సెలెబ్రిటీ జంట విడిపోతే సహజంగానే అనేక విశ్లేషణలు వినిపిస్తూ ఉంటాయి. సెలెబ్రిటీలు కూడా స్పందిస్తూ ఉంటారు. బాలీవుడ్ ఫైర్ బ్రాండ్ కంగనా రనౌత్ చై సామ్ విడాకులపై పరోక్షంగా స్పందించింది.
చాలా రోజులుగా మీడియాలో వస్తున్న ఉహాగానాలకు తెరదించుతూ నాగ చైతన్య, సమంత విడిపోతున్నట్లు అధికారికంగా ప్రకటించారు. ఈ న్యూస్ ఇండస్ట్రీకి, అభిమానులకు పెద్ద షాక్. చై సామ్ విడిపోవడానికి స్పష్టమైన కారణాలు తెలియవు కానీ కొంతకాలంగా వీరిద్దరి మధ్య తలెత్తిన విభేదాలు ఇక్కడి వరకు తీసుకువచ్చాయని టాక్.
సెలెబ్రిటీ జంట విడిపోతే సహజంగానే అనేక విశ్లేషణలు వినిపిస్తూ ఉంటాయి. సెలెబ్రిటీలు కూడా స్పందిస్తూ ఉంటారు. బాలీవుడ్ ఫైర్ బ్రాండ్ కంగనా రనౌత్ చై సామ్ విడాకులపై పరోక్షంగా స్పందించింది. తన ఇంస్టాగ్రామ్ స్టోరీలో సంచలన వ్యాఖ్యలు చేసింది.
ఈ వ్యవహారంలో తప్పు నాగ చైతన్యదే అంటూ కంగనా రనౌత్ పరోక్షంగా కామెంట్స్ చేయడం హాట్ టాపిక్ గా మారింది. అంతటితో ఆగకుండా ఈ వివాదంలోకి బాలీవుడ్ స్టార్ హీరో అమీర్ ఖాన్ ని కూడా లాగింది. అసలు చై, సామ్ విడాకులకు అమీర్ ఖాన్ కు సంబంధం ఏంటి ? కంగన వ్యాఖ్యల్లో అర్థం ఉందా అంటూ నెటిజన్లు ఆమెని ట్రోల్ చేస్తున్నారు.
కంగనా తన ఇంస్టాగ్రామ్ స్టోరీలో.. విడాకులు ఎప్పుడు జరిగినా తప్పు మగాడిదే. నా మాటలు ఆశ్చర్యంగా అనిపించవచ్చు. కానీ దేవుడు కూడా పురుషులు,స్త్రీ లని అలాగే సృష్టించాడు. బాధితులు ఎప్పుడూ ఆడవారే. మహిళలని బట్టలు మార్చినట్లు మార్చే సంస్కృతిని ఇకనైనా ఆపండి. విడాకుల సంస్కృతి రోజు రోజుకూ పెరుగుతోంది.
ఈ సౌత్ నటుడు 10 ఏళ్లపాటు రిలేషన్ షిప్ లో ఉండి, నాలుగేళ్లపాటు వైవాహిక బంధంలో ఉంది సడెన్ గా విడాకులు ఇచ్చాడు. అతడికి ఇటీవలే బాలీవుడ్ సూపర్ స్టార్ తో పరిచయం ఏర్పడింది. అతడు కూడా డివోర్స్ ఎక్స్ పర్ట్ అంటూ కంగనా సంచలన వ్యాఖ్యలు చేసింది. మీకందరికీ అర్థం అయిందిగా నేను ఎవరి గురించి మాట్లాడుతున్నానో అంటూ కంగనా పోస్ట్ పెట్టింది.
కంగనా చేసిన వ్యాఖ్యలు అమీర్ ఖాన్ ని ఉద్దేశించే అని అర్థం చేసుకోవచ్చు. అమీర్ ఖాన్ లాల్ సింగ్ చద్దా చిత్రంలో నాగ చైతన్య కీలక పాత్రలో నటిస్తున్నాడు.