‘పుష్ప 2’ ..సుకుమార్ మళ్లీ అదే తప్పు చేస్తున్నారా,టెన్షన్ లో ఫ్యాన్స్

పుష్ప 2 రిలీజ్ డేట్ ని చాలా కాలం క్రితం ఆగస్టు 15 గా ప్రకటించగా, సినిమా పోగ్రస్ కి సంబంధించి కొంత టెన్షన్ ఏర్పడింది. 

Pushpa 2

 అల్లు అర్జున్(Allu Arjun) పుష్ప 2 సినిమా కోసం అభిమానులతో పాటు దేశమంతా ప్రేక్షకులు ఎదురుచూస్తున్న సంగతి తెలిసిందే. ఆగస్టు 15న ఈ సినిమా రిలీజ్ కానుందని ప్రకటించారు. ఇప్పటికే పుష్ప 2 నుంచి గ్లింప్స్, పోస్టర్స్, ఇటీవల టీజర్ రిలీజ్ చేసి సినిమాపై ఎక్సపెక్టేషన్స్ భారీగా పెంచారు.  అయితే  ఈ సినిమా షూటింగ్ ఇంకా పూర్తి కాలేదని, ఇంకా పోస్ట్ ప్రొడక్షన్ పనులు బ్యాలెన్స్ ఉన్నట్లు వినిపిస్తోంది. పుష్ప 1 సమయంలోనూ అలాగే లాస్ట్ మినిట్ దాకా ఏదో ఒక పని జరుగుతూనే ఉంది.

పుష్ప 2 రిలీజ్ డేట్ ని చాలా కాలం క్రితం ఆగస్టు 15 గా ప్రకటించగా, సినిమా పోగ్రస్ కి సంబంధించి కొంత టెన్షన్ ఏర్పడింది. సుకుమార్  ప్లాన్ చేసిన్నట్లుగా షెడ్యూల్స్ పూర్తి చేయలేదని, నిరంతర వాయిదాలు షెడ్యూల్స్ లేటు అవటాలుతో రిలీజ్  చివరి రోజు వరకు టీమ్‌ను వర్క్ మోడ్‌లో ఉండేలా కనపడుతోంది. ఆలస్యమైన షెడ్యూల్ కారణంగా గతంలో పుష్ప 1 కు కూడా టీమ్ రాత్రింబవళ్లూ కనపడుతూనే ఉంది.   

దాంతో లాస్ట్ టైమ్ పెండింగ్ వర్క్ కారణంగా అల్లు అర్జున్ మినహా ఎవరూ ప్రమోషనల్ ఈవెంట్‌లకు హాజరు కాలేదు. రిలీజ్ రోజు ముందు సుకుమార్ ప్రమోషన్స్ కి వచ్చాడు. ఇప్పుడు, అల్లు అర్జున్‌తో పాటు సుకుమార్‌కు అత్యంత కీలకమైన చిత్రాలలో ఒకటైన పుష్ప 2 విషయంలో కూడా అదే తప్పు రిపీట్ అయ్యేలా ఉంది. షెడ్యూల్‌లు ఆలస్యం అవుతున్నాయి దాంతో పని పెండింగ్‌లో ఉంది.

Pushpa 2

ఈ చిత్రం కోసం 2 నెలలకు పైగా వర్క్  పెండింగ్‌లో ఉందని చెప్తున్నారు. అలాగే ఈ సినిమా  ఇంకా సెట్స్‌పై ఉంది. జూలై చివరి వరకు సెట్స్‌పై ఉంటుందని మరియు ఆగస్టు 1వ వారం వరకు కూడా కొనసాగవచ్చని వినపడుతోంది. 

మామూలుగా పుష్ప2 వంటి చిత్రం కోసం, పాన్ ఇండియా ప్రమోషన్‌ల కోసం కనీసం ఒక నెల ముందు సినిమాను పూర్తి చేయాలి మరియు అది ఇప్పుడు జరిగే అవకాశం లేదు. అల్లు అర్జున్ సినిమాని భుజాన వేసుకుని ప్రమేట్ చేయాలన్నా షూట్ లో కుదరదు కదా అంటున్నారు. మరి ఎలా ప్లాన్ చేస్తారో చూడాల్సి ఉంది.

అయితే కొన్ని రోజుల క్రితం విడుదలై, చాలామంది ఫేవరెట్‌ సాంగ్స్‌ లిస్ట్‌లో చేరిపోయింది ‘సూసేకి’ (Sooseki). ‘పుష్ప 2’ (Pushpa 2)లోని ఈ పాట యూట్యూబ్‌లో అత్యధిక వ్యూస్‌తో దూసుకెళ్తోంది. అల్లు అర్జున్‌ (Allu Arjun)- రష్మిక (Rashmika) కెమిస్ట్రీ, హుక్‌ స్టెప్‌ అందరినీ ఆకట్టుకున్నాయి. ఈ పాటకు డాన్స్ స్టెప్స్  సమకూర్చిన గణేశ్‌ ఆచార్య (Ganesh Acharya) ఓ ఇంటర్వ్యూలో మాట్లాడుతూ ఈ పాట గురించి చాలా గొప్పగా చెప్పుకొచ్చారు.

 ‘‘సూసేకి.. స్వీట్‌ సాంగ్‌. గ్రాండ్‌గా ఉంటుంది. ఇటీవల విడుదల చేసిన లిరికల్ వీడియోలో మేకింగ్‌ మాత్రమే చూపించాం. అసలైన డ్యాన్స్‌ చూడాలంటే కొన్ని రోజులు ఆగాల్సిందే. ఎనిమిది రోజుల్లో ఈ పాట చిత్రీకరణ పూర్తయింది. 500 మందికి పైగా డ్యాన్సర్లు పాల్గొన్నారు. కపుల్స్‌ కూడా తేలిగ్గా డ్యాన్స్‌ చేయగలిగేలా హుక్‌ స్టెప్‌ ఉండాలని ముందే ఫిక్స్‌ అయ్యా. దానికి తగ్గట్టే కొరియోగ్రఫీ చేశా. అల్లు అర్జున్‌- రష్మిక తమ డ్యాన్స్‌తో అలరిస్తారు’’ అని పేర్కొన్నారు. అంతకుముందే రిలీజైన టైటిల్‌ సాంగ్‌ ‘పుష్ప.. పుష్ప’ కూడా మంచి ఆదరణ దక్కించుకుంది.

‘పుష్ప 1’లోని స్పెషల్ సాంగ్ ‘ఊ అంటావా మావ..’కి కొరియోగ్రఫీ చేసింది గణేశ్‌ ఆచార్యే. ‘పుష్ప 1’ ఘన విజయం అందుకోవడం, అందులోని నటనకుగాను అల్లు అర్జున్‌కు జాతీయ అవార్డు రావడంతో పార్ట్‌ 2పై భారీ అంచనాలు నెలకొన్నాయి. చిత్రీకరణ తుది దశకు చేరుకుంది.

 ‘ఊ అంటావా మావ’ను మించేలా ‘పుష్ప 2’లో స్పెషల్‌ సాంగ్‌ ఉండేలా టీమ్‌ సన్నాహాలు చేస్తోంది. అందులో బాలీవుడ్‌ నటి ఆడిపాడే అవకాశాలున్నాయని సమాచారం. సుకుమార్‌ దర్శకత్వంలో రూపొందుతున్న ఈ పాన్‌ ఇండియా మూవీ ఆగస్టు 15న ప్రేక్షకుల ముందుకు రానుంది.