శ్రీలంక బ్యూటీ, బాలీవుడ్ అందాల తార జాక్వెలిన్ ఫెర్నాండేజ్ పై ఆరోపణలు మరింత బలంగా మారుతున్నాయి. రూ. 200 కోట్ల మనీ లాండరింగ్ కేసులో అరెస్ట్ అయిన ఘరానా మోసగాడు సుఖేష్ చంద్రశేఖర్ తో జాక్వెలిన్ కు సంబంధాలు ఉన్నట్లు కాలంగా వార్తలు వస్తున్నాయి.
శ్రీలంక బ్యూటీ, బాలీవుడ్ అందాల తార జాక్వెలిన్ ఫెర్నాండేజ్ పై ఆరోపణలు మరింత బలంగా మారుతున్నాయి. రూ. 200 కోట్ల మనీ లాండరింగ్ కేసులో అరెస్ట్ అయిన ఘరానా మోసగాడు సుఖేష్ చంద్రశేఖర్ తో జాక్వెలిన్ కు సంబంధాలు ఉన్నట్లు కాలంగా వార్తలు వస్తున్నాయి. ఈ కేసులో విచారణకు గాను ఎన్ఫోర్స్మెంట్ డైరెక్టరేట్ (ED ) పలు మార్లు జాక్వెలిన్ కు నోటీసులు పంపింది. విచారణకు హాజరు కావాలని ఆదేశించింది.
కానీ Jacqueline Fernandez మాత్రం కేవలం ఒకటి రెండు సార్లు మాత్రమే విచారణకు హాజరైంది. మిగిలిన సందర్భాల్లో షూటింగ్ లో బిజీగా ఉన్నట్లు సాకుగా చెబుతూ డుమ్మా కొట్టింది. అయితే ఈడీ మాత్రం Sukesh Chandrashekhar కి ఏఏ సెలెబ్రిటీలతో సంబంధాలు ఉన్నాయి, వారితో సుఖేష్ ఎలాంటి డీల్స్ కుదుర్చుకున్నాడు అనే కోణంలో ఆధారాలు సేకరించే పనిలో ఉన్నారు. ముందుగా సుఖేష్ తో జాక్వెలిన్, నోరా ఫతేహి లాంటి సెలెబ్రిటీలు రిలేషన్ కొనసాగించినట్లు తెలుస్తోంది.
గతంలో ఈడీ సుఖేష్ ని విచారించినప్పుడు తన నుంచి కోట్లల్లో విలువచేసే గిఫ్ట్స్ పొందిన సెలెబ్రిటీల పేర్లు ప్రస్తావించాడట. ఇది కాస్త హాట్ టాపిక్ గా మారింది. అయితే ఈడీ ఎక్కువగా జాక్వెలిన్ పై ఫోకస్ పెడుతూ వచ్చింది. జాక్వెలిన్ మాత్రం తనకు, సుఖేష్ కి ఎలాంటి సంబంధం లేదని ఈడీకి చెబుతూ వచ్చింది. తాజాగా జాక్వెలిన్ పై ఆరోపణలు మరింత బలంగా మారేలా ఓ ఫోటో లీక్ అయింది.
సుఖేష్ తో, జాక్వెలిన్ ముద్దుల్లో మునిగితేలుతున్న పిక్ ప్రస్తుతం ఇంటర్నెట్ లో సెన్సేషన్ గా మారింది. జాక్వెలిన్ సిగ్గుపడుతూ చిరునవ్వులు చిందిస్తుండగా సుఖేష్ ఆమెని ముద్దుల్లో ముంచెత్తుతున్నాడు. ఇంటర్నెట్ లో ఈ పిక్ వైరల్ గా మారడంతో జాక్వెలిన్ బండారం బయటపడింది అంటూ నెటిజన్లు కామెంట్స్ పెడుతున్నారు. ఈ ఫోటో జూలై, ఆగష్టు నెలల్లో జాక్వెలిన్ సుఖేష్ ని చెన్నైలో కలిసినప్పుడు తీసుకున్న సెల్ఫీగా భావిస్తున్నారు.
కోర్టులో విచారణ సందర్భంగా సుఖేష్ లాయర్ సంచలన చేసినట్లు తెలుస్తోంది. 200 కోట్ల మనీ లాండరింగ్ కేసులో తనకు ఎలాంటి సంబంధం లేదని జాక్వెలిన్ అంటోంది. కానీ జాక్వెలిన్, సుఖేష్ తో డేటింగ్ చేసినట్లు లాయర్ కోర్టులో వాదించారు.
ఈడీ ఈ ఫోటోని కీలక ఆధారంగా పరిగణిస్తే జాక్వెలిన్ చిక్కుల్లో పడ్డట్లే. ఈ పిక్ పై జాక్వెలిన్ స్పందన ఎలా ఉంటుందో వేచి చూడాలి. జాక్వెలిన్ ప్రస్తుతం బాలీవుడ్ లో కొన్ని చిత్రాల్లో నటిస్తోంది. తెలుగులో పవన్ కళ్యాణ్ 'హరి హర వీరమల్లు' చిత్రంలో జాక్వెలిన్ కీలక పాత్రలో నటిస్తున్న సంగతి తెలిసిందే.