నేచురల్ స్టార్ నాని సరసన ‘పిల్ల జమిందార్’ చిత్రంలో నటించిన హీరోయిన్ పెళ్లి పీటలు ఎక్కబోతోంది. ‘కేజీఎఫ్’ నటుడితో ఈరోజు ఘనంగా నిశ్చితార్థం కూడా జరిగింది. ఇందుకు సంబంధించిన ఫొటోలు నెట్టింట వైరల్ అవుతున్నాయి.
కన్నడ నటి హరి ప్రియా (Hari Priya) త్వరలో పెళ్లి పీటలు ఎక్కబోతోంది. తెలుగు ప్రేక్షకులనూ అలరించిన ఈ బ్యూటీ కేజీఎఫ్ నటుడు వశిష్ట సింహా (Vasishta Simha)తో మూడుముళ్ల బంధంలోకి అడుగుపెట్టబోతోంది.
గత కొద్దిరోజులుగా వీరిద్దరి మధ్య ప్రేమ వ్యవహరం కొనసాగుతూనే ఉంది. దీనిపైనా వీరు అధికారికంగానూ ప్రకటించారు. ఇటీవల పెళ్లిపైనా కుటుంబ సభ్యులతో మాట్లాడి నిర్ణయానికి వచ్చారు. ఈ క్రమంలో అభిమానులకు గుడ్ న్యూస్ చెప్పారు.
పెళ్లికి సిద్ధమైన ఈ జంట మొత్తానికి ఈరోజు గ్రాండ్ గా ఎంగేజ్ మెంట్ కార్యక్రమాన్ని పూర్తి చేసుకుంది. కుటుంబ సభ్యుల మధ్య హరిప్రియా, వశిష్ట సింహా నిశ్చితార్థం చాలా సింపుల్ గా జరిగింది. ఇందుకు సంబంధించిన ఫొటోలు నెట్టింట వైరల్ గా మారాయి.
నిశ్చితార్థపు వేడుకలో నటి హరి ప్రియ పసుపు రంగు చీరలో ఆకట్టుకుంటుంది. నటుడు వశిష్ట సింహా కూడా పసుపు రంగులోని సంప్రదాయ దుస్తుల్లోనే మెరిసిశారు. ముహూర్తపు సమయాన కుటుంబ సభ్యుల మధ్య కోలీవుడ్ లవ్ బడ్స్ రింగ్స్ మార్చుకున్నారు.
ఈ సందర్భంగా హరిప్రియా, వశిష్టకు కోలీవుడ్ స్టార్, సినీ ప్రియులు, అభిమానులు శుభాకాంక్షలు తెలుపుతున్నారు. వారి ఎంగేజ్ మెంట్ కు సంబంధించిన ఫొటోలను నెట్టింట లైక్స్, కామెంట్లతో వైరల్ చేస్తున్నారు.
వశిష్ట ‘కేజీఎఫ్’లో కమల్ పాత్రలో నటించిన విషయం తెలిసిందే. ఇక హరిప్రియా తొలుత ‘తకిట తకిట’ చిత్రంతో తెలుగు ప్రేక్షకులకు పరిచయం అయ్యింది. ఆ తర్వాతా ‘పిల్ల జమిందార్, అబ్బాయి క్లాస్ అమ్మాయి మాస్, ఈ వర్షం సాక్షిగా, గలాట, జై సింహా లాంటి చిత్రాల్లో నటించి తెలుగు ఆడియెన్స్ కు ఎంతగానో దగ్గరైంది.