పల్లవి ప్రశాంత్ అరెస్ట్ కామెడీ అయిపోయిందిగా.. శివాజీ ముందే జబర్దస్త్ కమెడియన్ దారుణంగా..

కింగ్ నాగార్జున హోస్ట్ గా చేసిన బిగ్ బాస్ సీజన్ 7 గత డిసెంబర్ లో ముగిసింది. సీజన్ 7 చాలా ఆసక్తికరంగా సాగింది. గ్రాండ్ ఫినాలే వరకు ఆడియన్స్ ని బాగా ఎంటర్టైన్ చేసింది. రైతుబిడ్డ పల్లవి ప్రశాంత్ విజేతగా నిలిచాడు. శివాజీ మూడవస్థానంలో, అమర్ దీప్ రన్నరప్ గా నిలిచిన సంగతి తెలిసిందే. అయితే ఆ తర్వాత జరిగిన పరిణామాలు తీవ్ర వివాదం సృష్టించాయి. 

పల్లవి ప్రశాంత్ అభిమానులు చేసిన అల్లరికి అతడు బుక్కయ్యాడు. గ్రాండ్ ఫినాలే తర్వాత ఫ్యాన్స్ చేసిన అల్లర్లలో బస్సులు ధ్వంసం అయ్యాయి. దీనికంతటికి కారణం పల్లవి ప్రశాంత్ అని పోలీసులు అతడిని అరెస్ట్ చేశారు. దీనితో పల్లవి ప్రశాంత్ బెయిలుపై విడుదల అయ్యాడు. అంతటితో ఈ వివాదం ముగిసింది. 

అయితే శివాజీ హౌస్ లోపల, బయట పల్లవి ప్రశాంత్ కి మద్దతుగా నిలిచాడు. పల్లవి ప్రశాంత్ అరెస్ట్ అయిన సమయంలో అతడి కుటుంబ సభ్యులు ఎంతో మానసిక వేదన అనుభవించారు. అయితే ఆ సంఘటనని తాజాగా ఎక్స్ట్రా జబర్దస్త్ లో దారుణంగా కామెడీ చేసేశారు. అది కూడా శివాజీ ఎదుట.. శివాజీ తాను నటించిన 90's మిడిల్ క్లాస్ బయోపిక్ వెబ్ సిరీస్ ప్రచార కార్యక్రమాల్లో భాగంగా శివాజీ ఎక్స్ట్రా జబర్దస్త్ షోకి అతిథిగా హాజరయ్యాడు. 

తాజాగా ఈ ప్రోమో విడుదలయింది. ప్రతి జబర్దస్త్ కమెడియన్ చేసిన స్కిట్స్ నవ్వులు పండించేలా ఉన్నాయి. బిగ్ బాస్ విజేతగా నిలిచిన తర్వాత పల్లవి ప్రశాంత్ ర్యాలీగా వెళ్లడం, పోలీసులు అడ్డుకోవడం.. ఆ తర్వాత అరెస్ట్ లాంటి సన్నివేశాల్ని జబర్దస్త్ బాబు పేరడీ చేసారు. 

Pallavi Prashanth

శివాజీ ముందే ఇలా కామెడీ చేయడం షాకింగ్ అంశం. అయితే ఈ స్కిట్ పెర్ఫామ్ చేస్తున్నప్పుడు శివాజీ సీరియస్ లుక్ తో కనిపించాడు. ఇక ఆటో రాంప్రసాద్, గెటప్ శ్రీను సలార్ చిత్రాన్ని పేరడీ చేశారు. 

శివాజీ బిగ్ బాస్ హౌస్ లో ఒక మెంటర్ లాగా పల్లవి ప్రశాంత్ ని నడిపించాడనే ప్రశంసలు దక్కాయి. శివాజీకి శివన్నగా బిగ్ బాస్ షో పెద్దరికం తెచ్చిపెట్టింది. అయితే ఎక్స్ట్రా జబర్దస్త్ కంప్లీట్ ఎపిసోడ్ టెలికాస్ట్ అయినప్పుడు శివాజీ పల్లవి ప్రశాంత్ అరెస్ట్ గురించి ఓపెన్ అయ్యే ఛాన్స్ ఉంది.