జానీ మాస్టర్ రిమాండ్ రిపోర్ట్ కీలాకాంశాలు, దురుద్దేశ్యపూర్వకంగానే
First Published | Sep 20, 2024, 5:57 PM ISTన్యాయస్థానం ఆయనకు 14 రోజులు (అక్టోబరు 3వరకు) జ్యుడీషియల్‌ రిమాండ్ విధించింది.
☰
Jani Master
జానీ మాస్టర్ అసిస్టెంట్‌ కొరియోగ్రాఫర్‌పై అత్యాచార ఆరోపణలు, పోక్సో కేసులో జానీ మాస్టర్‌ను పోలీసులు అరెస్ట్‌ చేసిన విషయం తెలిసిందే. శుక్రవారం తెల్లవారుజామున గోవా నుంచి హైదరాబాద్‌ తీసుకొచ్చి సీక్రెట్ ప్లేస్ లో విచారించారు.
ఈ విచారణలో పలు కీలక అంశాలపై పోలీసులు ఆరా తీశారు. హైదర్‌గూడలోని ఓ ఆస్పత్రిలో వైద్యపరీక్షల అనంతరం కోర్టులో ఆయన్ను హాజరుపరిచారు.
Jani Master
కొరియోగ్రాఫర్‌ జానీ మాస్టర్‌ను ఈ రోజు పోలీసులు ఉప్పరపల్లి కోర్టులో హాజరుపరిచారు. న్యాయస్థానం ఆయనకు 14 రోజులు (అక్టోబరు 3వరకు) జ్యుడీషియల్‌ రిమాండ్ విధించింది. దీంతో పోలీసులు జానీ మాస్టర్‌ను చంచల్‌గూడ జైలుకు తరలించారు.
Latest Videos
Jani Master
కొరియోగ్రాఫర్‌ జానీ మాస్టర్‌కు ఉప్పరపల్లి కోర్టు 14 రోజులు రిమాండ్ విధించడంతో ఆయన్ను చంచల్‌గూడ జైలుకు తరలించారు. రిమాండ్ రిపోర్టులో కీలక అంశాలు వెలుగుచూశాయి. నేరాన్ని అంగీకరించినట్లు పోలీసులు రిమాండ్ రిపోర్టులో పేర్కొన్నారు.
Jani Master
‘‘2019లో జానీతో బాధితురాలికి పరిచయం ఏర్పడింది. దురుద్దేశంతోనే ఆమెను అసిస్టెంట్‌గా చేర్చుకున్నాడు. 2020లో ముంబయిలోని హోటల్‌లో ఆమెపై లైంగిక దాడి చేశాడు. అప్పుడు బాధితురాలి వయసు 16ఏళ్లు. నాలుగేళ్లలో బాధితురాలిపై పలుమార్లు లైంగిక దాడి చేశాడు.
విషయం బయటకు చెబితే సినిమా అవకాశాలు రాకుండా చేస్తానని బెదిరించాడు. తన పలుకుబడిని ఉపయోగించి బాధితురాలికి సినిమా అవకాశాలు రాకుండా అడ్డుకున్నారు. జానీ మాస్టర్ భార్య కూడా బాధితురాలిని బెదిరించారు’’ అని పోలీసులు రిమాండ్ రిపోర్టులో పేర్కొన్నారు.
ఈ కేసుకు సంబంధించి న్యాయ పోరాటం చేస్తాం, కోర్టు నిజాలు తేలుస్తుందని జానీ మాస్టర్ భార్య అయేషా అలియాస్‌ సుమలత తెలిపారు. ఈ కేసులో పోక్సో యాక్ట్‌ ఉన్నందున జిల్లా కోర్టులో బెయిల్‌ పిటిషన్‌ దాఖలు చేస్తామని జానీ మాస్టర్ తరఫు న్యాయవాది తెలిపారు. రిమాండ్ రిపోర్టు సిద్ధం చేస్తున్నారని వెల్లడించారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండిclick me!