కీర్తి సురేష్ పెళ్లి వార్త మరోసారి తెరపైకి వచ్చింది. వరుడు కూడా సిద్ధంగా కాగా వివాహ ఘడియ వచ్చేసింది అంటున్నారు త్వరలో కీర్తి సురేష్ పెళ్లంటూ పెద్ద ఎత్తున ప్రచారం జరుగుతుంది.
స్టార్ లేడీ కీర్తి 30 ఏట అడుగుపెట్టారు. దీంతో పేరెంట్స్ నుండి పెళ్లి ఒత్తిడి ఎక్కువైందట. చేసేది లేక పెళ్లి పీటలు ఎక్కేందుకు కీర్తి సిద్దమయ్యారనే వార్త ఆసక్తి రేపుతోంది.
కీర్తి సురేష్ కి పెళ్లి చేయాలని పేరెంట్స్ ఫిక్స్ అయ్యారట. కొన్నాళ్లుగా వరుడిని వెతికే పనిలో ఉన్నారట. అన్ని విధాలుగా కీర్తికి జోడైన అబ్బాయిని ఆమె పేరెంట్స్ ఎంపిక చేశారట. అబ్బాయి కీర్తికి కూడా నచ్చడంతో పెళ్లి చేసుకునేందుకు సంసిద్ధత వ్యక్తం చేశారట. దీంతో సమీప కాలంలో కీర్తి పెళ్లి ప్రకటన రానుంది అంటున్నారు.
పెళ్లి అనంతరం సినిమాలు కూడా చేయకుడనే నిర్ణయం తీసుకున్నారట. ప్రస్తుతం ఒప్పుకున్న చిత్రాలు పూర్తి చేసి సిల్వర్ స్క్రీన్ కి గుడ్ బై చెప్పేస్తారట. ఈ వార్త అభిమానులను ఆందోళనకు గురి చేస్తోంది. వెండితెరపై కీర్తి సురేష్ ని మిస్ అవుతున్నామన్న వార్త వారిని కలవర పెడుతుంది.
అయితే ఈ వార్తాల్లో ఎంత వరకు నిజం ఉందో తెలియదు. గతంలో కూడా కీర్తి పెళ్లి చేసుకుంటున్నారంటూ కథనాలు వెలువడ్డాయి. అవి పుకార్లు గానే మిగిలిపోయాయి. మరి ఈసారైనా కీర్తి నిజంగా పెళ్లి చేసుకుంటున్నారా? లేదా? అనే సందేహాలు అభిమానుల్లో ఉన్నాయి.
ప్రస్తుతం కీర్తి సురేష్ తెలుగులో భోళా శంకర్, దసరా చిత్రాలు చేస్తున్నారు. నాని హీరోగా నటిస్తున్న దసరా పాన్ ఇండియా చిత్రంగా విడుదల కానుంది. ఇక భోళా శంకర్ చిత్రంలో చిరంజీవి చెల్లెలు పాత్ర చేస్తున్నారు. తమన్నా హీరోయిన్ గా నటిస్తున్నారు. మరో రెండు తమిళ చిత్రాలు కీర్తి ఖాతాలో ఉన్నాయి.