మెగా ఫ్యామిలీని విమర్శిస్తే వెలివేస్తారా, పార్టీలోనే ఉండి వెనుక గోతులు తవ్వితే.. బండ్ల గణేష్ చీప్ ట్రిక్స్

త్వరలో జరగబోయే టాలీవుడ్ 'మా' అసోసియేషన్ ఎన్నికల హీట్ పెరుగుతోంది. రోజుకొక మలుపు చోటు చేసుకుంటోంది. విలక్షణ నటుడు ప్రకాష్ రాజ్ అధ్యక్ష పదవికి పోటీ చేయనుండడం.. అతడికి పోటీగా హీరో విష్ణు బరిలోకి దిగడంతో ఆసక్తి పెరిగింది.

జీవిత అధ్యక్ష పదవికి పోటీ చేయబోతున్నారు అంటూ వార్తలు వచ్చాయి. కానీ ఇటీవల జీవిత, హేమ ప్రకాష్ రాజ్ ప్యానల్ లో చేరిపోయారు.  నిర్మాత బండ్ల గణేష్ కూడా ప్రకాష్ రాజ్ ప్యానల్ లో ఉన్నారు. కానీ జీవిత రాకతో బండ్ల గణేష్ ప్రకాష్ రాజ్ ప్యానల్ నుంచి బయటకు వచ్చేశారు. 

జీవితపై బండ్ల గణేష్ సోషల్ మీడియా వేదికగా అనేక విమర్శలు చేశారు. జీవిత రాజశేఖర్ ఎక్కువగా మెగా ఫ్యామిలీని టార్గెట్ చేస్తున్నారు అంటూ బండ్ల గణేష్ ట్వీట్స్ చేశారు. అలాగే జీవిత రాజశేఖర్ వరుసగా పార్టీలు మారుతుంటారని కామెంట్ చేశాడు. 

దీనిపై జీవిత తాజాగా ఇంటర్వ్యూలో స్పందించారు. బండ్ల గణేష్ వ్యాఖ్యలు హర్టింగ్ గా ఉన్నాయని జీవిత అన్నారు. మెగా ఫ్యామిలీకి మాకు మధ్య వివాదం గడిచిపోయిన గతం అని జీవిత అన్నారు. 

మెగా ఫ్యామిలీని విమర్శిస్తే వెలివేస్తారా అని జీవిత ప్రశ్నించారు. నా బతుకు గురించి బండ్ల గణేష్ కి ఎందుకు. నేను పార్టీలు మారడం వల్ల బండ్లగణేష్ కు ఏమైనా నష్టమా అని జీవిత అన్నారు. బండ్ల గణేష్ చీప్ ట్రిక్స్ ప్లే చేస్తున్నారు. 

మేము పార్టీలు మారడం వల్ల వచ్చిన నష్టం ఏంటి. ఒకే పార్టీలో ఉంటూ వెనుక గోతులు తవ్వితే గొప్ప వాళ్ళా అని జీవిత ప్రశ్నించారు. వ్యక్తిగత విషయాలు ప్రస్తావించడం బండ్ల గణేష్ మానుకోవాలి. ఇప్పుడు మా ఎన్నికలు జరుగుతున్నాయి.. దాని గురించి మాట్లాడాలి అని జీవిత అన్నారు. 

విష్ణుపై నాకు ఎలాంటి వ్యతిరేకత లేదు. నాకు ప్రకాష్ రాజ్ గారు పూర్తి స్వేచ్ఛ ఇచ్చారు. అందుకే ఆయన ప్యానల్ లో చేరానని జీవిత అన్నారు. నరేష్ సమిష్టిగా పనిచేయించడంలో విఫలమయ్యారని జీవిత అన్నారు.