యంగ్ హీరో రాజ్ తరుణ్, లావణ్య వ్యవహారం పెను తుఫాన్ లాగా మారుతోంది. రాజ్ తరుణ్ కి తీవ్రమైన చిక్కులు తప్పేలా కనిపించడం లేదు. దాదాపు దశాబ్దం పైగా వీళ్ళిద్దరూ సహజీవనం చేశారు.
యంగ్ హీరో రాజ్ తరుణ్, లావణ్య వ్యవహారం పెను తుఫాన్ లాగా మారుతోంది. రాజ్ తరుణ్ కి తీవ్రమైన చిక్కులు తప్పేలా కనిపించడం లేదు. దాదాపు దశాబ్దం పైగా వీళ్ళిద్దరూ సహజీవనం చేశారు. ఆమెతో శారీరకంగా సంబంధం ఉన్న మాట వాస్తవమే అని రాజ్ తరుణ్ కూడా మీడియా ముందు ఒప్పుకున్నాడు. అయితే కొందరి వల్ల రాజ్ తరుణ్ తనని పట్టించుకోవడం లేదని లావణ్య ఆరోపిస్తోంది.
ఈ వివాదం జరిగిన తర్వాత తొలిసారి రాజ్ తరుణ్ తన సినిమా ప్రచార కార్యక్రమాల్లో భాగంగా మీడియా ముందుకు వచ్చారు. తన వద్ద అన్నీ అధరాలు ఉన్నాయని, తాను ఏ తప్పు చేయలేదని రాజ్ తరుణ్ చెబుతున్నాడు. కాగా నేడు ఈ కేసులో మరో ఊహించని ట్విస్ట్ చోటు చేసుకుంది.
లావణ్య. రాజ్ తరుణ్ పై కేసు నమోదు చేసిన సంగతి తెలిసిందే. దీనితో నార్సింగ్ పోలీసులు రాజ్ తరుణ్ ని విచారణకి రావాలని ఆదేశించారు. మరోవైపు రాజ్ తరుణ్ తన భర్త అని.. రెండుసార్లు అబార్షన్ కూడా చేయించాడు అంటూ లావణ్య మీడియాలో రచ్చ రచ్చ చేస్తోంది. ఈ కేసు మరింతగా ముదురుతుండడంతో నేడు రాజ్ తరుణ్ హైకోర్టుని ఆశ్రయించాడు.
పోలీసులు విచారణకు పిలవడంతో రాజ్ తరుణ్ ముందస్తు బెయిల్ కోసం హైకోర్టులో పిటిషన్ వేశారు. దీనితో పిటిషన్ ని హైకోర్టు విచారణ చేపట్టింది. కేసు గురించి పూర్తి వివరాలు సమర్పించాలని కోర్టు నార్సింగ్ పోలీసులని ఆదేశించింది. విచారణని రేపటికి వాయిదా వేశారు.
అయితే మరోవైపు లావణ్య సంచలన ఆరోపణలు చేస్తూ మీడియాలో పెను సంచలనంగా మారింది. ఓ మీడియా సంస్థలో లావణ్య మాట్లాడుతూ.. రాజ్ తరుణ్ ఒక అమ్మాయిని ప్రైవేట్ గా ముద్దు పెట్టుకుంటున్న ఫోటో బయట పెట్టింది. ఆమె ఎవరు అని మీడియా అడగగా.. ఎవరో తెలియదు.. మీరే చూడండి అని ఫోటో చూపించింది.
ఆమె ఇద్దరిలోకం ఒకటే అనే చిత్రంలో నటించింది అని పేర్కొంది. తనపై రాజ్ తరుణ్ తరుపున వాళ్ళు డ్రగ్స్ ఆరోపణలు చేస్తుండడంతో లావణ్య కన్నీరు మున్నీరుగా ఏడ్చేసింది. తన వద్ద అన్ని ఆధారాలు ఉన్నాయని బయట పెడతానని లావణ్య చెబుతోంది.