\
2023 సెన్సేషనల్ చిత్రాల్లో యానిమల్ ఒకటి. మిక్స్డ్ టాక్ తెచ్చుకుని కూడా భారీ వసూళ్లు రాబట్టింది. యానిమల్ వరల్డ్ వైడ్ రూ. 800 కోట్లకు పైగా వసూళ్లు రాబట్టింది. రన్బీర్ కపూర్-రష్మిక మందాన జంటగా నటించిన ఈ చిత్రానికి సందీప్ రెడ్డి వంగ దర్శకుడు.
శృంగారం, హింస, పురుషాధిక్యతను ప్రోత్సహించే కంటెంట్ మోతాదుకు మించి ఉందంటూ యానిమల్ మూవీపై విపరీతమైన వ్యతిరేకత వ్యక్తం అయింది. కొందరు చిత్ర ప్రముఖులు, సామాజిక వాదులు, ప్రజా ప్రతినిధులు యానిమల్ చిత్రంపై మండిపడ్డారు. ఈ ఆరోపణలను దర్శకుడు కొట్టిపారేశారు.
రష్మిక మందాన గతంలో ఎన్నడూ లేనంతగా బోల్డ్ సన్నివేశాల్లో నటించింది. రన్బీర్ తో ముద్దు సన్నివేశాలు లెక్కకు మించి ఉన్నాయి. కాగా ఓ సన్నివేశం అనంతరం ఆమె గట్టిగా అరిచి ఏడ్చేసిందట. ప్రముఖ ఆంగ్ల పత్రికకు ఇచ్చిన ఇంటర్వ్యూలో రష్మిక ఈ విషయం వెల్లడించాడు.
హీరో రన్బీర్ కపూర్ వేరొక మహిళతో శృంగారం చేసినట్లు భార్య రష్మిక మందానతో చెబుతాడు. అప్పుడు ఆమె రియాక్షన్.. ఆవేశం, ఆక్రోశంతో కూడుకొని ఉంటుంది. ఈ సన్నివేశంలో నిజంగా భార్యలా ఫీలై చేయాలని దర్శకుడు సందీప్ రెడ్డి వంగా చెప్పాడట. సదరు సీన్ లో రన్బీర్ పై గట్టిగా అరుస్తూ రష్మిక చెంపపై కొడుతుంది.
Rashmika Mandanna and Ranbir Kapoor
సుదీర్ఘంగా ఈ సీన్ సాగుతుంది. ఈ సీన్ మొత్తం ఒక్క టేక్ లో పూర్తి చేశారట. అసలు తనకు ఏమీ గుర్తు లేదట. యాక్షన్-కట్ మాత్రమే గుర్తుందట. సీన్ అయ్యాక కూడా ఏడుస్తూ గట్టిగా అరిచేసిందట. దాంతో రన్బీర్ దగ్గరకు వచ్చి.. నువ్వు బాగానే ఉన్నావా అంటూ సముదాయించాడట. పాత్రలో అంతగా లీనమయ్యానని రష్మిక మందాన చెప్పుకొచ్చింది.