Sardar Movie Review : కార్తీ ‘సర్దార్’ మూవీ రివ్యూ!

తెలుగు ప్రేక్షకులు కూడా ఇష్టపడే  హీరో కార్తీ. తాజాగా ఆయన నటించిన చిత్రం ‘సర్దార్’ ఈ రోజు వరల్డ్ వైడ్ గ్రాండ్ గా థియేటర్లలో రిలీజ్ అయ్యింది. అయితే ఈ మూవీ ఎలా ఉంది.. కార్తీ మరో హిట్ అందుకున్నాడా? అసలు కథేంటి? అనే విషయాలు చూద్దాం.   

రోటీన్ కు విభిన్నంగా కథలను  ఎంచుకుంటున్నారు తమిళ స్టార్ హీరో కార్తీ (Karthi). తాజాగా ఆయన నటించిన స్పై యాక్షన్ థ్రిల్లర్ ఫిల్మ్ ‘సర్దార్’(Sardar). పీఎస్ మిత్రన్ దర్శకత్వం వహించారు. ప్రిన్స్ పిక్చర్స్ బ్యానర్ పై నిర్మాత ఎస్ లక్ష్మణ్ కుమార్ నిర్మించారు. రెడ్ జెయింట్ మూవీస్ సంస్థ డిస్ట్రిబ్యూషన్ బాధ్యతలను చూశారు. కార్తీ ప్రధాన పాత్రల్లో నటించారు.  హీరోయిన్లుగా రాశీ ఖన్నా (Raashi Khanna), రజీషా విజయన్ నటించారు. కీలక పాత్రల్లో చుంకీ పాండే, సీనియర్ నటి లైలా కూడా నటించారు. 

బ్యాక్ టు బ్యాక్ చిత్రాలతో అలరిస్తున్న కార్తీ తాజాగా ‘సర్దార్’తో ప్రేక్షకుల ముందుకు వచ్చారు. తమిళంలో రూపొందించిన ఈ చిత్రాన్ని అన్నపూర్ణ స్టూడియోస్ ద్వారా అక్కినేని నాగార్జున తెలుగు వెర్షన్ లో విడుద చేశారు. దీపావళి కానుకగా ‘సర్దార్’ను ఈరోజు (October) ప్రపంచ వ్యాప్తంగా గ్రాండ్ గా రిలీజ్ అయ్యింది. ఇప్పటికే చిత్రం నుంచి విడుదలైన పోస్టర్లు, టీజర్, ట్రైలర్, పాటలు కూడా అద్భుతమైన రెస్పాన్స్ దక్కించుకుంది.  మరీ థియేటర్లలోకి వచ్చిన ‘సర్దార్’ ప్రేక్షకులను మెప్పించాడా? లేదా? అన్నది రివ్యూ లో చూద్దాం..

కథ : విజయ్ ప్రకాష్ (కార్తీ) పోలీస్ ఇన్ స్పెక్టర్ గా విధులు నిర్వహిస్తుంటాడు. చిన్నప్పటి నుంచి తన తండ్రి దేశ ద్రోహి అంటూ తన చుట్టూ ఉన్నవారంతా వేధిస్తూ ఉంటారు. దీంతో తన తండ్రిలాంటి వాడిని కాదని, తానేంటో ఫ్రూవ్ చేసుకోవాలని నిర్ణయించుకుంటాడు. ఇందుకోసం తన చేసే ప్రతి చిన్న మంచి పనిని పబ్లిసిటీ చేసుకుంటూ ఏపీలో ఐకానిక్  పోలీస్ ఆఫీసర్ గా ఎదుగుతాడు. ఈ క్రమంలో ఓ కంపెనీ ‘వన్ కంట్రీ వన్ పైప్ లైన్’ అనే  ప్రాజెక్ట్ ను చేపడుతుంది. దీన్ని సోషల్ యాక్టివిస్ట్ సమీరా (లైలా) వ్యతిరేఖిస్తుంది. ఈ క్రమంలో ఒకరోజు సమీరా చనిపోతుంది. మళ్లీ ఆమెపైనా దేశద్రోహి అనే ముద్ర వేస్తారు. ఇంతకీ కంపెనీ వెనకున్నది ఎవరు? విజయ్ ప్రకాష్ తండ్రి దేశద్రోహిగా ఎలా మారాడు? సమీర ఎందుకు చనిపోయింది? ఆ తర్వాతా విజయ్ ప్రకాష్ ఏం చేశాడనేది మిగిలిన సినిమా కథ.

