాడు దీపక్. మరి యాక్టింగ్ ఎలా ఉంటుంది అనేది చూడాలి. ఈసినిమాతో తాను హీరో మెటీరియల్ అని నిరూపించుకోగలిగితే.. అతను మరో విజయ్ దేవరకొండ కావడం ఖాయం అంటున్నారు. మరి మనోడు మరి ఈ సినిమాతో హీరోగా కూడా పేరు తెచ్చుకొని వరుసగా సినిమాలు చేస్తాడో.. లేదో చూడాలి.