అట్లీ, లోకేష్‌, జ్ఞానవేల్‌, బాలీవుడ్‌లో కోలీవుడ్ దర్శకుల హవా

అట్లీ, మురుగదాస్‌ వంటి దర్శకుల తర్వాత ఇప్పుడు మరో నలుగురు తమిళ  దర్శకులు బాలీవుడ్‌లోకి అడుగుపెట్టారు. వారు ఎవరో చూద్దాం.

బాలీవుడ్‌కు వెళ్తున్న కోలీవుడ్ దర్శకులు

తమిళ సినిమాలోని ప్రతిభావంతులైన దర్శకులను బాలీవుడ్ నటులు హిందీలో పరిచయం చేస్తున్నారు. ఇప్పటికే ప్రభుదేవా, ఎ.ఆర్.మురుగదాస్, విష్ణువర్ధన్ వంటి దర్శకులు బాలీవుడ్‌లో తమ ప్రతిభను చూపించారు. ఇప్పుడు మరో కోలీవుడ్ దర్శకుల బృందం బాలీవుడ్ చిత్రాలను తెరకెక్కించడానికి సిద్ధమవుతోంది.

వారు బాలీవుడ్ చిత్రాలను ఇష్టంగా తెరకెక్కించడానికి ప్రధాన కారణం పారితోషికమే. కోలీవుడ్‌లో కన్నా ఎక్కువ పారితోషికం బాలీవుడ్‌లో దక్కుతుంది. బాలీవుడ్‌లోకి అడుగుపెడుతున్న తమిళ దర్శకులు ఎవరో చూద్దాం.

అట్లీ

`జవాన్` సినిమాతో బాలీవుడ్‌లోకి అడుగుపెట్టిన అట్లీ అక్కడ మోస్ట్ వాంటెడ్ దర్శకుడిగా మారాడు. అతని తొలి చిత్రమే 1000 కోట్లకు పైగా వసూలు చేసింది. ఇప్పుడు మరో బాలీవుడ్ చిత్రానికి దర్శకత్వం వహించనున్నాడు. సల్మాన్ ఖాన్ హీరోగా నటిస్తున్న ఈ చిత్రం ప్రారంభ దశలో ఉంది.

లోకేష్ కనకరాజ్

తమిళంలో సంచలన దర్శకుడిగా పేరు తెచ్చుకున్న లోకేష్ కనకరాజ్ ప్రస్తుతం రజనీకాంత్ నటిస్తున్న `కూలీ` చిత్రానికి దర్శకత్వం వహిస్తున్నారు. ఈ చిత్రం తర్వాత, `ఖైదీ 2`,`రోలెక్స్`, `విక్రమ్‌ 2` వంటి చిత్రాలను చేతిలో పెట్టుకున్న ఆయన బాలీవుడ్‌లో ఆమిర్ ఖాన్‌తో సినిమా చేయనున్నాడు.

రాజ్‌కుమార్ పెరియసామి

శివ కార్తికేయన్ నటించిన `అమరన్` చిత్రానికి దర్శకత్వం వహించి జాతీయ స్థాయిలో గుర్తింపు పొందారు రాజ్‌కుమార్ పెరియసామి. ఈ చిత్రం బాక్సాఫీస్ వద్ద రూ.350 కోట్లకు పైగా వసూలు చేసింది. ఈ చిత్రం విజయం తర్వాత, అతను హిందీలో ఒక చిత్రానికి దర్శకత్వం వహించనున్నాడు.  ఈ మూవీకి సంబంధించిన టాక్స్ నడుస్తున్నాయి. త్వరలోనే అధికారిక ప్రకటన రాబోతుందట. 

అరుణ్ మాతేశ్వరన్

తమిళంలో `రాకీ`, `సాని కాయిదం`, ధనుష్ `కెప్టెన్ మిల్లర్` వంటి చిత్రాలకు దర్శకత్వం వహించిన అరుణ్ మాతేశ్వరన్ ప్రస్తుతం ఇళయరాజా బయోపిక్‌ను తెరకెక్కిస్తున్నారు.  ఆ తర్వాత బాలీవుడ్ చిత్రానికి దర్శకత్వం వహించనున్నారు. ఆ చిత్రం గురించి త్వరలో వివరాలు వెల్లడవుతాయి.

టి.జె.జ్ఞానవేల్

`జై భీమ్` చిత్రంతో పేరు, ప్రఖ్యాతులు సంపాదించుకున్నారు టి.జె.జ్ఞానవేల్. తర్వాత రజనీతో `వేట్టైయన్` చిత్రం చేశారు. ఇది యావరేజ్‌గా ఆడింది. ఈ రెండు చిత్రాల తర్వాత, బాలీవుడ్‌లో `దోసా కింగ్` అనే మూవీకి దర్శకత్వం వహించనున్నారు. ఇది సరవణ భవన్ రాజగోపాల్ జీవిత కథ ఆధారంగా రూపొందుతోంది. ఇలా కోలీవుడ్‌ డైరెక్టర్స్ వరుసగా బాలీవుడ్‌ లోకి ఎంట్రీ ఇస్తూ అక్కడ పాగా వేస్తున్నారు.