విశ్లేషణ : పోలీస్ ఆఫీసర్ గా మంచి పనులు చేస్తూ.. తన పబ్లిసిటీని ప్రారంభించడంతో సినిమా మొదలవుతుంది. నీటి కంపెనీలకు లైలా వ్యతిరేకంగా పోరాటం చేసినంత వరకు విజయ్ ప్రకాశ్ పాత్ర చాలా ఫన్నీగా సాగుతుంది. లైలా పోరాటం, మరణంతో కథలో సీరియస్ నెస్ క్రియేట్ అవుతుంది. అప్పటికే కార్తీ తండ్రిని దేశద్రోహి అంటూ ముద్రవేయడం.. మళ్లీ లైలాపైనా దేశద్రోహి ముద్ర వేయడంతో పోలీస్ ఆఫీసర్ గా ఉన్న విజయ్ ప్రకాశ్ విషయాన్ని వ్యక్తిగతం తీసుకుంటాడు. కేసును చేధించేందుకు ప్రయత్నిస్తుంటాడు. ఇప్పటి వరకు దర్శకుడు మిత్రన్ ప్రతి అంశాన్ని డిటేయిల్డ్ గా చూపించారు. ఇప్పటి వరకు చిత్రం ఫస్ట్ హాఫ్ అద్భుతంగా ఉంటుంది. ఇక ద్వితీయార్థంలో ‘సర్దార్’వేట, నీటి పైప్ లైన్ వివాదం, దేశద్రోహి వేటపై కథ ఆద్యంతం ఆసక్తికరంగా సాగుతుంది. 

మూవీలోని విజయ్ ప్రకాష్ పాత్ర ప్రేక్షకులను బాగా ఆకట్టుకుంటుంది. మరోవైపు దర్శకుడు చిత్రంలో పార్లల్ గా కార్తీ, సర్దార్, నీటి కంపెనీ వివాదాలను చూపించిన తీరు ఆసక్తికరంగా ఉంటుంది. ముఖ్యంగా రచయిత నీటిని కథావస్తువుగా మలిచిన తీరు ప్రస్తుత వాస్తవిక పరిస్థితులకు సరిపోల్చినట్టు ఉంటుంది. కలుషితమనే పేరుతో నీటి వ్యాపారం ఎలా సాగుతుందనే అంశాన్ని టచ్ చేయడం కథకు బలాన్ని చేకూర్చిందని చెప్పొచ్చు. కథతో పాటు ఫన్నీ ఎలిమెంట్స్, ఎమోషనల్ మూమెంట్స్, యాక్షన్ సీన్స్ కూడా బాగా ఆకట్టుకుంటాయి. ద్వితియార్థంలో ‘సర్దార్’ ఫ్లాష్ బ్యాక్ మినహా సినిమా పర్లేదని చెప్పొచ్చు. జీవీ ప్రకాష్ అద్భుతమైన సంగీతం అందించారు. సినిమాటోగ్రఫీ, నిర్మాణ విలువలు ఎక్కడా తగ్గలేదు. 

నటీనటులు : మరోసారి కార్తీ ‘సర్దార్’తో డ్యూయల్ రోల్ సినిమాతో అలరించాడు. పోలీస్ పాత్ర కంటే సర్దార్ పాత్రలో కార్తీ బాగా ఆకట్టుకుంటున్నాడు. అంతేకాకుండా సినిమాలో మరికొన్ని గెటప్స్ లోనూ కనిపిస్తాడు. కార్తీ అంతటా పెర్ఫామెన్స్ తో అదరగొట్టాడు. ఇక హీరోయిన్లు రాశీ ఖన్నా, రజీషా పాత్రకు తగ్గ అభినయంతో అలరించారు. ఇక నెగెటివ్ రోల్ చేసిన నటి చుంకీ పాండే ప్రేక్షకులకు బాగా కనెక్ట్ అవుతుంది. అలాగే మిగితా నటినటులు కూడా ఆయా పాత్రల్లో చక్కగా నటించారు.