లైఫ్‌లో ఇన్ని ఇబ్బందులు పడతానని అప్పుడు ఊహించలేదు.. సమంత ఎమోషనల్‌ వర్డ్స్.. ఫ్యాన్స్ కోసం అందుకు రెడీ..

Samantha

సమంత ఒక్క సినిమాతో స్టార్‌ అయిపోయింది. కుర్రాళ్ల డ్రీమ్‌ గర్ల్ గా మారింది. ఆ తర్వాత పడుతూలేస్తూ, స్టార్‌ హీరోయిన్‌గా ఎదిగింది. ఈ క్రమంలో ప్రేమలో పడి నాగచైతన్యని పెళ్లి చేసుకుంది. నాలుగేళ్ల తర్వాత విడిపోయారు. కొన్ని రోజులకే అనారోగ్యాని(మయోసైటిస్‌ వ్యాధి)కి గురై చాలా ఇబ్బంది పడింది. దాన్నుంచి కోలుకుని సినిమాలు చేసింది. ఇప్పుడు మరింత స్ట్రాంగ్‌ అయ్యేందుకు రిలాక్స్ అవుతుంది. 

సమంత తాజాగా అభిమానులతో ఛాట్‌ చేసింది. ఇన్‌స్టాగ్రామ్‌ ద్వారా ఆ ఛాట్‌ వివరాలు, ప్రశ్నలకు ఆన్సర్లు పంచుకుంది. ఇందులో పలు ఆసక్తికర విషయాలను షేర్‌ చేసుకుంది. ఫ్యాన్స్ అడిగిన ప్రశ్నలకు సమాధానం చెప్పింది. ఫ్యాన్స్ కోసం యాక్షన్‌ సినిమా చేస్తానని తెలిపింది. అదే సమయంలో కొత్తగా వచ్చే వారికి ఇన్‌స్పైరింగ్‌ వర్డ్స్ చెప్పింది. తన లైఫ్‌ ఇలా ఉంటుందని తాను ఊహించలేదన చెప్పింది. 

నేటి యువతకి సమంత సందేశం ఇస్తూ చిన్న చిన్న విషయాలకే తన జీవితం ఇలా అయిపోయిందని ఫీల్‌ కావద్దని, ఇప్పుడే మీ జీవితం మొదలైందని చెప్పింది. జీవిత ప్రయాణంలో చాలా కష్టాలు, సమస్యలు వస్తాయని, వాటిని ధైర్యంగా ఎదుర్కోవాలని పేర్కొంది. నిజానికి అలాంటి కష్టాలు, సమస్యలే మనల్ని స్ట్రాంగ్‌గా మారుస్తాయని, రాటు దేలేలా చేస్తాయని సమంత వెల్లడించింది. ఈ సందర్భంగా తన అనుభవాలు చెబుతూ, తన జీవితం ఇలా అవుతుందని 25ఏళ్లు ఉన్నప్పుడు ఊహించలేదని చెప్పింది. జీవితంలో ఇలాంటి ఇబ్బందులు పడతానని కూడా తాను అనుకోలేదని, ఏం జరిగినా పాజిటివ్‌ మైండ్‌ సెట్‌తో ముందుకు సాగాలని, అన్నీ మన మంచికే అనుకోవాలన సమంత చెప్పింది. 

యాక్షన్‌ సినిమా చేస్తే చూడాలని ఉందని అభిమాని కోరుకోగా, `సిటాడెల్‌`లో యాక్షన్‌ ఉంటుందని, తన పాత్ర హాట్‌గా, ఫన్నీగా ఉంటుందని, ఎంతో సవాల్‌తో ఆ పాత్ర చేసినట్టు చెప్పింది. తనకు కూడా యాక్షన్ సినిమాలంటే ఇష్టమని, అభిమానుల కోసం కచ్చితంగా చేస్తానని వెల్లడించింది సామ్‌. ప్రస్తుతం ఆమె ఆస్ట్రేలియాలో ఉందట. వెకేషన్‌ని ఎంజాయ్ చేస్తున్నట్టు చెప్పింది.

మీ చర్మం ఇలా ప్రకాశించడానికి కారణం ఏంటని చిన్మయి ప్రశ్నించగా, మీరనుకున్నట్టుగా లేదని, మయోసైటిస్‌ ట్రీట్‌మెంట్‌లో భాగంగా తాను స్టెరాయిడ్స్ తీసుకున్నట్టు చెప్పింది. చర్మ సంబంధ సమస్యతో ఇబ్బంది పడ్డానని, విపరీతమైన పిగ్మెంటేషన్‌ వచ్చిందని పేర్కొంది. 

జీవితానికి సంబంధించిన మూడు అంశాలు చెబుతూ, నేను ఏదైనా సాధిస్తాను అని, పరిస్థితులు ఏంటి ఇలా ఉన్నాయని ప్రశ్నించడం మానేసి, యథాతథంగా వాటిని స్వీకరిస్తానని పేర్కొంది. అదే సమయంలో తాను నీతి, నిజాయితీతో ముందుకు సాగుతానని సమంత తెలిపింది. 

ఇక నెక్ట్స్ ప్రాజెక్ట్ ల గురించి చెబుతూ, ప్రస్తుతం ఇంకా ఎలాంటి ప్లాన్‌ చేయలేదని చెప్పింది. ఇకపై కథల విషయంలో చాలా కేర్‌ తీసుకుంటానని, తనకు నచ్చే పాత్రలు చేస్తానని, అదే సమయంలో కంఫర్ట్ జోన్‌ దాటి భిన్నమైన కథలు చేయాలని ఉందని చెప్పింది సమంత. ప్రస్తుతం ఆమె `సిటాడెల్‌`లో నటించింది. వరుణ్‌ ధావన్‌ హీరోగా నటించారు. రాజ్‌ డీకేలు దర్శకులు. ఈ వెబ్‌ సిరీస్‌ రిలీజ్‌కి రెడీ అవుతుంది. ఇటీవల సమంత విజయ్‌ దేవరకొండతో కలిసి నటించిన `ఖుషి` విడుదలై మంచి ఆదరణ పొందింది.