వినాయక చవితి వేడుకలకు ఎన్టీఆర్ ఫ్యాన్స్ కొమురం భీం, దేవర నమూనాలో విగ్రాహాలను చేయించారు. ప్రస్తుతం విగ్రహాల ఫొటోలు నెట్టింట వైరల్ గా మారాయి.
యంగ్ టైగర్ ఎన్టీఆర్ (NTR) ఫ్యాన్ ఫాలోయింగ్ గురించి ప్రత్యేకంగా చెప్పాల్సిన అవసరం లేదు. ‘ఆర్ఆర్ఆర్’ తర్వాత వరల్డ్ వైడ్ గా తార్ ఫాలోయింగ్, ఊహించని స్థాయిలో క్రేజ్ పెరిగిపోయింది.
ఎన్టీఆర్ కు సంబంధించిన ప్రతి విషయాన్ని అభిమానులు గ్రాండ్ గా సెలబ్రేట్ చేసుకుంటున్నారు. ఈ క్రమంలో వినాయక చవితి వేడుకల్లో ఎన్టీఆర్ పై ఉన్న అభిమానాన్ని చాటుకోవడం ఆసక్తికరంగా మారింది.
‘ఆర్ఆర్ఆర్’ చిత్రంలో ఎన్టీఆర్ నటించిన కొమురం భీం పాత్రకు, అదే టైటిల్ తో వచ్చిన పాటకూ ప్రపంచ వ్యాప్తంగా ఎంత క్రేజ్ వచ్చిందో తెలిసిందే. రెండేళ్ల అయినా ఈ చిత్రం క్రేజ్ ఏమాత్రం తగ్గలేదు. ఎన్టీఆర్ నటనకు హాలీవుడ్ ప్రముఖులూ ఫిదా అయిన విషయం తెలిసిందే.
ఇక 2023 గణేశ్ చతుర్థి వేడుకల సందర్భంగా అభిమానులు కొమురం భీం పాత్రలో ఎన్టీఆర్ నటించిన పలు సన్నివేశాల్లోని నమునాలా ప్రకారం వినాయకుడి విగ్రహాలను తయారు చేయించారు. ప్రస్తుతం అవి నెట్టింట వైరల్ గా మారాయి.
కేజ్ లోంచి ఎన్టీఆర్ జంతువులతో దూకే సన్నివేశం, పులితో పోరాడే సన్నివేశాలను చూపించేలా విగ్రహాలను రూపొందించారు. అలాగే తారక్ - కొరటాల శివ దర్శకత్వంలో రూపుదిద్దుకుంటున్న ‘దేవర’ ఫస్ట్ లుక్ పోస్టర్ లోని ఎన్టీఆర్ స్టిల్ నూ గణేశ్ విగ్రహాంలా మలిశారు.
అలాగే ‘ఆస్కార్’ ప్రమోషన్స్ సందర్భంగా ఎన్టీఆర్ స్టైలిష్ బ్లూ సూట్ లో మెరిసిన విషయం తెలిసిందే. ఆ తీరులోనూ గణనాథుడి విగ్రహాలను తయారు చేయించి కొలుస్తున్నారు. ఎన్టీఆర్ పై అభిమానులు చూపిస్తున్న ప్రేమకు నెటిజన్లు ఫిదా అవుతున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి