మహేష్ బాబు ఎటకారం మామూలుగా ఉండదు. ఆయన సెటైర్లు పేల్చితే హిలేరియస్‌గా నవ్వులు పూయించాల్సిందే. లేటెస్ట్ గా ఓ వీడియో వైరల్ అవుతుంది.
సూపర్ స్టార్‌ మహేష్ బాబు చూడ్డానికి ఎంత సీరియస్‌గా కనిపిస్తాడో, ఆయనలో అంతే ఫన్‌ యాంగిల్‌ ఉంటుంది. ఆయన ప్రెస్‌ మీట్లలో తన ఫన్‌ యాంగిల్‌ని బయటకు తీస్తుంటారు. ముఖ్యంగా ఎటకారం, సెటైర్లతో రెచ్చిపోతుంటాడు. రిపోర్టర్స్ పై చాలా సందర్భాల్లో ఆయన సెటైర్లు పేల్చారు. పంచ్ లతో రెచ్చిపోయారు.
అలానే మరోసారి రెచ్చిపోయాడు మహేష్. ఓ ఇంటర్వ్యూలో దర్శకుడుపై సెటైర్లు పేల్చాడు. సినిమా షూటింగ్ లో జరిగిన సంఘటన బయటపెడుతూ హిలేరియస్ కామెడీని పండించాడు. ఆ వీడియో క్లిప్ ఇప్పుడు వైరల్ అవుతుంది. ఫ్యాన్స్ ని తెగ ఆకట్టుకుంటుంది. మరి ఇంతకి ఏం జరిగిందంటే?
`మహర్షి` సినిమా టైమ్ లో చోటు చేసుకున్న సంఘటన పంచుకున్నాడు మహేష్. షూటింగ్ లో ట్రాలీ అలా వస్తుందట. ట్రాలీ ఆగిపోయిన తర్వాత తన కళ్లల్లో కన్నీళ్లు రావాలట. దీన్ని పట్టుకుని సెటైర్లు పేల్చాడు మహేష్. ఏంటి నేనేమైనా మహానటి సావిత్రిని అనుకుంటారా? ఎప్పుడు కావాలంటే అప్పుడు కన్నీళ్లు రావాలంటే తీయడానికి అన్నాడట. కానీ ట్రై చేశారట. నిజంగానే కన్నీళ్లు వచ్చాయని తెలిపారు మహేష్.
ఈ సందర్భంగా మరో సంఘటనని పంచుకున్నారు. `సీఈవో` లుక్‌ కొత్తగా ఉండాలని, డిఫరెంట్‌గా ఉండాలని ప్రయత్నించారట. గంటల తరబడి చేస్తూనే ఉన్నారట. అటు తిప్పి, ఇటు తిప్పి పది రకాలుగా దువ్వారట. ఫైనల్‌గా ఒక లుక్‌ అనుకున్నారట. అది బాగానే ఉంది. అందరు బాగానే ఉందన్నారు. దర్శకుడు వంశీ మాత్రం అలానే చూస్తున్నారట. నీకు నచ్చలేదు కదా అంటే నచ్చలేదు సర్‌ అన్నాడట. మళ్లీ దువ్వండి అంటే ఫైనల్‌గా ఒక లుక్‌ సెట్‌ అయ్యింది. అప్పుడు హ్యాపీ అయ్యాడు వంశీ అంటూ వెల్లడించాడు మహేష్. చెబుతున్నంత సేపు హిలేరియస్‌గా నవ్వించాడు సూపర్ స్టార్‌.
మహేష్ హీరోగా రూపొందిన `మహర్షి` చిత్రానికి వంశీ పైడిపల్లి దర్శకత్వం వహించారు. 2019లో వచ్చిన ఈ సినిమా యావరేజ్‌గా ఆడింది. `మహార్షి` సినిమా రిలీజ్‌ ప్రమోషన్స్ టైమ్‌లో మహేష్ ఈ విషయాన్ని వెల్లడించారు. ఇప్పుడిది వైరల్ అవుతుంది. ఇక మహేష్ ప్రస్తుతం రాజమౌళితో సినిమా చేయబోతున్నారు. ప్రస్తుతం ప్రీ ప్రొడక్షన్‌ వర్క్ జరుపుకుంటోంది. త్వరలోనే ఇది సెట్స్ పైకి వెళ్లనుందని తెలుస్తుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి